Бизәк

Иң авыры

Бәйге турында онытмадыгызмы?

Ә сез онытмадыгызмы? Вакыт бик әз калып бара... Тизерәк, «ШАЯН ТВ» каналында барган бәйгедә катнаш. Бу бәйгедә катнашып бездән тәмле, матур бүләкләр генә отып калмыйсыз, ә үз исемегезне безнең «тарих китабына» кертәсез. Без сезнең белән бергә каналыбызга гимн язырга телибез. Сездән матур шигъри юллар, ә бездән матур көй. Бәйгенең шартлар:                    1) 4 юллык куплет: 1 татар телендә                        1 урыс телендә                        һәм 1 татар телендә кушымта яз                    2) Аны безнең [email protected] почтасына җибәр                    3) Бәйге 15 нче майга кадәр дәвам итә                    4) Яшь чикләре юк                      5) Шулай ук берничә вариант язып җибәрсәгездә була Җиңүчене бөтен дөнья беләчәк! Бәйге турында яңалыкларны Инстаграмда @shaiantv битендә карап бара алачаксыз.

Йөзәргә

Фотобәйге: «Бергәләп өйрәник»

Кадерле дуслар! Сезне «Бергәләп өйрәник» мастер-класслар фотобәйгесендә катнашырга чакырабыз. Фотобәйгедә 5 яшьтән 14 яшькәчә балалар катнаша ала. БӘЙГЕНЕҢ НИГЕЗЛӘМӘСЕ Нинди дә булса кул эшләнмәсе ясарга. Ул төрле ысуллар (техникалар) ярдәмендә ясалган уенчык, сувенир яки файдалы кирәк-ярак булырга мөмкин. Эш барышын чагылдырган текст һәм фотоларны сайтыбызга урнаштырырга кирәк булачак. (берничә фото) Баланың исем-фамилиясе, яше һәм кайдан икәнлеге - шәһәре яки авылы, балалар бакчасы; мәктәбе, сыйныфы күрсәтелергә тиеш. Текстны һәм бала турында мәгълүматны татар телендә һәм татар хәрефләрен кулланып язу мәҗбүри. Бәйгедә катнашучыларның бер-берсенә ихтирамлы булуы, негатив комментарийлар язмавы һәм гадел рәвештә тавыш җыюы сорала. Сайтта иң күп тавыш (лайклар) җыйган ун фото «Көмеш кыңгырау» республика балалар газетасының җиңүче дипломына, калганнар катнашучы дипломына ия булачак, иң уңышлы эшләр газетабызның 8нче битендә урын алачак. Бәйгегә эшләр 2019 елның 1 маеннан 30 июненә кадәр кабул ителә. Тавыш бирү 2019 елның 30нчы июненә кадәр дәвам итәчәк. Редакция бәйгегә килгән фотоларны газетада һәм сайтта иллюстрация рәвешендә (авторын күрсәтеп) куллану хокукына ия Мәгълүмат http://chelny-rt.ru/contest/berglp-yrnik-master-klasslar-fotobygese сайтыннан алынды.

Рәхмәт Сезгә!

«ШАЯН ТВ» каналы инде менә алты ай буена үз шаяннарын төрле мультфильмнар, кызыклы тапшырулар белән сөендерә. Шушы вакыт эчендә балалар үзләренә Алекс, Марин, Камыр батыр, Леонардо һәм башка бик күп дуслар тапты. Канал, эшли башлаганнан алып, балаларга утыздан артык мултьфильм күрсәтте һәм күрсәтә. «Шаян тәҗрибәләр», «Кичке әкиятләр», «Кармак ТВ», «Оста куллар», «Бергәләп өйрәник» алып баручылары белән нәни караучыларыбыз төрле тәҗрибәләр, фәнни ачышлар һәм файдалы җайланмалар ясыйлар, иң мавыктыргыч әкиятләр белән танышалар, җырлыйлар һәм ял итәләр. Бу тапшыруларны төшерү өчен, күптән түгел «ШАЯН ТВ» ның яңа студиясе дә ачылды. Тәүлек әйләнәсе татар телендә эшли торган балалар каналының төп максаты — татар телендә белем һәм тәрбия бирүче бердәм мәйдан булдыру, оригиналь программалар, телевизион уен һәм викториналар, кызыклы мультипликацион фильмнар һәм фикерләүне үстерергә ярдәм итүче тапшырулар аша татар телен өйрәнүгә кызыксыну уяту. Безне сез сайттан тыш Инстаграм, Вконтакте битләрендә, Ютуб каналында да таба аласыз.  Безнең белән булганыгыз өчен рәхмәт.

Безгә 6 ай!

12 ноябрь көнне Татарстан Республикасы Президенты Рөстәм Нургали улы Миңнеханов, хәер-фатихасын биреп, «ШАЯН ТВ» каналын ачты! Бүген календарьга карасак, анда 12 май тора. Безнең  «ШАЯН ТВ» каналы үз эшен башлаганнан ярты ел узып та киткән. Нишләп без моны сизми дә калдык икән? Минемчә, Сез безнең яраткан дусларыбыз хәр вакыт безнең белән бергә булганга, әлеге көннәр бик тиз генә узып киткән. Безнең белән бергә булганга, безгә көч биреп, безнең белән бергә үскәнегез өчен зур рәхмәт сезгә!

Муса Җәлил - «Вәхшәт»