Яңалыклар

«Балачак җыры» бәйгесенә гаризалар кабул итү тәмамлануга 1 көн калды

Дуслар, «Балачак җыры» бәйгесенә гаризалар кабул итү бик тиздән тәмамланачак! Сезнең нибары 1 көн вакытыгыз бар! Тизрәк гаризагызны безгә юллагыз! Бүләкләр зурдан: акчалата приз, җырның профессиональ аранжировкасы һәм клибы! Эшләрегезне, җырның текстын һәм көен [email protected] адресына җибәрегез. Бәйгенең шартлары буенча тулырак мәгълүмат сылтама буенча. Гаризалар 30 апрельгә кадәр кабул ителә.

29.04.2024

«ШАЯН ТВ» яңалыклары белән уртаклаштылар

«ШАЯН ТВ» каналы тамашачыларын һәрвакыт яңа проктлары белән сөендерә! Шул уңайдан, «ШАЯН ТВ» каналының мөхәррире Сәрия Хөсәенова «Татарстан-Яңа Гасыр» каналында «Манзара» тапшыруында кунакта булып кайтты. Тапшыруда ул күптән түгел тәкъдим ителгән «Җавап тап» танып белү программасы хакында сөйләде. Проектның яңа чыгарылышларын сез дә күзәтеп барыгыз! Аны «ШАЯН ТВ»ның YouTube каналында һәм зәңгәр экраннарда күрергә мөмкин!

29.04.2024

Габдулла Тукайның тууына 138 ел! Башкалада нинди чаралар көтелә?

Бүген – бөек шагыйребез Габдулла Тукайның тууына 138 ел! Габдулла Тукай - татар шигъриятенең иң якты йолдызы. Гомере 27 яше дә тулмыйча өзелгән яраткан шагыйребез безгә бәяләп бетермәслек әдәби мирас бүләк итеп калдырган. Аның кыска гына иҗат юлы дәвамында язып калдырган шигырьләре бүгенге көндә дә бик актуаль. Халкыбызның сөекле улы калдырган иҗат мирасы һәм рухи яктылык - безнең горурлыгыбыз. Шуңа күрә, без Тукаебыз истәлеген саклап, хөрмәт итеп буыннан-буынга тапшырырга тиешбез. Шагыйрь һәр татар күңелендә яшәсә, милләтебезнең киләчәге дә өметле булачак! Кадерле дуслар, барыгызны да бүгенге бәйрәм, Туган тел көне белән тәбрик итәбез! Туган телебезне саклыйк, яратыйк, үзебездән соңгы буыннарга тапшырыйк! Бәйрәм уңаеннан шәһәребездә күпсанлы тантаналы чаралар үткәрү планлаштырылган: * 8:00 сәгатьтә Татарстан Республикасы Рәисе Рөстәм Миңнеханов катнашында Тукай скверындагы шагыйрь һәйкәленә чәчәкләр салыначак. Быел Г.Тукай исемендәге Дәүләт премиясе лауреатларын башка еллардан аермалы буларак Казан Кремлендә бүләклиләр. Быел премияне алырга 10 кандидат тәкъдим ителгән. * 11:30 сәгатьтә Казан дәүләт циркында «Печән базарында» дип аталган беренче милли театраль-цирк спектакль куела. Тамаша Габдулла Тукай шигырьләренә һәм әкиятләренә нигезләнеп язылган. Спектакль 26 апрельдән 5 майга кадәр 8 тапкыр күрсәтеләчәк. * 14:00 сәгатьтә Муса Җәлил исемендәге Татар дәүләт академия опера һәм балет театры бинасы янында урнашкан Г.Тукай һәйкәле янында Туган тел көненә һәм бөек татар шагыйре Г.Тукайның тууына 137 ел тулуга багышланган шигърият бәйрәме узачак. * 17:00 сәгатьтә Казан Кремле территориясендә «Мин татарча сөйләшәм» Республика акциясе була.

26.04.2024

Бәйрәм уңаеннан «ТАТАР СҮЗЕ» бәйгесенең Гала-концерты «ШАЯН ТВ» каналында

Дуслар, бүген бәйрәм уңаеннан халкыбызның иң мөһим мәдәни ел вакыйгасы - «ТАТАР СҮЗЕ» дүртенче Халыкара нәфис сүз телевизион бәйгесенең Гала-концерты «ШАЯН ТВ» каналында күрсәтеләчәк! Грандиоз чарадан читтә калмагыз! Бүген 12:00 һәм 20:00 сәгатьләрдә «ШАЯН ТВ» каналында карагыз!

26.04.2024

«ШАЯН ТВ» каналы Тукай һәйкәленә чәчәкләр салуда катнашты

Бүген «ШАЯН ТВ» каналы бөек шагыйребез Габдулла Тукайның туган көне уңаеннан Татарстан Республикасы Рәисе Рөстәм Нургали улы Миңнеханов һәм ТР Дәүләт Киңәшчесе Минтимер Шәрип улы Шәймиев белән әдипнең һәйкәленә чәчәкләр салуда катнашты. Чараның мәртәбәле кунаклары арасында ТР Дәүләт Советы Рәисе урынбасары, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Готыф улы Әхмәтов, ТР Рәисе Аппараты җитәкчесе Әсгать Әхмәт улы Сәфәров, Казан шәһәре мэры Илсур Рәис улы Метшин, ТР мәгариф һәм фән министры Илсур Гәрәй улы Һадиуллин һәм Татарстан Республикасы мәдәният министры Ирада Хафизҗан кызы Әюпова да урын алды. Каналның яшь алып баручылары Мәрьям Җаппарова белән Эмиль Закиров шагыйрьнең «Бәйрәм бүген» шигырен сөйләделәр.

26.04.2024

«Балачак җыры»: КАТНАШЫРГА АШЫК

Җырыгызны хит итәсегез киләме? Ашыгыгыз! «Балачак җыры» бәйгесенең бишенче юбилей сезонына гаризалар кабул итү тәмамлануга нибары 5 көн калды! Без сездән өр-яңа шигырьләр, оригиналь көйләр көтәбез! Җиңүчеләрне шәп бүләкләр көтә: акчалата приз, җырның профессиональ аранжировкасы һәм клибы! Эшләрегезне [email protected] адресына юллагыз. Гаризалар 30 апрельгә кадәр кабул ителә! Тулырак мәгълүмат сылтама буенча.

25.04.2024

«ШАЯН ТВ»да яңа мультсериал

«ШАЯН ТВ»да язгы премьера! «Титипо - шаян паровоз» мультсериалы нәни тамашачыларны кечкенә поезд белән бергә маҗараларга дәшә! Титипо - Поездлар үзәгеннән булган яңа паровоз. Ул әле яңа гына машина йөртү буенча имтихан тапшырган һәм, ниһаять, эшкә керешергә әзерләнә. Ул иң яхшы поезд булырга хыяллана! Дөньяда иң яхшы тимер юл составы булу өчен, Титипога үзенә еш кына проблемалар тудыра торган кирәгеннән артык кызыксынучанлыгын басарга туры киләчәк. Кечкенә поезд тарихының ничек тәмамлануын белү өчен «Титипо - шаян паровоз» мультсериалын карарга чакырабыз. Эш көннәрендә 07:55 һәм 15:55 сәгатьләрдә телевизор экраннары каршына җыелыгыз.

25.04.2024

Тамашачыларга бер көндә ике концерт тәкъдим ителде

Бүген «ШАЯН ТВ» каналының «Балачак җыры» концерты Казанның 33 гимназиясендә узды! Тамашачыларга бер көндә ике концерт тәкъдим ителде! Искәртеп узабыз, чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелде. Концертта катнашучы «Сәйлән» телевизион фестивале җиңүчеләре үзләренең искиткеч чыгышлары белән нәни тамашачыларыбызны сөендерделәр. Алар «Балачак җыры» бәйгесе хитларын башкардылар. Шулай ук килгән кунаклар һәм башкалабызның мәктәп-гимназия укучылары өчен «ШАЯН ТВ» беренче балалар каналының төп персонажлары – Шаян һәм Мияу белән фотога төшү дә оештырылды. Алар, гадәттәгечә, нәниләргә күтәренке рух бүләк иттеләр! Концерт җыр-биюләр, җанлы аралашу, шаяру-көлүләр белән үрелеп барды. Тамашачылар талантлы балаларның күңелле музыкаль чыгышларыннан яхшы кәеф алдылар!

24.04.2024

1 ... 82 83 84 85 86 ... 376

Яңа сайт!