Яңалыклар

Рәсем бәйгесе!

Дуслар, көзнең алтын чагы килеп җитә! Шушы уңайдан "ШАЯН ТВ" каналыннан бәйге! Көзге пейзаж белән илhaмланып, рәсем яса һәм безнең каналдан истәлекле бүләкләр от! 7 октябрьгә кадәр рәсемнәрне [email protected] почтасына "Алтын көз" тамгасы белән кабул итәбез. 9 октябрьдән 15 октябрьгә кадәр сайтыбызда https://shayantv.ru/ онлайн рәвештә тавыш бирү чарасы утәчәк. 16 октябрь көнне җиңүчеләрне игълан итәбез. Нәни дустым, ашык, "Алтын көз" бәйгесе үз җиңучесен көтә! *Исем, Фамилягезне һәм яшь саныгызны билгеләргә онытмагыз! Өч призлы урын булачак, һәр катнашучыга сертификатлар тапшырылачак.

25.09.2020

Туган телләрне һәм халык бердәмлеген саклау елы

Рөстәм Миңнеханов үзенең еллык юлламасы чыгышында киләсе елны Татарстанда “Туган телләрне һәм халык бердәмлеген саклау елы” дип игълан итте. Әлеге яңалык «ШАЯН ТВ» каналының иҗат төркемен аеруча шатландырды! Чөнки каналыбызның төп максаты – татар телен популярлаштыру һәм балаларда туган телне өйрәнүгә кызыксыну уяту!

24.09.2020

«Адымнар»да кунакта

Бүген безнең Шаян «Адымнар» полилингваль комплексы укучылары янына кунакка барды! Каналыбызның яраткан герое балалар белән бергә татар телендә мультфильмнар карады, тапшырулар турында фикер алышты, истәлекле бүләкләр уйнатты! Кыскасы, очрашу бик күңелле узды!

24.09.2020

Иртәгә «Здравствуйте» тапшыруында!

Иртәгә, 8:10 сәгатьтә, «ТНВ» каналында «Здравствуйте» тапшыруын карагыз! Студия кунагы - «ШАЯН ТВ» каналының PR-бүлеге җитәкчесе Айсылу Казбулат кызы Җамалиева! Эфирда ул «Бергәләп өйрәник» тапшыруының Россиянең телевизион «Тэфи KIDS-2020» милли премиясендә катнашып, финалга чыгуы турында сөйләде.

24.09.2020

«ШАЯН ТВ» кунакта

«ШАЯН ТВ» җанлы очрашулар традициясен дәвам итә! Бүген без Казан шәһәренең Ш.Мәрҗәни исемендәге 2 нче гимназиясендә кунакта булдык. Очрашу һәрвакыттагыча күңелле һәм продуктив үтте! Кыска гына вакыт эчендә без укучылар белән мультфильмнар карарга да, бүләкләр уйнатырга да, каналның кызыклы проектлары турында фикер алышырга да өлгердек. Безне кунак иткән өчен гимназиягә бик зур рәхмәт! Киләсе очрашуларга кадәр! Посмотреть эту публикацию в Instagram Публикация от Детский канал "ШАЯН ТВ" (@shaiantv) 23 Сен 2020 в 1:50 PDT

23.09.2020

Машинасыз көн!

Бүген, 22 сентябрь көнне, дөньяда “Машинасыз көн” акциясе үткәрелә. Аның төп девизы – “Шәһәр – кешеләр өчен яшәү тирәлеге”. Аны оештыручылар әйләнә-тирә мохиткә зыян китерүче транспорт чараларын кулланмаска өнди. Әлеге акция альтернатив хәрәкәт итү ысулларын куллануны популярлаштыруга юнәлтелгән. Кыскасы, шаяннар, бүген җылырак киенеп, якыннарыгыз белән паркка барып, самокат яисә велосипедка утырып йөрү өчен менә дигән көн! Белешмә өчен. Автомобильнең беренче сызымнары Леонардо да Винчиныкы дип санала. 1769 елда француз уйлап табучысы Кюньо «Кюньо кече арбасы», ә 1770 елда «Кюньо зур арбасы» кебек танылган пар двигателе белән эшләүче машинаның беренче үрнәген сынап карый. Җиңел, уңайлы һәм көчле эчке янулы двигатель автомобильне камилләштерү өчен зур мөмкинлекләр ачкан. 1885 елда алман уйлап табучысы Готлиб Даймлер, ә 1886 елда аның ватандашы Карл Бенц бензин ягып эшләүче двигательле беренче машина ясаган. 1900 елда Фердинанд Порше дүрт тәгәрмәчле электромобиль ясаган. Автомобильләрнең кулланылышка кереп китүенә Америка уйлап табучысы Генри Форд зур өлеш кертә. Бүгенге көндә исә автомобиль – иң күп кулланылучы транспорт төре. 2019 елда гына да дөньяда барлыгы 91 миллионга якын автомобиль җитештерелгән.

22.09.2020

Иртәгә «Манзара» тапшыруында!

Бүген «Манзара» тапшыруында кунакта каналыбызның режиссеры Гөлназ Газизҗанова булды. Эфирда ул «Бергәләп өйрәник» тапшыруының Россиянең телевизион «Тэфи KIDS-2020» милли премиясендә катнашып, финалга чыгуы һәм тапшыру турында сөйләде. Тулырак иртәгә «ТНВ» каналында «Манзара» тапшыруында карагыз!

21.09.2020

Дуслар, «Дәвам итегез»!

«Көмеш кыңгырау» газетасының традицион «Дәвам итәбез» иҗади бәйгесе турында барыгыз да беләме, дуслар? Яңа тамашачыларыбыз, яңа дусларыбыз игътибарына бәйгенең шартларын янә искә төшереп китик әле. Бәйгедә катнашу өчен, тәкъдим ителгән башламнарны дәвам итеп язып бетерергә кирәк. Ел азагында укучылар язган хикәя, шигырь, әкиятләр арасыннан иң уңышлылары сайлап алыначак. «Иң шәп хикәя», «Иң шәп әкият», «Иң шәп шигырь» номинацияләре буенча җиңү яулаган эшләр «Көмеш кыңгырау» газетасының дипломнарына һәм истәлекле бүләкләргә лаек булачак. Дәвам итү өчен башламнар: 1. «Ишәк колагы белән мактана, дип кабатларга ярата бабасы. Яратмый ул мактанчыкларны! Соң кем ярата инде...» 2. «Тычканга үлем, мәчегә көлке» булды әле бу. Һич уйламаганда!». 3.«Бу арада гел маҗараларга юлыгып тора әле Ильяс. Бер көнне уянып китсә, шаккаткыч хәл...» 4. «Мәктәп ул – мәктәп инде, Мәктәптә рәхәт инде!» 5. «Киләчәккә атлап барам әле Ата-баба салган эз буйлап...» Бәйге 2020 елның 10нчы декабренә кадәр дәвам итәчәк. «Иҗат – гүзәл гамь» дигән Хәсән Туфан. Әлеге гүзәллектән мәхрүм итмәгез үзегезне, дуслар, катнашырга ашыгыгыз. Тулырак: http://chelny-rt.ru/news/bygelr/i-shplrne-ktbez

19.09.2020

1 ... 252 253 254 255 256 ... 375

Яңа сайт!