Яңалыклар

Туган көнегез белән, хөрмәтле Рамилә Әхмәтзакировна!

Туган көнегез белән, хөрмәтле Рамилә Әхмәтзакировна!

Бүген «ШАЯН ТВ» каналының башкарма директоры - баш мөхәррире, педагогика фәннәре кандидаты, Татарстан Республикасының атказанган мәдәният хезмәткәре Рамилә Әхмәтзакир кызы Сәхабетдинованың туган көне! Хөрмәтле Рамилә Әхмәтзакир кызы! Сез кайгыртучан, киң күңелле, гадел җитәкче! Сезнең сак карашыгыз, хезмәт сөючәнлегегез зур хөрмәткә лаек.  Чын күңелдән гомер бәйрәмегез белән тәбрик итәбез! Киләчәк тормышыгызда ныклы сәламәтлек, күңел көрлеге, яңадан-яңа куанычлар, бәрәкәтле, мул тормыш, эшегездә уңышлар юлдаш булсын! Хезмәттәшләреңнең ихтирамын тоеп, бәхетле озын гомер кичерүегезне телибез!

12.02.2023
Премьера: «SMASH! Супербатырлар»!

Премьера: «SMASH! Супербатырлар»!

«ШАЯН ТВ» каналында шәп премьера! Дуслык һәм яхшы эшләр турында гаҗәеп мультсериал! «SMASH! Супербатырлар» - бүгеннән эфирда! SMASH җәйге лагере - уникаль урын. Бирегә үзләренең гадәти булмаган сәләтләрен тикшерү һәм алар белән идарә итәргә өйрәнү өчен төрле балалар киләләр. Һәр батыр геройның яраткан йорт хайваны бар. Әлеге хайваннар аларның супергеройлык эшләрендә ышанычлы ярдәмчеләренә әверелә. Лагерьда балалар көч җыячаклар, бергәләп эшләргә, тату команда булырга өйрәнәчәкләр, чын дусларга әйләнәчәкләр һәм дөньяны коткарачаклар. Яңа геройлар белән маҗараларны дүшәмбедән алып, җомгага кадәр 07:55 һәм 15:55 сәгатьләрдә «ШАЯН ТВ» каналында карагыз!

10.02.2023
«Маша белән Аю» бүгеннән эфирда!

«Маша белән Аю» бүгеннән эфирда!

Бүгеннән яраткан «Маша белән Аю» кабат экраннарга әйләнеп кайта! Тиктормас Маша белән акыллы Аю сезгә яңа маҗаралар әзерли! Әлеге мультсериал кемнәрнең күңеленә хуш килгән, һичшиксез, карамый калмагыз! Дүшәмбедән-җомгага кадәр 11:30 һәм 19:30 сәгатьләрдә «ШАЯН ТВ» каналында карагыз!

09.02.2023
Сәяхәтче Випо кабат илләр гизә!

Сәяхәтче Випо кабат илләр гизә!

Үзенчәлекле көчек Випоның хыялы - очарга өйрәнү! Ләкин бу мөмкинме соң? Этнең канатлары юк бит! Очу өчен канатлар бөтенләй дә мәҗбүри түгел икән, чөнки Випо ләкләк Генриның файдалы киңәшләре аркасында очып китә ала! Очарга өйрәнеп, эт һәм аның дуслары - ләкләк Генри һәм уенчык мәче Бетти - дөнья тирәли сәяхәткә китәләр. Алар төрле илләрне гизәләр, башка милләтләр һәм мәдәниятләр турында күп кенә яңа фактлар беләләр. Мультсериал персонажлары белән бергә сез Париж, Вена, Лондон һәм башка шәһәрләргә барачаксыз, ә заманча анимация сезнең сәяхәтегезне күңелле һәм кабатланмас итәчәк! Випо һәм аның дусларының маҗаралары турындагы тарих - чит илләрнең мәдәниятләре һәм традицияләре турында хыял һәм юмор, белем бирү мәгълүматлары белән тулы. Әлеге мультсериал - хыяллар белән тулы сезнең тылсымлы дөньягыз турында! «Сәяхәтче Випо» мультсериалы «ШАЯН ТВ» каналы экраннарына кабат әйләнеп кайтты! Дүшәмбедән-җомгага кадәр 13:45 һәм 21:45 сәгатьләрдә карагыз!

08.02.2023
«ШАЯН ТВ»ның Telegram каналында бәйге бара!

«ШАЯН ТВ»ның Telegram каналында бәйге бара!

Дуслар, «ШАЯН ТВ» каналының Telegram каналында бәйге бара! Өч бүләк һәм өч җиңүче! Супер истәлекле бүләк – җиңүчегә «ШАЯН ТВ» каналынан истәлекле кружка! Бәйгенең кагыйдәләре бик гади! Катнашырга ашык! Җиңүче 15 февраль көнне билгеле булачак. Бәйгенең кагыйдәләре турында тулырак мәгълүмат сылтама буенча!

08.02.2023
Кышкы спорт уеннары көне!

Кышкы спорт уеннары көне!

7 нче февраль - Бөтенроссия кышкы спорт уеннары көне буларак билгеләнә. Бу бәйрәм беренче мәртәбә 2015 нче елның февраль башында Сочи шәһәрендә узган XXII кышкы Олимпия уеннарына багышланып барлыкка килгән. Кышкы уеннарны кемнәр генә яратмый икән?! Чаңгы, чана, сноуборд, тимераякта шуу дисеңме, хоккей уйнау – боларның барысын да кыш үтеп киткәнче эшләп калырга тырышабыз. Язга да озак калмады. Әле кышкы матур көннәрдән файдаланып калырга өлгерәсез, дуслар! Өйдә ятмагыз, урамга чыгыгыз, урманга барыгыз! Салкын кышның рәхәтен тоеп, кышкы уеннарны уйнап калырга ашыгыгыз! Кыш көне күпләр чаңгыда, Тимераякта шуа, Өч ай гына була бит кыш, Кирәк шуып калырга. Кышның кадерен белегез, Чанада да шуыгыз, Һава чиста, дөнья ап-ак, Кадерен белеп калыгыз. Боз өстендә әле тагын Хоккей уйнарга була, Спорт белән дус булсагыз, Сәламәтлек нык була. Кышкы һава файдалы бит Хәтта җәяү йөрсәң дә, Саф һавада акрын гына Була бит йөгерсәң дә. Таза-сәламәт кешегә Яшәве дә күңелле, Кәефе дә күтәренке, Шат була, көләч йөзле. Сәламәтлекне саклагыз, Суыктан курыкмагыз, Табигать биргән зур байлык – Сәламәтлек, аңлагыз! Фәймә Зәйнуллина

07.02.2023
Prev. 1 ... 168 169 170 171 172 ... 387 Next
Главная Программа Видео Шортс Поиск