Яңалыклар

Игътибар! Тавыш бирү башланды!

«Апрель ае - Тукай ае» рәсем бәйгесенә 200дән артык эш килде. Бүгеннән безнең сайтта рәсемнәрнең беренче өлешенә тавыш бирү башлана. Игътибар белән күзәтеп барыгыз! Һәр көн саен яңа рәсемнәр чыгып барачак, 10 иң күп тавыш җыйган рәсем финалга үтәчәк. 27 апрельдән алар өчен тавыш бирү башлана. 30 апрель көнне җиңүчеләр билгеле булачак.

23.04.2020

ТАССРга 100 ел: «Моабит дәфтәрләре»

1957 елның 22 апрелендә «Моабит дәфтәрләре» шигырьләр циклы өчен шагыйрьләр арасында беренче тапкыр Муса Җәлил Ленин премиясе белән бүләкләнә. Безнең көннәргә кул учы кадәр зурлыктагы ике дәфтәр сакланып калган. Моабит циклында барлыгы 92 шигырь һәм ике өзек бар. Моабит төрмәсеннән совет тоткыны Габбәс Шәрипов алып чыккан беренче дәфтәрне Нигъмәт Терегуловка тапшыра. Ул исә 1946 елда Казанга кайтып, Җәлил һәм Алиш дәфтәрләрен Абдулла Алишның хатынына бирә. Нәтиҗәдә дәфтәрләр Татарстан язучылар берлеге рәисе Әхмәт Ерикәйгә килеп җитә. Тагын бер елдан Брюссельдагы совет консуллыгыннан икенче дәфтәр дә кайта. Моабит төрмәсеннән аны Андре Тиммерманс алып чыга. Шагыйрьнең соңгы үтенчен үтәп, шигырьләрне аның ватанына җибәрә. Беренче тапкыр шигырьләр 1953 елда баш мөхәррир Константин Симонов аркасында «Әдәби газета»да басыла. Ленин премиясе 1957 елда тапшырыла. «Моабит дәфтәрләре» 60тан артык телгә тәрҗемә ителгән.

22.04.2020

«ШАЯН тарих»

.video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

22.04.2020

Бабама хат...

Илебездә матур бәйрәм - Җиңү көне якынлаша. Шул уңайдан "ШАЯН ТВ" каналы "Бабама хат" акциясе игълан итә. Безгә аяз күк йөзе бүләк иткән бабаларыгызга әйтер сүзләрегезне хат итеп язып, фотосын да беркетеп [email protected] почтасына юллагыз. Без аларны сайтта урнаштырып барачакбыз! Акция 22 апрельдән 30 майга кадәр дәвам итә.

22.04.2020

И туган тел...

21.04.2020

Тукай атналыгы: «Елның дүрт фасылы»

Тукайның бу шигыре беренче тапкыр «Яңа кыйраәт» (1910) басылган. Ул К.Ушинскийның «Четыре времени года» дигән парчасына якын тора. Ушинский әсәрендә проза белән шигырь аралашып килә. Тукай исә елның дүрт фасылы турында табышмак итеп яза. Әйдәгез укып, җавапларын белик. Елның дүрт фасылы Боз һәм кар эрде, Сулар йөгерде; Егълап елгалар, Яшьләр түгелде. Көннәр озая, Төннәр кыскара. Бу кайсы вакыт? — Йә, әйтеп кара. (җавап) Ашлыклар үсте, Башаклар пеште; Кояш пешерә, Тиргә төшерә. Халык ашыга, Китә басуга, Урагын ура, — Бу кайчак була? (җавап) Кырлар буш кала, Яңгырлар ява; Җирләр дымлана, — Бу кайчак була? (җавап) Һәр җир карланган, Сулар бозланган; Уйный җил-буран, — Бу кайчак, туган? (җавап)

21.04.2020

Авылда рәхәт!

Дуслар, #шаян_блогер Инсафның авылда уздырган вакытыннан күңелле мизгелләрне сез дә карагыз әле. .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

21.04.2020

Кытай теле көне!

Кытай теле дигәч, күпчелек кеше аны иң киң таралган, шул ук вакытта иң авыр тел дип уйлый. Болар аның бердәнбер үзенчәлекләре генә түгел. 20 апрель, кытай теле көне уңаеннан, кызыклы фактлар тәкъдим итәбез! - Кытай телендә якынча 1,4 млрд кеше сөйләшә; - Кытай теле – иң борынгы телләрнең берсе. Безнең эрага кадәр 14 гасырда язылган язу үрнәкләре табылган. - Кытай теле диалектларга бай. 10 диалекталь төркем бар. Аларның аермалары шундый зур, бер провинция халык башкаларны аңламаска да мөмкин; - Кытай телендә 100 меңләп иероглиф барлыгы билгеле. Аларның кайберләре кулланылмый да диярлек. 8-10 мең иероглиф ярдәмендә заманча текстларны укып була. Ә көндәлек тормышта куллану өчен 500-1000 иероглиф та җитә. - Кытай телендә бер авазны биш төрле итеп әйтергә мөмкин. Музыкаль тел дип әйтергә мөмкин аны. - Шул ук вакытта бу тел башкалардан гади грамматикалы булуы белән аерылып тора. Фигыль төрләнми, заман төрләре, күплек сан юк, тыныш билгеләре бик аз кулланыла. Интонация һәм иероглифлар күплеген исәпкә алмасак, кытай теле бик җиңел булыр иде. - Шулай «әйе» һәм «юк» сүзләре дә юк бу телдә. Күләмне күрсәтү өчен дә махсус билгеләр кулланыла. Әйтик, «алты алма» дигәндә, сан белән исем арасына «个» куела. Мондый билгеләр кытай телендә 240ка якын.

20.04.2020

1 ... 282 283 284 285 286 ... 376

Яңа сайт!