Яңалыклар

Бәхет көне белән!

Бәхет көне белән!

Ә сез бәхетнең үз көне бар икәнен белә идегезме? 20 март – Халыкара бәхет көне билгеләп үтелә икән! Галимнәр фикеренчә, бәхетнең 50 проценты геннардан, 10 проценты тормыш шартларыннан (гаилә,эш, уку), ә 40 проценты уйлардан тора. Ә бәхетнең төсе – сары төс икән. Эндорфин, дофамин белән серотонин - бәхет формуласын төзүче гормоннар. Эндорфиннар кыска вакытка, ә дофамин озын вакытка бәхет фоны булдыра һәм канәгатьлек хисе бирә. Серотонин исә – яхшы кәеф чыганагы булып тора. Иң «бәхетле» илләр рейтингында беренче урынны Дания, аннан соң Швейцария, Исландия, Норвегия һәм Финляндия ала. Үзеңне бәхетле итеп хис итәр өчен, тиешенчә йокларга, спорт белән шөгыльләнергә, әйбәт кешеләр белән аралашырга, сәяхәт итәргә һәм елмаерга куша психологлар. Һәр мизгелнең кадерен белергә һәм аннан ләззәт алырга тырышу бик мөһим. Якыннарны яратырга, аларны кичерергә һәм үпкәләрне онытырга кирәк. Үзебез бәхет чыганагы булыйк. Дөнья - ул зур көзге һәм анда безнең кәефебез чагыла. Барыбыз да бәхетле булыйк!

20.03.2023
Әкият илендә: «Балта остасы һәм чөй»!

Әкият илендә: «Балта остасы һәм чөй»!

Борын-борын заманда бер хуҗаның балта остасы булган, ди. Ул Иван исемле булган. Бервакыт аның янына хуҗа килгән дә болай ди икән: — Иван, син бөтенләй начар эшлисең. — Ничек инде начар эшлим? — дип аптырашка калган ди Иван. — Менә күрәсеңме, нинди зур ярыклар калдырасың? — ди икән хуҗа. — Ә-әй, хуҗа! Менә чөй килү белән барысын да каплап куяр. Ә хуҗага кызык. — Нинди чөй? Кайчан килә соң ул? Ә Иван болай ди икән: — Хуҗам, ул сез барында килмәс инде. — Ә менә минем ул чөйне күрәсем килә бит, — ди икән хуҗа. — Ул очракта сез утырып торыгыз, бәлки, килер, — ди Иван. Хуҗа көтә икән, көтә икән, ә чөй һаман юк та юк ди. Хуҗа өйгә кайтып киткән. Ә Иван шул арада ярыкларны каплап та куйган. Менә берзаман хуҗа да килеп җиткән: — Нәрсә, чөй килдеме? — ди икән. — Сез китүгә, чөй килеп тә җитте. Менә күрәсезме, бөтен ярыкларны да каплап куйды. Нигә генә кайтып киттем икән, дип үкенгән ди хуҗа. Менә шунда Иван әйткән инде: — Хуҗам, чөй — балта остасының дусты. Балта остасы мүк тутыра, ә чөй кагып кертә. Шулай итеп, хуҗа берни дә белми калган, ә балта остасы әле дә булса үзенчә эшләп ята, ди. (Рус халык әкияте)                                                                                                                                                                                                                                                                                                                                                                                                                                                                                                                                                                                                                                                                     

17.03.2023
Казанның 35 нче лицеенда «Балачак җыры» концерты узды!

Казанның 35 нче лицеенда «Балачак җыры» концерты узды!

Бүген Казанның 35 нче лицеенда «ШАЯН ТВ» каналының «Балачак җыры» концерты узды. Каналыбызның танылып килә торган нәни йолдызларын тамашачылар бик җылы кабул иттеләр. «Сәйлән» телевизион фестивале җиңүчеләре тамашачылар күңелен яуларга өлгергән, балалар өчен уникаль җырларны яңгыраттылар. Иң актив балаларга исә «ШАЯН ТВ» каналы шәп бүләкләр өләште! Тамашачылар «ШАЯН ТВ» балалар каналының яраткан персонажлары белән фотога да төшә алды. Шаян белән Мияу балаларны каршы алдылар, сәламләделәр, уйнадылар, күңелләрен күтәрделәр! Исегезгә төшерәбез, әлеге чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелә. Концерт барышында залда бәйрәм хисе хөкем сөрде! Ул барлык тамашачыларга да аралашу шатлыгы һәм яхшы кәеф бүләк итте! Концертта катнашучылар тамашачылардан бик күп рәхмәт сүзләрен кабул иттеләр!

17.03.2023
«Балачак җыры» бәйгесенең жюри утырышы узды!

«Балачак җыры» бәйгесенең жюри утырышы узды!

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе белән берлектә үткәрелә торган «Балачак җыры» бәйгесенә гаризалар кабул итү тәмамланды. Барлыгы редакциябезгә 100гә якын җыр килде. Хәзерге вакытта эшләрне бәяләү, сайлап алу процессы бара. Бүген әлеге җырларны бәйгенең жюри утырышында карадылар. Утырышка Сәгыйть Хәбибуллин, Резеда Ахиярова, Разил Вәлиев, Айсылу Габдинова, Әлфия Җаппарова кебек мәртәбәле шәхесләр җыелды. Икенче турга исә профессиональ жюри тарафыннан 20 җыр сайлап алынды. Бәйгегә килгән һәр җыр үзенчәлекле, һәм ихлас. Аларның һәрберсе хит булырга лаеклы. Әлеге бәйгедә катнашкан, кызыксындыру белдергән һәркемгә рәхмәт әйтәбез! Бик тиздән икенче этапка үткән җырлар исемлеге билгеле булачак!  

16.03.2023
«Балачак җыры» бәйгесенә гаризалар кабул итү тәмамланырга санаулы сәгатьләр калды!

«Балачак җыры» бәйгесенә гаризалар кабул итү тәмамланырга санаулы сәгатьләр калды!

Бүген «Балачак җыры» бәйгесенең 4 сезонына гаризалар кабул итү тәмамлана! Ашыгыгыз! Көн дәвамында гаризагызны җибәреп калырга өлгерегез! Бүләккә акчалата приз тапшырылачак, моннан тыш, җырның профессиональ аранжировкасы һәм клибына ия булачаксыз! Эшләрегезне, җырның текстын һәм көен [email protected] адресына җибәрегез. Бәйгенең шартлары буенча тулырак мәгълүмат сылтама буенча.  

15.03.2023
«ШАЯН ТВ» каналы алып баручысы герой Дамир Йосыповтан интервью алды!

«ШАЯН ТВ» каналы алып баручысы герой Дамир Йосыповтан интервью алды!

Кичә Россия Герое Дамир Йосыпов «На солнце, вдоль рядов кукурузы» фильмы премьерасында Казанда тамашачылар белән очрашты. Фильм аның язмышына бәйле төшерелгән. Премьерада Дамир Йосыпов фильмга мөнәсәбәте, аны төшерү мизгелләре турында сөйләде. Аны Татарстан халкы бик җылы кабул итте. «ШАЯН ТВ» каналының алып баручысы Рәдиф Габдрәкыйпов герой милләттәшебез Дамир Йосыповтан интервью алырга да өлгерде! Яшь алып баручыбыз белән горурланабыз! Афәрин, Рәдиф!

15.03.2023
Смешариклар белән танышабыз!

Смешариклар белән танышабыз!

Дуслар, «ШАЯН ТВ» каналында баручы «Смешариклар» мультсериалын карап барасызмы? Геройлар белән дуслаштыгызмы инде? Юк икән, аларның кайберләре турында күбрәк белеп китик! * Нюша - мода яратучы кечкенә смешарик, характеры буенча ул чын холерик: бар нәрсәне дә бирелеп эшли, кыенлыклар алдында югалып калмый. Шул ук вакытта, көчле эмоцияләргә бирелә һәм кәефе дә кискен үзгәрергә мөмкин. * Керпе - бик кызыксынучан һәм күбрәк өйдә утырырга ярата. Ул техника, кактуслар һәм коллекцияләр белән мавыга. Дусларының үтенечләрен сирәк кенә кире кага, шуңа күрә, алар аркасында төрле маҗараларга очрый. * Крош - шат күңелле, хәрәкәтчән, беркайчан да төшенкелеккә бирелми торган, озын колаклы һәм кылый күзле, аксыл төстәге куян. Ул спорт белән шөгыльләнергә ярата, аеруча футбол белән. Һәрвакыт төрле маҗараларга юлыга. Аның иң якын дусты - керпе. * Бәрәш - шагыйрь-лирик, меланхолик. Еш кына кайгы турында шигырьләр яза, әмма шулай ук күңел ачарга һәм уйнарга да ярата. Аны рәнҗетү бик җиңел, шуңа күрә Бәрәш тирә-юньдәгеләрдән күп игътибар таләп итә. Беркем дә белмәгән бик күп яшерен белемнәргә һәм талантларга ия. * Пошаш – акыллы галим; сериал буенча ул астроном, әмма биология, химия, физиканы да яхшы белә, башка фәннәр белән дә кызыксына, хәтта Нобель премиясе дә ала. Фән кануннарына каршы килгән бар нәрсәне кире кага. Аның өендә, фән белән артык мавыгу аркасында, коточкыч тәртипсезлек. Ул бик җитди, китаплар укырга ярата, үз теорияләрен кайвакыт практикада кулланырга тырыша. Мультсериалны дүшәмбедән алып, җомгага кадәр 13:35 һәм 21:35 сәгатьләрдә «ШАЯН ТВ» каналында карагыз!  

14.03.2023
Prev. 1 ... 149 150 151 152 153 ... 375 Next
Главная Программа Видео Шортс Поиск