Яңалыклар

«ШАЯН ТВ» каналында кунаклар!

«ШАЯН ТВ» каналында кунаклар!

Бүген «ШАЯН ТВ» каналында “ДжуниорЛайф” кино сәнгате мәктәбе балалары кунакта булып киттеләр. «ШАЯН ТВ» яшь тамашачыларын канал белән тагын да тулырак таныштырды, үзенең танып-белү һәм күңел ачу тапшырулары, зур проектлары, гаҗәеп мультсериаллары хакында сөйләде. Шулай ук күңелле викториналар уздырды. Укучылар барысы да бик теләп катнаштылар, яраткан каналларыннан истәлекле бүләкләр оттылар! Балаларның йөзләрендә шат елмаюларын күреп, без дә бик сөендек!  

04.04.2023
Чуч-Мяуч» кабат экраннарда!

Чуч-Мяуч» кабат экраннарда!

Көттегезме? Сез яраткан «Чуч-Мяуч» мультсериалы кабат экраннарга әйләнеп кайта! Маруся - күп катлы йортта яшәүче алты яшьлек гади кыз. Мяуч исә - чын мәгънәсендә, тылсымлы мәче, ул теләкләрне үтәргә сәләтле. Мәче белән кыз тиз арада чын дусларга әйләнәләр. Мяуч Марусяга һәр көнне аның ике теләген үтәргә вәгъдә итә, һәм алар мавыктыргыч маҗаралар иленә юл алалар. Кызның тугры дуслары - зирәк Варя һәм тыйнак Миша һәракыт алар белән бергә йөриләр. Кайчакта әлеге геройларга кыенлыклар белән очрашырга туры килсә дә, алар һәрвакыт проблемаларны бергә хәл итәләр һәм төрле хәлләрдән чыгу юлы табалар! «Чуч-Мяуч» мультсериалын «ШАЯН ТВ» каналында дүшәмбедән җомгага кадәр 12:45 һәм 20:45 сәгатьләрдә карагыз!

03.04.2023
Апрель...

Апрель...

Апрель аена да аяк бастык! Көннән-көн кояш үзенең җылы нурлары белән күңелләрне иркәли. Урамда җылы, тып-тып тамчылар тама, кошлар чыркылдаша. Җиһанда яз тантана итә! Түземсезлек белән тизрәк карларның эреп бетүен, чәчәкле ямьле көннәрнең җитүен көтәбез. Алдагы көннәргә табигать сынамышлары ниләр вәгъдә итә?! Бергәләп күз салыйк һәм сынап карыйк! * Апрель яңгырлы булса, гөмбә уңар. * Ай башында яшен яшьнәсә, җәй җылы килер hәм чикләвек мул булыр. * Апрельдә көндез кызу, төнлә салкын булса, җылы җәй юрыйлар. * Ай ахырында төннәр йолдызлы булса, уңыш уңар. * Апрельдә каен суы күп акса, җәй яңгырлы килер. * Апрельдә карлыгачлар килмәсә, салкын язга. * Апрель артык җылы булса, май салкын, җилле булыр. * Апрельдә гөрләвек акмаса, майда үлән үсмәс. * Апрельдә кайда су булса, июньдә шул урында күлләвек җыелыр. * Салкын апрель ипи алып килә. * Апрель башында күк күкрәсә, җәй коры килә.

03.04.2023
Кошлар кайта туган ягына!

Кошлар кайта туган ягына!

Кошлар кайта, дуслар! Март башыннан ук һава торышының язга борылуы нәтиҗәсе – быел кошлар да туган якларына иртәрәк кайттылар. Ә сез яз хәбәрчеләрен күрдегезме әле? Кара каргалар инде март башында ук күренделәр, акчарларлар, сыерчыклар да быел иртәрәк килде. Сыерчыклар белән бергә кышның соңгы бураннары да килә, аның артыннан ялтырап кояш чыга. Безнең бурыч исә – сыерчыкларны оя ясап көтү. Алар агач куышлары, түбә асларына да оялый алалар. Әммә кошлар өчен иң уңайлысы – кеше ясаган оялар. Алар сезгә моның өчен рәхмәтле дә булачак әле. Бала үстергәндә, бер кош көненә 300-350 тапкыр бөҗәк алып кайта. Күзәткәнегез дә бардыр, сыерчык 2 минут саен оясына җим ташып тора. Шулай итеп, бакча һәм урманнарны корткычлардан, зарарлы бөҗәкләрдән чистарта. Әйдәгез, сыерчык оялары ясап, кошларны шатландырыйк! Аларның матур сайраулары белән хозурланыйк!

31.03.2023
Язгы каникулда нишләргә?

Язгы каникулда нишләргә?

Яз - ул салкын кыштан соң башлаган кечкенә генә яңа тормыш. Язгы каникуллардан онытылмаслык тәэсирләр алу өчен нишләргә? Безнең файдалы исемлек сезгә ярдәмгә килер! * Беренче кояшлы көннәр белән ләззәтләнергә һәм вакытны күбрәк урамда уздырырга. * Паркларда йөрергә һәм беренче язгы чәчәкләрне эзләргә. * Тал песиенә, агачлардагы беренче яфракларга, умырзаяларга, һәм беренче үләннәргә сокланырга. * Җылы яклардан очып кайткан кошларга җимлек эләргә. * Гөрләвекләр буйлап сикерергә һәм көймәләр йөздерергә. * Чәчәкләр яки агач утыртырга. * Урманга барырга. * Язгы фотосессиягә чыгарга. * Кинога, кызыклы фильмга, яки театрга барырга. * Дусларның, якыннарның, туганнарның хәлен белергә. * Саф һавада футбол, волейбол яки баскетбол уйнарга. * Үрдәкләрне, тиеннәрне һәм парклардагы башка җан ияләрен ашатырга. * Моңарчы эшләнмәгән, я булмаса эшләргә курыккан, сузып йөргән эшләрне эшләргә. * Кояш баешы белән хозурланырга яки таң каршыларга. * Күбрәк җиләк-җимеш һәм яшелчәләр ашарга, витаминнар турында онытмаска. * Язгы табигатьне фотога төшерергә. * Кыштан соң бераз хәлсезләнгән организмны кайгыртырга. * Яраткан эшеңә, хоббига яки мавыгуларга күбрәк вакыт бүлеп бирергә. * Йолдызлы күкне күзәтергә. * Бераз ыгы-зыгыдан арыну өчен, телефоннан ял итәргә. * Язга күбрәк сөенергә, күбрәк елмаерга һәм көләргә.  

30.03.2023
Prev. 1 ... 150 151 152 153 154 ... 378 Next
Главная Программа Видео Шортс Поиск