Яңалыклар

«Яраткан шигырь» теле-радиопроектының яңа чыгарылышларын карарга чакырабыз!

«Яраткан шигырь» теле-радиопроектының яңа чыгарылышларын карарга чакырабыз!

30 сентябрь, шимбә көнне «ШАЯН ТВ» каналында сез яратып өлгергән «Яраткан шигырь» теле-радиопроектының яңа чыгарылышлары эфирга чыгачак! Без сезне гаиләгез белән экраннар каршына, гаҗәеп серле шигърият дөньясына чакырабыз! Көн дәвамында «ШАЯН ТВ» каналында карамый калмагыз!

28.09.2023
Тәрбиячеләрне бәйрәм белән котлыйбыз!

Тәрбиячеләрне бәйрәм белән котлыйбыз!

Бүген тәрбияче һәм мәктәпкәчә яшьтәге балаларга белем бирүче укытучылар көне! Баланың якын дусты, сердәшчесе, тормышка беренче адымнарын ясарга ярдәм итүче мөгаллимнәр аерым игътибарга лаек! Бала өчен тәрбияче әти-әни, яшәгән өй шикелле якын булганда гына бала теләп бакчага бара. Хөрмәтле тәрбиячеләр! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек, гаиләгездә җан тынычлыгы, тормышыгызда ак бәхетләр һәм ныклы сәламәтлек телибез! Барлык балаларыгыз да тәүфыйклы, акыллы булсыннар!

27.09.2023
«ШАЯН ТВ» каналы «ТЭФИ-KIDS 2023» финалында!

«ШАЯН ТВ» каналы «ТЭФИ-KIDS 2023» финалында!

Дуслар, шатлыклы хәбәребез бар! «ШАЯН ТВ» каналы «Балалар өчен иң яхшы телеканал» номинациясендә Россиянең телевизион «ТЭФИ-KIDS 2023» милли премиясенең финалына чыкты! Бәйгедә каналыбыз Мәскәүнең «Мульт» һәм «Лёва» телеканаллары белән көч сынашачак. Конкурста катнашуга барлыгы 203 эш җибәрелгән. Биш ел уздырылган премия тарихында бу рекордлы күренеш. Җиңүчеләрне бүләкләү тантанасы исә октябрь аенда Мәскәүнең «Et Cetera» бинасында узачак. «ШАЯН ТВ» каналын   җиңүе белән ихлас котлыйбыз! Бу – зур команданың зур хезмәте! Алга таба бөек үрләр һәм финалда уңышлар телибез!

26.09.2023
Африка маҗаралары дәвам итә!

Африка маҗаралары дәвам итә!

«ШАЯН ТВ» каналында «Газун маҗаралары» кабат эфирга чыга! Мультсериал тамашачыларны һәрвакыт маҗараларга эләгүче Африка җәнлекләре белән таныштыра. Аның төп геройлары җиде дус: фил, кызыл кош, елан, тәвә кошы, зебра һәм ике жираф. Көн саен иксез-чиксез саваннада бик күп акылга сыймаслык хәлләр булып тора, аларда әлеге хайваннар да катнаша. Ерткычлар бер-берсе белән бик дус, шуңа күрә алар арасында каты низагларга урын юк. Биредә көлкеле ярышлар оештырыла һәм бәхәсләр килеп чыга, нәтиҗәдә гел дуслык җиңә. Геройларга кыенлыкларны җиңеп чыгарга үзләренең чиксез юмор хисе ярдәмгә киләчәк. Мультсериалны эш көннәрендә 13:55 һәм 21:55 сәгатьләрдә карагыз.  

26.09.2023
Хыялланып яшик!

Хыялланып яшик!

Бүген Хыяллар көне билгеләп үтелә! Ә син хыяллана беләсеңме? Ышанасыңмы, бик күп кеше хыяллана белми икән. Хәтта “хыяллар - чынга ашмый”, - дип уйлаучылар да күп! Ә без андый булмыйк! Рәхәтләнеп хыялланып яшик! Барлык теләкләребез дә чынга ашсын! Менә сезгә берничә хыял: * Мәктәптә гел 5ле билгесенә генә уку; * Өй эшләре әз булсын; * Быелгы алтын көзне истә калырлык, матур итеп уздыру; * Супер талантларга ия булу; * Күптән уйлап йөргән теләгеңне чынга ашыру!  

25.09.2023
«Сәйлән» фестивален төшерү дәвам итә!

«Сәйлән» фестивален төшерү дәвам итә!

«ШАЯН ТВ» каналында «Сәйлән» телевизион җыр проекты үз эшен дәвам итә. Бүген аның яңа чыгарылышлары төшерелде. Кабат сынаулар, зур сәхнә,  «йолдызлы» жюридан кабатланмас киңәшләр! Бу атнада балаларны Татарстанның халык артистлары Зәйнәп Фәрхетдинова, Филүс Каһиров, Зөлфия Вәлиева һәм яраткан җырчыларыбыз Марат Галимов, Ильвина бәяләде. Әлеге этапта катнашучылар татар халык җырларын һәм Әлфия Авзалова репертуарыннан ретро җырлар башкардылар. Аларның барысы да «Сәйлән» статуэткасын алу өчен көч сынашты! «Сәйлән» музыкаль фестиваленең бишенче юбилей сезонының премьерасын 1 ОКТЯБРЬДӘН башлап, һәр якшәмбе «ШАЯН ТВ» каналында карарга мөмкин!

24.09.2023
Prev. 1 ... 123 124 125 126 127 ... 378 Next
Главная Программа Видео Шортс Поиск