Яңалыклар

#татлышаян

Дуслар, бераз укудан ял итеп, сезгә #татлы рецептлардан тәмле ризыклар пешерергә киңәш итәбез. "Яшьләр тукталышы" хәбәрчесе Талия берсеннән-берсе тәмле рецептлар белән уртаклаша. Сез аларны безнең инстаграм сәхифәсеннән таба аласыз. Менә берничәсен монда да уртаклашырга булдык. Әниләрегез белән пешереп сыйланыгыз! Наггетслар Бәрәңге Фри Сочниклар Америка печеньелары

25.04.2020

ТАССР 100 ел: тарих эзләреннән...

1944 елның 24 апрелендә СССРның халык комиссарлары советы каршында Казан университетында татар теле һәм әдәбияты кафедрасы ачыла.

24.04.2020

Барыбыз да туган тел сагында!

Татарстан Республикасы Президенты Рөстәм Миңнеханов Татмедиа бинасында урнашкан балалар өчен махсус мәйданчык белән танышты. Ул «Салават күпере» журналының апрель санында басылып чыккан әкиятне махсус QR-код ярдәмендә «ШАЯН ТВ»ның YouTube каналына күчеп тыңлады. Аны «Кичке әкиятләр»дә Ләйләбез укыды. Тулырак: «Татар-информ» сайтында.

24.04.2020

Тукай атналыгы: китап көне.

Бүген - халыкара китап һәм авторлык хокуклары көне. Тукай атналыгы кысаларында сезнең игътибарга яраткан шагыйребезнең «Китап» шигырен тәкъдим итәбез. Һич тә күңлем ачылмаслык эчем пошса, Үз-үземне күрәлмичә, рухым төшсә, Җәфа чиксәм, йөдәп бетсәм, бу башымны Куялмыйча җанга җылы һичбер төшкә; Хәсрәт соңра хәсрәт килеп алмаш-алмаш, Күңелсез уй белән тәмам әйләнсә баш, Күзләремдә кибеп тә җитмәгән булса Хәзер генә сыгълып-сыгълып елаган яшь, — Шул вакытта мин кулыма китап алам, Аның изге сәхифәләрен актарам; Рәхәтләнеп китә шунда җаным, тәнем, Шуннан гына дәртләремә дәрман табам; Укып барган һәрбер юлым, һәрбер сүзем Була минем юл күрсәткүче йолдызым; Сөйми башлыйм бу дөньяның ваклыкларын, Ачыладыр, нурланадыр күңлем, күзем; Җиңелләнәм, мәгъсумләнәм мин шул чакта, Рәхмәт әйтәм укыганым шул китапка; Ышанычым арта минем үз-үземә, Өмид берлән карый башлыйм булачакка.

23.04.2020

Игътибар! Тавыш бирү башланды!

«Апрель ае - Тукай ае» рәсем бәйгесенә 200дән артык эш килде. Бүгеннән безнең сайтта рәсемнәрнең беренче өлешенә тавыш бирү башлана. Игътибар белән күзәтеп барыгыз! Һәр көн саен яңа рәсемнәр чыгып барачак, 10 иң күп тавыш җыйган рәсем финалга үтәчәк. 27 апрельдән алар өчен тавыш бирү башлана. 30 апрель көнне җиңүчеләр билгеле булачак.

23.04.2020

ТАССРга 100 ел: «Моабит дәфтәрләре»

1957 елның 22 апрелендә «Моабит дәфтәрләре» шигырьләр циклы өчен шагыйрьләр арасында беренче тапкыр Муса Җәлил Ленин премиясе белән бүләкләнә. Безнең көннәргә кул учы кадәр зурлыктагы ике дәфтәр сакланып калган. Моабит циклында барлыгы 92 шигырь һәм ике өзек бар. Моабит төрмәсеннән совет тоткыны Габбәс Шәрипов алып чыккан беренче дәфтәрне Нигъмәт Терегуловка тапшыра. Ул исә 1946 елда Казанга кайтып, Җәлил һәм Алиш дәфтәрләрен Абдулла Алишның хатынына бирә. Нәтиҗәдә дәфтәрләр Татарстан язучылар берлеге рәисе Әхмәт Ерикәйгә килеп җитә. Тагын бер елдан Брюссельдагы совет консуллыгыннан икенче дәфтәр дә кайта. Моабит төрмәсеннән аны Андре Тиммерманс алып чыга. Шагыйрьнең соңгы үтенчен үтәп, шигырьләрне аның ватанына җибәрә. Беренче тапкыр шигырьләр 1953 елда баш мөхәррир Константин Симонов аркасында «Әдәби газета»да басыла. Ленин премиясе 1957 елда тапшырыла. «Моабит дәфтәрләре» 60тан артык телгә тәрҗемә ителгән.

22.04.2020

«ШАЯН тарих»

.video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

22.04.2020

Бабама хат...

Илебездә матур бәйрәм - Җиңү көне якынлаша. Шул уңайдан "ШАЯН ТВ" каналы "Бабама хат" акциясе игълан итә. Безгә аяз күк йөзе бүләк иткән бабаларыгызга әйтер сүзләрегезне хат итеп язып, фотосын да беркетеп [email protected] почтасына юллагыз. Без аларны сайтта урнаштырып барачакбыз! Акция 22 апрельдән 30 майга кадәр дәвам итә.

22.04.2020

1 ... 280 281 282 283 284 ... 375

Яңа сайт!