Яңалыклар

Бәйрәм белән!
Популяр яңалыклар

Бәйрәм белән!

Яраткан ШАЯНнар! Сезне Халыкара Балаларны яклау көне белән ихлас күңелдән котлыйбыз! Сәламәт, шат күңелле, бәхетле булыгыз! Сез – тормышыбыз бизәге! Әти-әниләрегез сезнең белән горурлансын, дусларыгыз күп булсын! Күңелләрегездә булган өмет һәм илһам уты сүнмәсен. Гаилә җылысын һәм мәхәббәтен тоеп үсегез! Сез – безнең киләчәк! Бәйрәм уңаеннан, «ШАЯН ТВ» каналы сезне «Туган Авыл» милли комплексына дәшә! Бездән шәп программа: җанлы аралашу, кызыклы остаханәләр, аниматорлар, мавыктыргыч уеннар, истәлекле бүләкләр, күңелле концерт һәм «ШАЯН ТВ», «Туган Батыр» геройлары белән очрашу! 11:00 сәгатьтә көтеп калабыз! Килегез, күңелле булачак!

01.06.2025
«ШАЯН ТВ» каналы балаларга зур бәйрәм оештырды
Канал яңалыклары

«ШАЯН ТВ» каналы балаларга зур бәйрәм оештырды

Бүгенге көн бәйрәм чараларына бик бай булды! «Туган Авыл» милли комплексында «ШАЯН ТВ» белән аеруча күңелле булды! Беренче татар балалар каналы тамашачыларны бер мәйданга җыйды һәм шәп бәйрәм кәефе бүләк итте! Алып баручылардан күңелле интерактивлар, шәп уеннар, аквагрим, кызыклы остаханәләр, флешмоблар, аниматорлар, иҗади телевизион бәйгеләребез җиңүчеләреннән матур җырлар – барысы да бер мәйданда иде! Иң җитез кунакларга истәлекле бүләкләр өләштеләр!  Шулай ук бәйрәмдә каналның төп геройлары - Шаян һәм Мияу да бар иде! Алар балалар белән рәхәтләнеп уйнадылар, көлделәр, шаярдылар, фотога төштеләр, бәйрәм атмосферасы ясадылар! Балалар өчен, чын мәгънәсендә, рәхәт бәйрәм булды! Безнең белән булганыгыз өчен зур рәхмәт сезгә!

01.06.2025
Сәид Галиуллин РФ Дәүләт Думасында чыгыш ясады
Канал яңалыклары

Сәид Галиуллин РФ Дәүләт Думасында чыгыш ясады

Кичә Россия Федерациясе Дәүләт Думасында узган «Җиңү варислары» дип исемләнгән тантаналы чарада сәләтле җырчы егетебез Сәид Галиуллин чыгыш ясады. Чара 1 июнь – Балаларны яклау көненә багышланган иде. Аны Гаиләне яклау, аталык, аналык һәм балачак мәсьәләләре буенча Дәүләт Думасы комитеты оештырды. Тантанада Россиянең төрле төбәкләреннән килгән сәләтле балалар катнашты. Алар арасында батырлык күрсәткән, фидакарь гамәлләре белән аерылып торган яшь геройлар да бар иде. Сәид, без синең белән горурланабыз!

31.05.2025
Яңа «ЗООрепортаж» документаль фильмы!
Канал яңалыклары

Яңа «ЗООрепортаж» документаль фильмы!

«ШАЯН ТВ» яңа «ЗООрепортаж» документаль фильмын тәкъдим итә! Бу мавыктыргыч проектта балалар төрле зоопаркларга, фермаларга баралар, хайваннар турында сөйлиләр һәм безне алар белән якыннанрак таныштыралар.  Һәр чыгарылышта яңа мәгълүмат, кызыклы фактлар һәм күңелле мизгелләр көтә. Беренче чыгарылышта атлар турында күбрәк белербез, хәтта аларга атланып йөреп тә карый алачакбыз! «ЗООрепортаж» – хайваннар дөньясын балалар күзлегеннән ачкан гаҗәеп проект.  Бүген сәгать 13:10да безнең каналда карамый калма!

30.05.2025
Ә сез бәрәңге яратасызмы?
Кызыклы фактлар

Ә сез бәрәңге яратасызмы?

Һәр елны 30 майда дөньяда рәсми булмаган Бәрәңге көне билгеләп үтелә. Бу кызыл календарь көне түгел, дәүләт бәйрәме дә түгел, әмма уйланып карарга сәбәп бар: чыннан да, бәрәңге булмаса, тормышны күз алдына китерүе авыр булыр иде. Бәрәңге Европага Көньяк Америкадан килгән. Башта кешеләр аның белән нишләргә белмәгән. Кайберәүләр аны агулы дип уйлаган. Ләкин вакыт узу белән бәрәңге төп ризыкларның берсенә әверелгән. Аеруча Россиядә, анда бәрәңгене «икенче икмәк» дип йөртәләр. Бәрәңгедән ниләр генә пешереп булмый! Кайнатылган, кыздырылган, пюре, запеканка, драник, чипс, фри – бу исемлекне бик озак дәвам итәргә мөмкин. Бәрәңге тәмле, туклыклы һәм пешерүе җиңел. Моннан тыш, ул арзан һәм көч бирә. Бәрәңге – бик «өйрәнелгән» яшелчә. Күпләр аны бакчада үстерә, бөтен гаилә белән казый, кышка запас әзерли. Ул гади ризык кына түгел, ә гаилә традицияләренең, балачак истәлекләренең бер өлеше. Бәрәңге көне – бу гади яшелчәгә рәхмәт әйтү өчен менә дигән сәбәп. Ә тагын – бәрәңгене духовкада пешереп, гөмбә белән кыздырып яки гади генә итеп кайнатып, өстенә укроп сибеп ашап карарга мөмкин. Йодрык кадәрле, йомры гәүдәле, эх тәмле, эх, бигрәк тәмле бәрәңге!

30.05.2025
«Килде-Китте ШОУ»да кунакта Булат Бәйрәмов
Канал яңалыклары

«Килде-Китте ШОУ»да кунакта Булат Бәйрәмов

«ШАЯН ТВ»ның «Килде-Китте ШОУ» программасының яңа чыгарылышы чыкты! Бу юлы студия кунагы – танылган алып баручы, шоумен һәм татар эстрадасы җырчысы Булат Байрамов! Ул юмористларның күңел дөньясы һәм кызына кияү эзләве турында уртаклашты. Шулай ук Булат белән «Алиас» уены буенча да кызыклы әңгәмә булды. Күңелле булачак – тизрәк карагыз! Сылтама буенча узарга мөмкин.

29.05.2025
VK Fest билетларында – эксклюзив рәссамнәр иҗаты
Популяр яңалыклар

VK Fest билетларында – эксклюзив рәссамнәр иҗаты

VK Fest биш заманча рәссамның эшләре белән эксклюзив билетлар сериясен чыгарды Мәскәү, Санкт-Петербург, Сириус, Казан һәм Чиләбе өчен әзерләнгән лимитлы серия билетларын танылган җирле рәссамнар бизәгән. Һәр VK Fest шәһәре өчен – үз авторы һәм үз дизайны. Проектта Витя Повезло, Антон Логос, Гүзәл Гарипова, Маша Богатова һәм Эрик Мусин катнашкан. Казан өчен әзерләнгән лимитлы билетлар сериясендә – рәссам Гүзәл Гарипованың иҗаты. Автор графика, стена рәсемнәре, китап һәм сәхнә иллюстрациясе белән эшли. Үз проектларында Гүзәл мәдәнияткә, әдәби мираска һәм заманча визуаль формаларга мөрәҗәгать итә. Лимитлы сериядән билет сатып алган кунаклар шул ук дизайнда үзләренең «ВКонтакте» битләре өчен санлы тышлыкка да ия булачак. Һәр билет хуҗасы рәссамның оригиналь сурәтен оту мөмкинлегенә ия була. Розыгрышлар 16 июнь көнне рәссамнарның «ВКонтакте» битләрендә узачак. Җиңүчеләр рандомайзер ярдәмендә билгеләнәчәк һәм шул ук көнне игълан ителәчәк. Кагыйдәләр фестивальнең рәсми сайтында урнаштырылган.

29.05.2025
«Әдәби хәзинә» тапшыруы
Канал яңалыклары

«Әдәби хәзинә» тапшыруы

Бездә кызыклы премьера – «Әдәби хәзинә» тапшыруы! Әлеге проект яшь буынны татар әдәбияты, мәдәнияты, татар халкының классик язучылары, танылган шагыйрьләре һәм бүгенге көндә иҗат итүче каләм ияләре белән таныштыра.   Беренче чыгарылыш Татарстанның халык язучысы Рабит Батулла иҗатына багышланган.     Проект «2023-2030 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында әзерләнә. Чыгарылышны сылтама аша кереп карый аласыз.

29.05.2025
Prev. 1 ... 68 69 70 71 72 ... 426 Next
Главная Программа Видео Шортс Поиск