Яңалыклар

Ирада Әюпова «ШАЯН ТВ» каналында кунакта!

Ирада Әюпова «ШАЯН ТВ» каналында кунакта!

Бүген Татарстан Республикасы мәдәният министры Ирада Хафизҗан кызы Әюпова «ШАЯН ТВ» каналы студисендә кунакта булып кайтты. Бирегә ул «Яраткан шигырь» флешмобында катнашу максаты белән килде. Әлеге проект 2020 елның ноябрендә старт алды. Кыска вакыт эчендә «Яраткан шигырь» флешмобы күп кенә танылган шәхесләрне, дәүләт эшлеклеләрен, мәдәният һәм сәнгать хезмәткәрләрен үзенә җәлеп итте. Беренчеләрдән булып флешмобта Татарстан Республикасы Дәүләт Советы рәисе урынбасары Марат Готыф улы Әхмәтов катнашты. Бик тиздән, «ШАЯН ТВ» каналы тамашачылары зәңгәр экраннар аша Ирада Хафизҗан кызы башкаруында аның яраткан шигырен ишетәчәк.

15.01.2021
Зур югалту...

Зур югалту...

Россиянең атказангать сәнгать эшлеклесе, яшь буынның сәләтен күреп юл ачучы, легендар шәхес Борис Юрий улы Грачевский вафат булуын ишетү бик тетрәндерде. Үз вакытында ул елмаю турында цитата әйткән иде. Бу сүзләр күпләрнең шигаренә әверелде. "Зинһар, елмаегыз. Ешрак елмаегыз! Мин тормышның кояшлы ягында йөрим, сезнең барыгызны да шунда чакырам. Ышаныгыз, кояш нур сипкән якта яшәүдән дә яхшысы юк. Онытмагыз, без яхшырак яши башлаячакбыз, чөнки башка чара калмаячак",-Борис Грачевский. Б.Ю. Грачевскийның гаиләсе, якыннары белән кайгыларын уртаклашабыз. " ШАЯН ТВ" каналы башкарма директоры - баш мөхәррир Рамилә Сәхабетдинова

15.01.2021
Иске Яңа ел белән!

Иске Яңа ел белән!

Октябрь инкыйлабыннан соң, 1918 елда большевиклар Европа һәм Россия календарьларын тәңгәлләштерер өчен илне Юлиан календареннән Григориан календарена күчерә. Нәтиҗәдә вакыт исәбе 13 көнгә алга сикереш ясый. Шулай итеп, ике гасырдан артык иске стиль белән яшәгәндә күнегелгән Яңа ел көне яңа стиль белән 14 гыйнварга күчә.  Ул рәсми рәвештә бәйрәм ителмәсә дә, халык аны, Иске Яңа ел дип атап, ике мәртәбә - беренче һәм унөченче гыйнварда билгели башлый. Сез дә үзегезгә кечкенә генә бәйрәм оештырыгыз!

13.01.2021
Бөтенроссия тыюлыклар һәм илкүләм парклар көне!

Бөтенроссия тыюлыклар һәм илкүләм парклар көне!

11 гыйнвар - Бөтенроссия тыюлыклар һәм илкүләм парклар көне. Әлеге бәйрәм 1997 елда Кыргый табигатьне саклау үзәге һәм Бөтендөнья кыргый табигать фонды инициативасы белән оештырылды. Бу вакыйга өчен 11 гыйнвар көне очраклы гына сайланмаган. Нәкъ шушы көнне Россиядә 1917 елда Баргузин исемле беренче дәүләт тыюлыгы оештырыла. Аны төзү Россиянең махсус сакланыла торган табигать территорияләре системасын оештыруга нигез салды. Табигатьне саклап яшик!

11.01.2021
Prev. 1 ... 250 251 252 253 254 ... 387 Next
Главная Программа Видео Шортс Поиск