Яңалыклар

Белен көненә тәмле рецепт!

Белен ашарга яратасызмы, дуслар? Үзе йомшак, челтәрле-челтәрле, телеңне йотарлык тәмле! Ә бүген халыкара белен көне икән бит?! Әниләрегездән сорагыз әле, сезне тәмле беленнәр белән сыйласыннар. Эшләрен бераз җиңеләйтү өчен, үзегез дә ярдәм итегез. Сөт, йомырка, тоз, шикәр салып болгата торыгыз. Тагын нәрсә саласы, дисезме? Менә бик җиңел әзерләнә торган белен рецепты сезгә! Сөт — 1 стакан; Он — 5 аш калагы; Тоз — 1/2 чәй калагы; Шикәр — 2 аш калагы; Йомырка — 2 шт; Үсемлек мае — 1 чәй калагы. Ашларыгыз тәмле булсын!

25.02.2020

«Союзмультфильм» мультфильмнары татар телендә!

Мәрхәмәтлелек һәм самими шаяру, стиль һәм югары сыйфат — безнең ил мультфильмнарының төп үзенчәлекләре! «ШАЯН ТВ»да дөнья мәдәниятендә зур танылу алган «Союзмультфильм» мультфильмнарын карагыз! Әти-әниләрегезгә дә әйтегез! Балачак мультфильмнарын татар телендә карау аеруча күңелле булыр! .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

24.02.2020

Ватанны саклаучылар көне котлы булсын!

Булачак ил сакчыларын 23 февраль белән котлыйбыз! Көчле булыгыз, куйган максатларыгызга ышанычлы адымнар белән атлагыз! Уңышларыгыз белән әти-әниләрегезне, укытучыларыгызны сөендерегез! Ышанычлы дуслар һәм чын илебез сакчылары булып үсегез! Әтиләрне, абый-бабайларны да бәйрәм белән котлыйбыз!

23.02.2020

Безнең сәяхәтләр дәвам итә...

"ШАЯН ТВ" десанты республикабыз районнарына төшүен дәвам итә. 21-22 февраль көннәрендә Алабуга һәм Арча шәһәрендәге мәктәпләрдә булдык. Безнең өчен һәр очрашу мөһим. Канал эшчәнлеге, гомумән, телевидение тормышы белән таныштырудан тыш, без дусларыбызга истәлекле бүләкләр дә ясыйбыз. Һәр очрашу саен, безнең дуслар арта гына, шуңа бик сөенәбез!

22.02.2020

«Әдәби марафон»ның юбилее узды!

Туган тел көнендә башкалабызга китап сөючеләр җыелды. Унынчы тапкыр оештырылучы «#әдәбимарафон»ның финалына меңнән артык катнашучы республика районнарыннан гына түгел, хәтта чит төбәкләрдән дә килде. Дөньякүләм үткәрелә торган бу бәйге - социаль челтәрләрдә китап уку гадәтен формалаштыра торган проект. 21 көн дәвамында укылган китаплардан иң матур өзекләрне социаль челтәрләргә куеп барган катнашучылар бүген «Пирамида» сәхнәсенә күтәрелде. Аларны язучы-шагыйрьләр, китап нәшрияты, министрлыклардан килгән төрле дәрәҗәле шәхесләр котлады, истәлекле бүләкләр тапшырды.Чара матур концерт белән үрелеп барды. Иң куанычлысы: китап укучы балалар да арта. Үзе белән марафонда катнашырга дусларын күпләп чакырган Буа районы Аксу мәктәбенең 5 сыйныф укучысы Сәмитова Алинәгә махсус бүләк - «ШАЯН ТВ» каналы тапшыруларында катнашу мөмкинлеге бирә торган сертификат та тапшырылды. Без - ана телебез сакчылары, китап сакчылары, бай әдәби мирасны киләчәккә тапшырачак буын! Шушы дәрәҗәле исемнәргә тап төшерми, туган телебезне кадерләп яшәсәк иде.

21.02.2020

Халыкара туган тел көне!

Яхшы бел Татарча да яхшы бел, Урысча да яхш ы бел. Икесе дә безнең өчен Иң кирәкле затлы тел Бу телдә рух байлыгың Ьә м йөрәк кайнарлыгың . Җырлаган бу телдә безгә Сөекле Тукай моңын... Татарчасы — туган тел, Безгә газиз булган тел. Атаң-анаң, әби-бабаң Сине сөя торган тел. Тел кешене дус итә, Бер-берсенә беркетә. Бел, балам, син рус телен Һәм онытма үз телең! Шәйхи Маннур

21.02.2020

«Рөстәм маҗаралары»

Дуслар, «Китап укыйм» сәхифәсен дәвам итәбез. Сезнең игътибарга Гадел Кутуйның «Рөстәм маҗаралары» әсәреннән өзек куябыз һәм бу повестьне тулысынча укырга киңәш итәбез. «...Кышкы кичләрнең берсе иде. Рөстәмнең әти–әнисе – Гайшә апа һәм Һашим абый – театрга киттеләр. Рөстәм белән әби икәү генә калдылар. Шул кичне Рөстәм яңа әкият тыңлады. Әкият мондый иде: Абага – гап–гади үсемлек. Исе дә юк, яфрагы да әллә ни матур түгел. Ләкин шул абаганың искиткеч бер хикмәте бар. Абага чәчәк атмый, диләр. Ялганлыйлар! Ата икән. Мең төрле абагалар арасында берсе генә ата икән. Ул яз көне, җиде төн уртасында, ике–өч секундта чәчәк ата, ди. Шул вакытта яшен яшьни, күк күкри, җен–пәриләр чыга, урман яктыра, ди. Абага шундый матур була, ди! Чәчәге бөтен урманны яктырта, исеннән баш әйләнә, ди. Абага чәчәген өзәргә һәм кабарга өлгергән кеше башка кешеләр күзенә күренми, ди. Шулай кеше күзенә күренмәскә теләүчеләр дөньяда бик күп булган икән. Ләкин андый абаганы табарга авыр икән. Кайбер кешеләр илдән илгә йөргәннәр, бөтен гомерләрен шулай уздырганнар. Әмма я тапмаганнар, я чәчәк атуын күрмәгәннәр, я яшен сугудан, я җен–пәриләрдән куркудан үлгәннәр икән...»

20.02.2020

Мәңге хәтердә!

Әйе, без якты көннәр, тыныч төннәр бүләк иткән әби-бабаларыбызны мәңге хәтерлибез. Сезне дә каналыбыз игълан иткән флешмобта катнашырга чакырабыз. Карт әби, карт бабаларыгыз турында сөйләп, видео төшерегез. Аны үзегезнең инстаграм сәхифәсенә урнаштырыгыз. Видеоязма астына #җиңү75, #шаян, #шаянхәтерли75 #шаянгорурлана75 хештегларын языгыз. Без сезне, әлеге хештеглар аша табып, «ШАЯН ТВ» дан күрсәтәчәкбез. Сезнең игътибарга алып баручыларыбызның әби-бабалары турында сөйләгән истәлекләрен тәкъдим итәбез. .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

19.02.2020

1 ... 294 295 296 297 298 ... 376

Яңа сайт!