Яңалыклар

Игътибар! БӘЙГЕ
Канал яңалыклары

Игътибар! БӘЙГЕ

Дуслар, «ШАЯН ТВ» каналы бүләкләр уйната! Telegram каналда Халыкара балаларны яклау көненә багышланган шәп бәйге башланды! Катнаш һәм яраткан каналыңнан истәлекле бүләкләр от. Кагыйдәләр бик гади! Җиңүче нәкъ менә 1 июнь көнне билгеле булачак. Уңышлар телибез! Бәйгенең кагыйдәләре турында тулырак мәгълүмат сылтама буенча.

29.05.2024
«ШАЯН ТВ»да яңа проект: «Ок, Алия»
Канал яңалыклары

«ШАЯН ТВ»да яңа проект: «Ок, Алия»

«ШАЯН ТВ»ның YouTube каналында премьера! Тамашачыларга өр-яңа «Ок, Алия» күңел ачу проекты тәкъдим ителде! Программада ике кунак көч сынаша. Уен барышында кунакларга акыллы колонка Алия ярдәмгә килә. Ул алар турында барысын да белә. Әлеге тапшыруны карап, тамашачылар популяр шәхесләрнең тормышы һәм иҗаты турында яңалыклар белә ала, кумирларын яңа яктан ача һәм йолдызларны үзләренең ни дәрәҗәдә яхшы белүен күзәтә ала. YouTube каналга рәхим итегез һәм рәхәтләнеп карагыз!

28.05.2024
ШАЯНнар «Җырлыйк әле» тапшыруында
Канал яңалыклары

ШАЯНнар «Җырлыйк әле» тапшыруында

«ШАЯН ТВ» каналының яшь йолдызлары, «Сәйлән» телевизион җыр фестивале җиңүчеләре «Җырлыйк әле» тапшыруында көч сынашты. Кем җиңде дип уйлыйсыз? 1 июнь, балаларны яклау көнендә, 20:30сәгатьтә «Татарстан-Яңа Гасыр» каналыннан карап белә аласыз.

27.05.2024
Премьера: «Сәнгать осталары»
Канал яңалыклары

Премьера: «Сәнгать осталары»

«ШАЯН ТВ» каналы өр-яңа документаль фильмнар белән сөендерүен дәвам итә. Иртәгә «Сәнгать осталары» премьерасы эфирга чыга. Фильм уникаль феномен - Үзбәкстандагы рус авангарды һәм Мәскәү рәссамы Игорь Савицкий тарафыннан барлыкка килгән сәнгатьнең әлеге юнәлешенең тарихы хакында сөйли. Ул үзенең коллекциясен Нукуса дип аталган чүл шәһәре музеенда саклаган, соңрак бу музей сәнгатьне яратучылар өчен бергә җыелу урынына әверелгән. Фильмны иҗат итүчеләр Төркестаннан чыккан рәссам-авангардистларның тормыш юлын, компьютер графикасы ярдәмендә беренче һәм җанлы рәсемнәрен һәм иң яхшы эшләрен тәкъдим итәчәкләр. Шимбә 09:45 һәм 21:00 сәгатьләрдә «ШАЯН ТВ» каналында карагыз.

24.05.2024
Яңа уку елыннан мәктәпләрдә яңа предметлар кертелә?!
Популяр яңалыклар

Яңа уку елыннан мәктәпләрдә яңа предметлар кертелә?!

Казан мәктәпләрендә киләсе уку елыннан «Хезмәт», «Куркынычсызлык һәм Ватанны саклау нигезләре» дип аталган предметлар укытыла башлаячак. Шулай ук математика буенча курска яңа тема да кертеләчәк. «Куркынычсызлык һәм Ватанны саклау нигезләре» урта һәм өлкән сыйныфлар өчен мәҗбүри дәресләр буларак карала. Курска тормыш эшчәнлеге иминлеге нигезләре программасы, башлангыч хәрби әзерлек буенча киңәйтелгән программа, моннан тыш, беренче ярдәм күрсәтү, сәламәт яшәү рәвеше нигезләре һәм гадәттән тыш хәлләрдә үз-үзеңне тоту кагыйдәләре керергә тиеш. 1 сентябрьдән «Технология» дәресе «Хезмәт» дип үзгәртелә, чөнки предметның яңа юнәлеше барлыкка киләчәк. «Математика» фәненә исә «Ихтималлык һәм статистика» курсы өстәлү көтелә. Ул «Алгебра»ны һәм «Геометрия»не тулыландырачак.

23.05.2024
Бердәм дәүләт имтиханнары башланды
Популяр яңалыклар

Бердәм дәүләт имтиханнары башланды

Мәктәпне тәмамлаучы укучылар өчен иң җаваплы чор - бердәм дәүләт имтиханнары башланды. Бүген исә алар туган телдән имтихан тапшыра. Татарстанда быел аны 11 сыйныфны тәмамлаучы 7 укучы тапшыра. Казаннан дүрт, Түбән Кама, Әтнә, Мөслим районнарыннан бер чыгарылыш укучысы туган телдән имтихан бирә. Узган ел туган телдән имтиханны 8 кеше тапшырган, өченче ел бу күрсәткеч 1 укучыны гына тәшкил иткән. 9 сыйныфта исә туган телне сайлау буенча 4 046 бала тапшырачак. Бу күрсәткеч узган ел белән чагыштырганда 2 685 укучыга күбрәк. БДИ тапшыру 23 майдан 11 июньгә кадәр дәвам итә. Имтихан нәтиҗәләре 6 июньнән 26 июньгә кадәр билгеле булачак. Бүген, беренче имтихан көнендә химия, география, әдәбият һәм туган телдән имтиханнар уза. Укчыларга камил акыл, тел ачкычлары һәм уңышлар телибез!

23.05.2024
Татарстанга җәй кайчан килер?
Популяр яңалыклар

Татарстанга җәй кайчан килер?

Көннәр җылытты, тик эссе көннәр озак сакланырмы? Җәй кайчан килер һәм нинди булыр? Татарстанда климат буенча җәй 26-27 майда башланыр дип көтелә. Бу көннәрдә уртача тәүлеклек температура 15 градуска җитәчәк. Кыраулар төшмәс, кыска вакытлы яңгырлар явып үтүе ихтимал дип, фаразлыйлар. Тик температура төнлә 4 градуска кадәр төшәргә мөмкин, әмма кырау көтелми. Синоптиклар мәгълүматларына караганда, июнь аенда кояшы да, яңгыры да – барысы да үз урынында булачак. Июльдә эссе һәм коры һава торышы көтелә.

22.05.2024
Prev. 1 ... 80 81 82 83 84 ... 378 Next
Главная Программа Видео Шортс Поиск