Яңалыклар

Бүген! «Сәйлән»!

Бүген! «Сәйлән»!

Бүген «ШАЯН ТВ» каналында 11:30 һәм 17:00 сәгатьләрдә «Сәйлән» телевизион җыр фестиваленең 2 ярымфиналы эфирга чыгачак! Финалистлар буген билгеле булачак! Һәр якшәмбе зәңгәр экраннарда грандиоз «Сәйлән» проектының яңа чыгарылышларын карагыз һәм кушылып җырлагыз!

08.10.2023
Илгиз Шәйхразиев «Сәйлән» яңалыклары белән уртаклаша

Илгиз Шәйхразиев «Сәйлән» яңалыклары белән уртаклаша

Дуслар, «ШАЯН ТВ» каналында «Сәйлән» телевизион җыр фестиваленең ярымфинал этабы дәвам итә! Җанлы тавыш! «Йолдыз»лы жюри! Талантлы башкаручылар! Барысы да бер сәхнәдә! 9 октябрь, дүшәмбе көнне әлеге фестивальнең жюри әгъзасы, татар эстрадасының танылган җырчысы, автор-башкаручы Илгиз Шәйхразиев «Татарстан-Яңа Гасыр» каналында «Манзара» тапшыруында кунакта була. Ул «Сәйлән» фестиваленең яңа, юбилей сезоны, быелгы катнашучылар һәм грандиоз премьера хакында сөйләячәк.  Иртәнге 6:00 сәгатьтә «Татарстан-Яңа Гасыр» каналында карагыз.  

06.10.2023
«Сәйлән» проектының 2 ярымфиналы безнең YouTube каналда!

«Сәйлән» проектының 2 ярымфиналы безнең YouTube каналда!

Бүген, 6 ОКТЯБРЬ «ШАЯН ТВ»ның YouTube каналында «Сәйлән» проектының юбилей сезонының 2 ярымфиналы чыгачак. Зәңгәр экраннарга чыкканчы ук, иң беренчеләрдән булып карарга ашыгыгыз! Финалистларны буген билгелибез! Яшь йолдызларны Татарстанның атказанган артисты Алсу Әбелханова, Татарстанның атказанган сәнгать эшлеклесе Эльмир Низамов һәм популяр җырчы Илгиз Шәйхразиев бәяләячәк. 18:00 сәгатьтә без сезне YouTube каналда көтәбез! Кер һәм кушыл, һәрвакыттагыча КЫЗУ БУЛАЧАК! Җомга кичен бергә үткәрик!  

06.10.2023
Иртәгә «Сиңа миннән сәлам» тапшыруын карагыз!

Иртәгә «Сиңа миннән сәлам» тапшыруын карагыз!

Иртәгә, 7 октябрь көнне иртәнге 7:00 сәгатьтә «ШАЯН ТВ» каналының башкарма директоры - баш мөхәррире Рамилә Әхмәтзакир кызы Сәхабетдинова «Татарстан-Яңа Гасыр» каналында «Сиңа миннән сәлам» тапшыруында кунакта булачак. Әңгәмә «ШАЯН ТВ» каналының 5 еллыгы, аның яңалыклары, кызыклы проектлары хакында булачак. Карамый калмагыз!

06.10.2023
Бәйрәм белән, хөрмәтле укытучылар!

Бәйрәм белән, хөрмәтле укытучылар!

Хөрмәтле Укытучылар! Сезне ихлас күңелдән һөнәри бәйрәмегез белән тәбрик итәбез! Сез - безнең иң кадерлеләребез, үрнәк алырлык кешеләребез, туры юл күрсәтүчеләребез. Сез биргән белемнәр, киңәшләр тормышта гел алга барырга ярдәм итә. Исәнлек-саулык, күңел күтәренкелеге, зур уңышлар, эшегездә яңа үрләр яулавыгызны телибез! Сезнең һәр дәресегез укучыларны яңа белемнәргә, фәнни ачышларга этәрсен! Һәрчак укучыларыгызның рәхмәтләренә төренеп, аларның ярдәмен тоеп яшәргә язсын! Һөнәрегезгә һәрчак тугры булуыгыз, сабырлыгыгыз өчен зур рәхмәт Сезгә!

05.10.2023
«ШАЯН ТВ» каналы балалар өчен сюрприз әзерләде!

«ШАЯН ТВ» каналы балалар өчен сюрприз әзерләде!

«ШАЯН ТВ» каналы балалар өчен сюрприз әзерләде! «ШАЯН Әлифба» проектын сез бик ошаттыгыз, ә хәзер саннарны бергәләп, җырлап өйрәнергә чакырабыз!  «ШАЯН Саннар» – саннарны өйрәнүгә багышланган яңа мультипликацион YouTube проект. Саннарга өйрәтү балаларга җыр формасында тәкъдим ителә - бу исә укыту процессын тагын да кызыклырак һәм мавыктыргыч итә! Проект балаларга 0дән 10га кадәр саннарны аерырга өйрәтә, игътибар һәм хәтер күнекмәләрен булдырырга ярдәм итә. 12 анимацион өйрәтүче роликны үз эченә алган мультсериал 3-5 яшьлек балалар өчен актуаль. Тәкъдим ителәчәк мәгълүмат балалар тарафыннан җиңел үзләштерүгә, ә анимацион рәсемнәр кечкенә балаларны татар халкының милли колориты белән таныштыруга юнәлтелгән. «ШАЯН Саннар» проектының беренче өч сериясен бүген «ШАЯН ТВ»ның YouTube каналында күрергә мөмкин. Бик тиздән аның калган серияләре дә дөнья күрәчәк!

04.10.2023
Җырчы Ильмира Нәгыймова, балачакта сугышып, бер кызның борынын сындырган

Җырчы Ильмира Нәгыймова, балачакта сугышып, бер кызның борынын сындырган

«ШАЯН ТВ»ның күптән түгел генә YouTube каналында дөнья күргән өр-яңа «Килде-китте шоу» проектында популяр җырчы Ильмира Нәгыймова үзенең интервьюсында балачакта кем булырга хыяллануы, җырларга бөтенләй дә уйламавы хакында фикерләре белән уртаклашты: - Кечкенә чагымда полиция хезмәткәре булырга хыялландым. Холкым шундый. Мин бик гаделлек яратам. Бәләкәй чактан ук спортка гашыйк идем, хәзерге көндә дә спорт белән шөгыльләнәм. Ул минем яраткан хоббием. Шулай ук каратэ белән дә мавыктым. Мин җырларга уйламый идем дә. Балалар бакчасында җырлаткач, нигә миңа шулкадәр кул чабалар икән дип аптырый идем. Аннары җыр дәресләренә йөртә башладылар. Мәктәптә төрле бәйгеләргә җибәрәләр иде. Ә миңа ул бөтенләй дә ошамый иде. Җыр – ул минем икенче шөгылем кебек кенә барды. Беренче урында гел спорт булды. Каратэ белән ныклап торып мавыга башлагач, тренер мине ярышка җибәрде һәм мин анда бик көчле генә итеп сугыштым, хәтта көндәшемнең борыны сынды. Ләкин бу ялгыш килеп чыкты. Аның ничек елаганын, ашыгыч ярдәм машиналарын күреп, миңа җырласам уңайрак булыр дигән фикергә килдем. Аңарчы хәтта кызлар хәрби хезмәтенә китәргә дә хыялландым. Тик шушы күңелсез хәлдән соң, кисәк кенә җырчы булырга уйладым. Тулырак әңгәмәне «ШАЯН ТВ»ның YouTube каналында карагыз.              

03.10.2023
Prev. 1 ... 170 171 172 173 174 ... 426 Next
Главная Программа Видео Шортс Поиск