Яңалыклар

185 нче күппрофильле лицейда «Балачак җыры» концерты узды!

«ШАЯН ТВ» каналы талантлы балалар катнашында «Балачак җыры» концертлар циклын дәвам итә! Чираттагы концерт та шау-гөр килеп узып китте. Бүген исә чара Казанның 185 нче күппрофильле лицее укучылары өчен куелды. Сәхнәне «Сәйлән» музыкаль фестиваленең сәләтле артистларының чыгышлары бизәде. Бәйрәм шаяру-көлүләр, җанлы аралашу, күңелле уен һәм викториналар һәм, әлбәттә, «ШАЯН ТВ» беренче татар балалар каналыннан истәлекле бүләкләр белән үрелеп барды. Гадәттәгечә, укучылар белән очрашудан курчакларыбыз - Шаян белән Мияу да калмады! Алар кунакларны каршы алды, фотога төште һәм үзләренең шәп кәефләре белән уртаклашты! Тамашачылар талантлы балаларның күңелле музыкаль чыгышларыннан күтәренке рух алдылар һәм үзләренең рәхмәт сүзләрен җиткерделәр! Исегезгә төшерәбез, әлеге чаралар Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә оештырыла.

19.05.2023

Матбугат көне белән!

19 май - Татарстан матбугаты көне! Матбугат көне ул - массакүләм мәгълүмат чаралары хезмәткәрләренең, журналистларның һөнәри бәйрәме. Нәкъ алар тырышлыгы нәтиҗәсендә гади халык барлык вакыйгалардан да хәбәрдар. Барлык хезмәттәшләребезне, хөрмәтле журналистларны, хәбәрчеләрне һөнәри бәйрәмнәре белән ихлас котлыйбыз! Яраткан эшегездә, тормышыгызда уңышлар, илһам, зирәклек, иң мөһиме - ныклы сәламәтлек һәм күңел тынычлыгы телибез!

19.05.2023

Премьера: «Мавыктыргыч та, кызыклы да»!

«ШАЯН ТВ» каналында премьера! «Мавыктыргыч та, кызыклы да» - иң кечкенәләр өчен танып белү мультсериалы. Теләсә кайсы баланың башында секунд саен әйләнә-тирә дөнья күренешләре һәм предметлары белән бәйле меңләгән сорау туа. Әлбәттә, яраткан әти-әниләр аларга һәрвакыт җавап бирергә әзер, әмма хәзер аларның ярдәмчеләре барлыкка килде – ул мультсериалның төп герое һәм аның шаян мәчесе. Песи бөтен мәгълүматны тамашачыларга шигъри формада бирә, шуңа күрә алар һәр дәресне, һичшиксез, җиңел үзләштерәчәкләр. Бәлки, әти-әниләрен шатландыру өчен берничә шигырь дә өйрәнә алырлар. Мавыктыргыч та, кызыклы да» мультсериалын дүшәмбедән алып, җомгага кадәр 14:15 һәм 22:15 сәгатьләрдә «ШАЯН ТВ»да карагыз!

18.05.2023

«Адымнар» поллилингваль мәктәбе «ШАЯН ТВ»да кунакта!

Бүген «ШАЯН ТВ» каналы эшчәнлеге белән танышырга «Адымнар» поллилингваль мәктәбе укучылары килделәр. «ШАЯН ТВ» балаларга үзенең танып-белү һәм күңел ачу тапшырулары, масштаблы проектлары, кызыклы мультсериаллары хакында сөйләде. Шулай ук кунаклар өчен күңелле викториналар уздырды. Укучылар барысы да бик актив, уеннарда теләп катнаштылар, яраткан каналларыннан истәлекле бүләкләр оттылар! Балаларның йөзләрендә шат елмаюларын күреп, без дә бик сөендек!

18.05.2023

Казанның 20 гимназиясендә «Балачак җыры» концерты узды!

Абдулла Алиш исемендәге 20 гимназиясендә гөрләп узды! Искәртеп узабыз, чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелә. Концертта катнашучы «Сәйлән» телевизион фестивале җиңүчеләре үзләренең искиткеч чыгышлары белән нәни тамашачыларыбызны сөендерделәр. Алар «Балачак җыры» бәйгесенең танылып өлгергән, балалар өчен җырларын башкардылар. Шулай ук балалар белән күрешергә «ШАЯН ТВ» балалар каналының яраткан геройлары – Шаян һәм Мияу да килде. Алар кунакларга чын бәйрәм рухы бүләк иттеләр. Моннан тыш, тамашачылар өчен кызыклы викториналар уздырылды, иң актив укучылар исә истәлекле бүләкләргә ия булдылар. Концерт барлык кунакларга да аралашу шатлыгы, шәп музыкаль номерлар һәм яхшы кәеф бүләк итте! Тамашачыларыбыз белән бергәләшеп вакытны бик күңелле үткәрдек! Алар һәр чыгышны яратып карадылар, «ШАЯН ТВ»ның яшь йолдызларын алкышлар белән озаттылар!

16.05.2023

Халыкара гаилә көне белән!

Бүген 15 майда - табигатьнең иң гүзәл вакытында Халыкара гаилә көне билгеләп үтелә! Бу төшенчәләрне сатып алып булмый. Аларны югалтырга ярамый. Кеше тормышында гаиләдән дә мөһимрәк бернәрсә юк, шуны онытмагыз! Һәр гаиләне әлеге күркәм бәйрәм белән тәбрик итәбез! Гаиләләрегезгә тигезлек, тынычлык, сәламәтлек, һәм бәхет телибез. Өйләрегездә һәрвакыт үзара аңлашу, иминлек хөкем сөрсен. Гаиләләрегез бердәм булсын! Ә сез, яраткан тамашачыларыбыз - безнең гаилә! Кадерле ШАЯНнар, алга таба да «ШАЯН ТВ» белән бергә булыгыз.

15.05.2023

«Нильс маҗаралары» әйләнеп кайта!

Нильс һәм аның канатлы дусты каз - Мартинның маҗаралары хакында мультсериал бүгеннән кабат эфирда! Яшь Нильс тыңлаусыз һәм кире малай булып үскән. Гном Нильска җәза бирергә уйлый, аны кечкенә кешегә әверелдерә. Әле алай гына да түгел, Нильс үзенә яңа гаҗәеп күнекмә ала: хәзер ул хайваннарны аңлый белә! Малай йорт казы Мартин белән дуслаша һәм алар малайны кечкенәгә әйләндергән гномны эзләргә китәләр. Нильс һәрвакыт каз өстенә утырып, очып йөри. Бүгенге көннән аның тормышы яңа борылыш ала, чөнки ул хәзер бик тиз һәм югары очарга сәләтле! Малайны Мартин белән мавыктыргыч маҗаралар көтә! «Нильс маҗаралары» мультсериалын эш көннәрендә 11:00 һәм 19:00 сәгатләрдә «ШАЯН ТВ» каналында карагыз!

15.05.2023

«Йорт иясе Плюх» мультсериалын карарга чакырабыз!

Йорт иясе Плюх белән таныштыгызмы әле? Алайса, «Йорт иясе Плюх» мультсериалын карарга чакырабыз! Барлык кечкенә туганнары кебек үк, Плюх та бик көлкеле, яхшы күңелле зат. Үзенең кечкенә буе аркасында ул һәрвакыт ниндидер кызыклы хәлләргә юлыга, хәер, алардан һәрвакыт чыгу юлын таба. Күз алдына китерегез, кечкенә кеше өчен көнбагыш ашау да проблема булырга мөмкин, чөнки явыз вентилятор аңа тынычлык бирми. Ә агачтан алма табу ничек кыен! Җимешләрне төрле җайланмалар ярдәмендә алырга туры килә. Синең каршыңдагы бал салынган зур гына банкадан чебеннең тәмләп бал ашавы да күңелне төшерә. Яңа лампа борып кую - шулай ук бик үк җиңел түгел. Ләкин сөйкемле йорт иясе беркайчан да күңелсезләнми, тормышка шатлана һәм үзенең маҗаралары белән «Йорт иясе Плюх» мультсериалын караучыларны шатландырырга ашыга! Ул сезне эш көннәрендә 13:55 һәм 21:55 сәгатьләрдә «ШАЯН ТВ» экраннары каршында көтә!

12.05.2023

1 ... 139 140 141 142 143 ... 375

Яңа сайт!