Яңалыклар

Кышкы уеннарны бергәләп уйныйбыз!

Кышкы уеннарны бергәләп уйныйбыз!

Дуслар, кышның беренче аеның да яртысы узып бара! Димәк, кышның салкын саф һавасыннан, ап-ак карлы бураннарыннан файдаланып калырга кирәк дигән сүз! Әйдәгез, уйнап, чаңгыда шуып, кыш рәхәтен татып калырга ашыгыйк.   «Чаңгыда әбәк уены» Әлеге мәйдан өчен тигез мәйдан алына. Мәйданның кырыйлары юк икән, аларны билгеләргә кирәк була. уен кагыйдәләре буенча, барлык катнашучылар да чаңгыда, әмма таяксыз булырга тиеш. Әгәр дә уенчыклар күп икән, уенны башлаучылар да берничә булырга мөмкин. Сигнал бирелгәч, башлаучы уенчыларны куып китә. Алар билгеләнгән мәйданнан чыкмаска тиеш. Уенны башлаучы куып тоткан уенчының чаңгысына үзенең чаңгысын тидерә. Тотылган уенчы: «Мин башлыйм! » – дип кычкырып, башкаларны куып китә.   «Ак аю» Карга диаметры 4–5 метр булган әйләнә сызып, уйнаучылар шунда кереп баса. Ике бала «ак аю» итеп билгеләнә һәм әйләнәнең тышкы ягында кала. Алар, кулга-кул тотынып, әйләнә эчендә йөрүче балаларны «ятьмәгә эләктереп» йөриләр. Һәр эләккән бала уеннан чыга барып, соңыннан аюларга тоттырмаган берсе генә кала, һәм ул җиңүче була.   «Шар сугу» Кыш көне ир балалар уйный торган уен. Башта тигез җирдә бер кечерәк чокыр казыла. Уенчыларның һәрберсендә кәкре таяклар (кәшәкәләр) була. Ике командага бүленгәннән соң, бер команда чокыр саклый, икенчеләре шарны чокырга төшерергә тырыша. Кайсы команда шарны чокырга күбрәк төшерә ала, шул команда җиңүче була.    

13.12.2022
13 декабрь – Аюлар көне!

13 декабрь – Аюлар көне!

13 декабрь – Аюлар көне. Без бик күп әкиятләрдә «аю» образы белән очрашабыз. Моннан тыш, аның шәхси бәйрәме дә бар икән. Дөньяда аюларның барлыгы 7 төре генә калган, һәм алар барысы да дәүләт тарафыннан саклана. Россиядә көрән һәм ак аю яши. Ел саен 13 декабрьдә планетабызның күп кенә почмакларында Аю көне билгеләп үтелә. Бу көнне алар кышкы йокыга китә дип санала. Яз, җәй һәм көз айлары буе бу хайваннар, кышка май запасы әзерләп, актив рәвештә тукланалар. Ә хәзер, салкыннар башлангач, кышны чыгар өчен үзләренә ышык урын эзлиләр. Җылы урын эзләп тапканнан соң, аю йокыга тала, чөнки әлеге җәнлекләрнең рационының нигезен үсемлекләр тәшкил итә. Салкын кыш җитү белән аны табу шактый кыенлаша. Кызыклы фактлар: 1. Аюның кышкы йокысы 200 көнгә бара. 2. Хайванның авырлыгы 800 килограммга җитәргә мөмкин . 3. Иң кечкенә аю - Малайя аюы санала. Аның авырлыгы – бары 30- 60 кг, ә озынлыгы-якынча 1,5 м. 4. Аю уртача 25-40 ел яши. 5. «Урман хуҗасы» - беркайчан да сәбәпсез кешегә беренче булып һөҗүм итми. Кешеләрнең торакларын ул узып китәргә тырыша, әгәр дә аны борчымасалар, ул зыян китермәячәк.

13.12.2022
Премьера: «Сабантуй бүген бездә» җырына клип!

Премьера: «Сабантуй бүген бездә» җырына клип!

Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итә! «Сабантуй бүген бездә» җырына төшерелгән клипның премьерасын рәхәтләнеп карагыз! Роберт Миңнуллин сүзләре, Илнур Ганиев көе Башкара: «Батыр егетләр» ансамбле

12.12.2022
«Сәйлән» фестивале җиңүчеләре «Болгар радиосы» милли музыкаль премиясендә!

«Сәйлән» фестивале җиңүчеләре «Болгар радиосы» милли музыкаль премиясендә!

Бүген «ШАЯН ТВ» каналының «Сәйлән» фестивале җиңүчесе Рөстәм Хөсәенов «Болгар радиосы» Х милли музыкаль премиясендә чыгыш ясады! Татарстанның халык артистлары, легендар шәхесләр, татар эстрадасының танылган йолдызлары белән белән бер сәхнәдә чыгыш ясау – безнең өчен зур горурлык! Афәрин, Рөстәм!

10.12.2022
«ШАЯН балачак» бәйрәм концерты бүген YouTube каналда!

«ШАЯН балачак» бәйрәм концерты бүген YouTube каналда!

Дуслар, «ШАЯН ТВ» каналы яраткан тамашачыларына бүләк әзерләде! Бүген безнең YouTube каналда 19:00 сәгатьтә «ШАЯН ТВ»ның грандиоз туган көненә багышланган «ШАЯН балачак» бәйрәм концерты чыгачак! Сезне «Сәйлән» фестивале җиңүчеләре башкаруында иң күңелле җырлар, онытылмаслык чыгышлар һәм, әлбәттә, «Балачак җыры» бәйгесе клипларының премьералары көтә! Шулай ук «Сәйлән» фестиваленең дүртенче сезоны җиңүчеләрен бүләкләү дә – әлеге концертта! Фестивальнең җиңүчеләре татар эстрадасы йолдызлары белән бер сәхнәдә балкыячаклар! 19:00! YOUTUBE КАНАЛ! РӘХИТ ИТЕГЕЗ!   Шулай ук якшәмбе, 11 декабрь көнне «ШАЯН ТВ» каналында 11:30 һәм 17:00 сәгатьләрдә «ШАЯН балачак» концерты күрсәтеләчәк! Әлеге грандиоз вакыйгадан читтә калма! Ял көннәрен безнең белән күңелле итеп үткәр!

09.12.2022
Премьера: «Токмач кисәм» җырына клип!

Премьера: «Токмач кисәм» җырына клип!

Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итә! «Токмач кисәм» җырына төшерелгән клипның премьерасы күңелегезгә хуш килер дип уйлыйбыз! Люция Әблиева сүзләре, Эльвира Нигъмәтуллина көе Башкара: Асилә Кашапова

09.12.2022
Prev. 1 ... 167 168 169 170 171 ... 376 Next
Главная Программа Видео Шортс Поиск