Яңалыклар

Тәмле ашыйк!
Популяр яңалыклар

Тәмле ашыйк!

16 июль - тәмле ризыклар, тәмле ашау көне! Бу - рәсми булмаган, әмма бик күңелле бәйрәм! Чыннан да, тәмле ризыктан берәү дә баш тартмый, чөнки тәмле сыйны һәркем ярата. Ләкин озак яшәү һәм сәламәт булу өчен, дөрес һәм файдалы тукланырга кирәк. Ризыктан ләззәт алган очракта гына, кеше тормышыннан канәгать була икән! Ә яхшы кәеф сәламәтлек өчен бик мөһим! Әлеге көн безнең илдә артык әһәмияткә ия булмаса да, Швейцариядә исә 16 июльдә масштаблы ашау фестивале үткәрелә. Анда дөньяның барлык илләреннән данлыклы пешекчеләр җыела. Алар иң нәзберек кешеләрнең дә таләпләренә туры килә торган ризыклар әзерлиләр. Шулай ук үзләре генә уйлап тапкан махсус ашамлыклар белән дә кунакларның күңелен күрәләр икән! Тәмле, файдалы ризыклар белән тукланыйк! Сәламәт булыйк!  

16.07.2024
Карлыган көненә 10 кызыклы факт
Кызыклы фактлар

Карлыган көненә 10 кызыклы факт

14 июль – иң файдалы җимешләрнең берсе, карлыган көне билгеләп үтелде. Карлыганны даими куллану иммунитетны ныгытуы барыбызга билгеле. Әлеге җимеш турында турында 10 кызыклы факт: 1. Бу җиләк бик күп җирләрдә үсә. Аны бары тик ике континентта — Австралия һәм Антарктида гына үстермиләр. 2. Иң файдалы һәм тәмле карлыган-кыска һәм эссе җәйле районнарда, шул исәптән төньяк киңлекләрдә дә үсә. 3. Өлгермәгән карлыганда с витамины өлгергәндәгегә караганда дүрт тапкыр күбрәк. Шуңа күрә балаларны куактан: «ашамый тор, әле, өлгермәгән», - дип куарга кирәкми. 4. Дөньяда йөз ярымнан артык төрле төстәге карлыган бар, әмма, күпчелек кешеләргә бары тик кара, кызыл һәм агы гына билгеле. 5. Карлыган яфраклары аның җиләкләре кебек үк диярлек витаминнарга бай, шуңа күрә аларны йорт консервлары ясаганда борын-борыннан кулланалар. 6. Кайчандыр карлыган «монастырь җиләге» дигән исем астында билгеле булган, чөнки аны барлык монастырьларда диярлек үстергәннәр. 7. Карлыган радиацион нурланыш нәтиҗәләрен организмнан чыгара. 8. Биологик күзлектән караганда карлыганның якын туганы-крыжовник. 9. Карлыганның дөнья буйлап таралуы каян башланганын берәү дә төгәл белми, әмма бу үсемлекнең ватаны - Азия дип фаразлана. Әмма Россия карлыган үстерү күләме буенча дөньяда беренче урында тора. 10. Кара карлыганнан азык-төлек производствосында кулланыла торган табигый буягыч ясала. Карлыган белән сыйланып, үзегезгә ел буена җитәрлек витамин җыеп калырга ашыгыгыз!  

15.07.2024
«Союзмультфильм» тәкъдим итә
Канал яңалыклары

«Союзмультфильм» тәкъдим итә

«ШАЯН ТВ» каналында «Союзмультфильм»ның иң текә мультсериаллары эфирга чыга! «Аһ, куян, эләксәңме?! Каникуллар», «Простоквашино», «Янутлар» - барысы да сезнең өчен! Яраткан мульфильмнарыгызны дүшәмбедән алып, җомгага кадәр 7:30 һәм 15:30 сәгатьләрдә карагыз. Җәйге каникулларны бергә үткәрик!

15.07.2024
Питрау җитте - җәй үтте
Популяр яңалыклар

Питрау җитте - җәй үтте

12 июль – керәшеннәрнең җәйге бәйрәме, Питрау көне. Җәйнең кыл уртасы дигән сүз. Борынгылар питрау җитте – җәй үтте, дип тә әйтәләр. Әлеге бәйрәм җәй көненең чиге дип билгеләнгән. Халык аны печән өсте, урак өсте, көз башы дип каршылаган. Шулай ук Питраудан соң кошлар да сайравыннан туктый. Чыннан да, игътибар итеп карагыз әле, бу көнне нәкъ көндезге 12дә кошлар тынып кала. Үсемлекләр дөньясында да үзгәрешләр башлана. Питрауга кадәр җыеп киптерелгән дару үләннәре, чәчәкләр бик шифалы булып санала. Бүгеннән соң аларның шифасы бетә дигән ышану йөри. Мунча себеркесен дә бу көнгә кадәр әзерләсән, яхшы саклана. Питрауда көн аяз булса - ел яхшы килә; әгәр күке кычкыраудан туктаса, кыш иртә килә дигән сынамышлар яши. Әйдәгез тикшереп карыйк әле! Бу көнгә булган ышанулар табигатьнең алга таба торышында нинди үзгәрешләргә китерер икән?  

12.07.2024
«ШАЯН ТВ» БАССЕЙН УЙНАТА
Канал яңалыклары

«ШАЯН ТВ» БАССЕЙН УЙНАТА

СУ КОЕНЫРГА ЯРАТСАҢ, ӘЛЕГЕ БҮЛӘК НӘКЪ СИНЕҢ ӨЧЕН! «ШАЯН ТВ» каналы үзенең ВКонтакте төркемендә бассейн уйната! Бәхетеңне сынап карарга ашык! Бәйгенең шартлары бик гади! Кер һәм катнаш! Кагыйдәләр белән танышу өчен сылтама буенча «ШАЯН ТВ»ның ВКонтакте төркеменә уз. Җиңүче 31 июль көнне билгеле булачак! Уңышлар телибез!

12.07.2024
«ШАЯН ТВ» каналы «Шәҗәрә бәйрәме»ндә катнашты
Канал яңалыклары

«ШАЯН ТВ» каналы «Шәҗәрә бәйрәме»ндә катнашты

Бүген Иске Татар бистәсендә «Мәрҗани» мәчете янында «Шәҗәрә бәйрәме – Праздник родословной» фестивале узды. Чараның максаты гаилә һәм нәселнең ролен, аларның әһәмиятен һәм уникальлеген аңларга ярдәм итә торган гаилә традицияләрен торгызу һәм саклап калудан гыйбарәт. Бәйрәмдә татар династияләре һәм гаилә традицияләре белән таныштылар. Кунаклар өчен бушлай мастер-класслар, төрле күңел ачу интерактивлары оештырылды. Программада алар өчен Татарстан Республикасының атказанган артистлары һәм яшь башкаручылар чыгыш ясады.  Бу чарада «ШАЯН ТВ» каналы да үз тамашачыларын сөендерде. Төп персонажларыбыз Шаян белән Мияу балаларны каршы алдылар, уйнадылар, шаярдылар-көлделәр, фотога төштеләр. Чын бәйрәм атмосферасы ясадылар!

11.07.2024
Баллы көн
Популяр яңалыклар

Баллы көн

Бүген баллы яратучылар өчен менә дигән бәйрәм - Бөтендөнья шоколад көне билгеләп үтелә! Шоколад күп кешенең яраткан ризыгыдыр, мөгаен. Кемдер аннан башка үзенең тормышын күз алдына да китерә алмый. * Шоколадны даими куллану - гомерне озайта, ди белгечләр. * Шоколад - диетада да ашарга яраклы булган тәм-томнарның берсе икән. * Бер телем кара шоколад ашап кую – ашыйсы килү теләген дә озакка баса. * Фән билгеләвенчә, шоколадта кешене ял иттерүче һәм психологик яктан тернәкләнергә ярдәм итүче элементлар бар. * Аның кара сортлары эндорфиннар - бәхет гормоннары бүлеп чыгара, кәефне яхшырта. * Шоколад яратучы балалар хәтта мәктәптә дә яхшырак укый икән! Томышларыгыз шоколад кебек татлы булсын, дуслар!

11.07.2024
Prev. 1 ... 81 82 83 84 85 ... 387 Next
Главная Программа Видео Шортс Поиск