Яңалыклар

#ЯШЬТУК20

#ЯШЬТУК20

«Яшьләр тукталышы» инде тинейджерлар яшеннән чыкса да, үзенең яшьлек дәртен, позитивын югалтмый. Бүген дә ул яшүсмерләрне, яшьләрне кызыклы чыгарылышлары белән сөендерә! Берничә буын алып баручылар һәм корреспондентлар алышынды, йөзләгән интервью һәм меңләгән репортаж язылды, әмма «Яшьләр тукталышы» командасы туктарга җыенмый! Алар үз эшен тагын да көчле темп белән дәвам итергә әзер. «Яшьләр тукталышы» тапшыруына үз өлешен керткән һәрбер кешене истәлекле дата (юбтлей) белән котлыйбыз! иҗади илһам һәм иҗади башлангыч һәрчак юлдаш булып торсын!   Махсус чыгарылышны бүген безнең каналда кичке тугызда карагыз!

03.10.2020
Татар әлифбасын «ШАЯН ТВ» белән өйрән!

Татар әлифбасын «ШАЯН ТВ» белән өйрән!

Туган тел – хәрефтән башлана! ШАЯН ТВ каналы нәни тамашачылары өчен яңа рубрика тәкъдим итә!  Һәр дүшәмбе һәм җомга безнең сайтка кер һәм татар әлифбасын безнең белән шаянланып өйрән! Кызыклы рәсемнәр һәм шаян шигырьләр ярдәмендә хәрефләрне истә калдыру тагын да җиңелрәк! Беренче хәреф инде безнең сайтыбызда! Хәерле сәгатьтә! 

02.10.2020
Шифалы елмаю!

Шифалы елмаю!

Ел саен октябрь аеның беренче җомгасында Бөтендөнья елмаю көнен билгеләп үтәләр. Димәк, бүген бөтен дөнья синең елмаюлы йөзеңне көтә! Билгеле булганча, ихлас елмаю иң салкын күңелләрне җебетергә мөмкин. Әмма аның шифалы сыйфатлары турында күбебез белми. Ә бит елмаю йөзне матурайтып кына калмый, акылыбыз, сәламәтлегебез өчен дә файдалы. Ул организмны кислород белән баета, кешеләрдә шатлык гормоннары китереп чыгара һәм стрессны бетерә. Бу процессларны өйрәнүче аерым фән дә бар! Ул гелотология дип атала. Елмаюның шифасын син дә сынап кара, дустым! Бүгенге кояшлы көнне үзеңнең елмаюың белән тагын да яктырт!

02.10.2020
«Яшьләр тукталышы» «Манзара» тапшыруында!

«Яшьләр тукталышы» «Манзара» тапшыруында!

«Яшьләр тукталышы»на тиздән 20 яшь! Бәйрәм хөрмәтенә тапшыруның иҗат төркеме махсус чыгарылыш әзерли. Тапшыруының редакторы Зөлфия Хәсәнова «Манзара»да кунак булып кайтты. Студиядә ул көтелгән яңалыклар, юбилей чыгарылышында әзерләнгән сюрпризлар һәм эш процессының нечкәлекләре турында сөйләде.  Иртәгә «ТНВ» каналында «Манзара» тапшыруын карагыз!

01.10.2020
Матбугат очрашуы!

Матбугат очрашуы!

Тиздән тамашачы мәхәббәтен яулап алган «Сәйлән» телевизион-музыкаль проектының икенче сезоны зәңгәр экраннарга чыга. Шул уңайдан, «ШАЯН ТВ» каналы бүген массакүләм мәгълүмат чаралары вәкилләре һәм блогерлар өчен очрашу әзерләде! Очрашу кысаларында каналыбызның башкарма директоры, баш мөхәррире Рамилә Әхмәтзакир кызы Сәхабетдинова, мөхәррирләр бүлеге җитәкчесе Резеда Хәсәнова һәм «Сәйлән» телевизион-музыкаль проектының алып баручысы Рүзәл Әхмәдиев булачак премьераның серләре, «ШАЯН ТВ»да узган чаралар һәм яңа проектлар турында сөйләделәр. Чарада балалар каналы җитәкчеләре, «Сәйлән» фестивале финалистлары һәм беренче сезон җиңүчеләре катнашты. Студиябезгә килгән махсус кунаклар – әлеге очрашуның аерым бизәге булып торды. Алар арасында: Татарстан Республикасының халык шагыйре, Россиянең атказанган мәдәният хезмәткәре Разил Вәлиев; Татарстан Республикасының атказанган артисты Ландыш Нигъмәтҗанова; җырчы, «ТНВ» каналының алып баручысы Айсылу Габдинова. Әйтергә кирәк, җыелган кунаклар «Сәйлән» проектына һәм канал эшчәнлегенә югары бәя бирде! Чараның икенче өлешендә җыелган матбугат вәкилләре махсус кунаклар белән сорау-җавап форматында аралашып алды. Шуңа күрә, тиздән матбугат чараларында «ШАЯН ТВ» турында яңалыклар күп булачак! Күзәтеп барыгыз!

30.09.2020
«ШАЯН ТВ»да Фирдүс Тямаев!

«ШАЯН ТВ»да Фирдүс Тямаев!

Татар эстрадасының якты йолдызы, Татарстанның атказанган артисты Фирдүс Тямаев кичә «ШАЯН ТВ»га кунакка килде! Республика күләмендә аның турында белмәгән кеше юктыр, мөгаен. Ташып торучы энергиясе, үзенчәлекле сәләте һәм искиткеч концертлары белән ул миллионлаган аудиторияне үзенә җәлеп итте. Аның җырлары бүген һәркайда! Радиодулкыннарда, телевизорларда, смартфоннарда! Шаян балалар студиясенә дә ул җырлап керде! Тапшыруда Фирдүс Тямаев артист булу серләрен уртаклашты, «ШАЯН ТВ» тамашачыларына файдалы киңәшләр бирде, җырлады, биеде, хәтта яшь алып баручыбыз белән дуэт та оештырып карады! Кыскасы, УТ чыгарылыш килеп чыкты! Карамый калма!

30.09.2020
Prev. 1 ... 254 255 256 257 258 ... 378 Next
Главная Программа Видео Шортс Поиск