Яңалыклар

«Cәйлән» фестиваленә гаризалар кабул итү тиздән тәмамлана!

«Cәйлән» фестиваленә гаризалар кабул итү тиздән тәмамлана!

Исегезгә төшерәбез, тиздән «Cәйлән» грандиоз музыкаль фестиваленең 5 сезонына гаризалар кабул итү тәмамланачак! Катнашырга ашыгыгыз! Узган сезон җиңүчеләре инде йолдыз булып балкыйлар! Үзегезне сынап карагыз һәм «ШАЯН ТВ» йолдызы булыгыз! Җырыгызны яздырып, анкета тутырып, seilen@shayantv.ru адресына юллагыз! Гаризалар 2023 елның 2 июленә кадәр кабул ителә. Тулырак мәгълүмат сылтама буенча. 

23.06.2023
«Әкияти патруль» әйләнеп кайта!

«Әкияти патруль» әйләнеп кайта!

Сез яратып өлгергән «Әкияти патруль» мультсериалы бүгеннән кабат эфир киңлекләренә чыга! Биредә дүрт тылсымчы кызның төрле маҗаралы хәлләре сурәтләнә. Алар дус булырга да, бер-берсенә ярдәм итәргә һәм үз эшләре өчен җавап бирергә дә өйрәнә. Вакыйгалар Тычканлы шәһәрендә башлана. Әкиятләр тыюлыгын саклау өчен, кызларга сынаулар аша үтеп, бердәм командага әверелергә кирәк була! Мультсериалны һәр эш көнендә 07:05 һәм 15:05 сәгатьләрдә «ШАЯН ТВ» каналында карагыз!

23.06.2023
Иң озын көннәр!

Иң озын көннәр!

Бүген 22 июнь - Җәйге Кояш торгынлыгы көне! Кояш торгынлыгы берничә көн дәвам итә һәм елның иң озын көннәренең һәм иң кыска төненең барлык өстенлекләре белән ләззәтләнү мөмкинлеге туа. Ул иң озын көн булып санала һәм 17 сәгать 18 минут дәвам итә. Ел дәвамында кояш горизонт өстендә төрле ераклыкка күтәрелә. Белгечләр фикеренчә, кояш чыгу вакыты 4 сәгать 41 минутта башлана. Ул көндезге 13 сәгать 18 минутҡа чаклы калкып, ә кичен 22 сәгать 5 минутта гына байый башлаячак. Бу астрономик вакыйга, кояш торгынлыгы вакытында кояшның чыгу һәм бату нокталары хәрәкәт итүдән туктый. Шул вакыттан җәй әле көч җыя гына башлауга карамастан, кояш инде көзгә таба борыла. Моннан соң көннәр акрынлап кыскара башлый. Җәйге озын көннәр белән хозурланып калыйк, ШАЯНнар!  

22.06.2023
«ШАЯН ТВ» каналы «Беренчеләр хәрәкәте»нең «Алдынгылар медиа» сменасында!

«ШАЯН ТВ» каналы «Беренчеләр хәрәкәте»нең «Алдынгылар медиа» сменасында!

Бүген «ШАЯН ТВ» каналы «Идел» яшьләр үзәгендә «Беренчеләр хәрәкәте»нең җәйге «Алдынгылар медиа» сменасында очрашуда булып кайтты. Медиа сменасы Enter интернет-журналы һәм «ШАЯН ТВ» каналы белән берлектә үткәрелә. Биредә яшүсмерләр өчен лекцияләр һәм практик мастер-класслар үтә. Очрашуда «ШАЯН ТВ»ның PR-бүлеге хезмәткәре, «Яшьләр тукталышы» алып баручысы Руслан Хафизов катнашучыларны каналның эшчәнлеге һәм проектлары белән таныштырды, бүләкләр өләште. «ШАЯН ТВ» каналының алып баручы Илзия исә төрле кызыклы остаханәләр үткәрде. Шулай ук лагерьда катнашучылар өчен фотография, видео төшерү, копирайтинг, журналист осталыгы һәм социаль челтәрләрдә контент булдыру серләренә өйрәнү дә каралган. Аларның һәркайсының кураторлары – танылган республика медиаиндустриясе вәкилләре.

21.06.2023
Яңа мультсериал: «Крутикслар»!

Яңа мультсериал: «Крутикслар»!

«ШАЯН ТВ» каналында өр-яңа мультсериал! «Крутикслар» сезне экраннар каршында көтә! Чит планета күсесе Зигги һәм аның сеңлесе тиен Руби суперкөч чыганагын - акыллы астероид Шустрикны аулыйлар. Җирдә Шустрик мәче Солны һәм эт Ройны суперсәләткә өйрәтергә өлгергән инде. Хәзер исә Зигги белән Руби җәнлекләрне космоска алып менеп, Галәм серләрен ачарга җыеналар. Миллион еллар элек Җирдән киткән динозаврлар тарафыннан булдырылган тулы бер Планеталар Союзы бар икән. Йолдызлы Академия директоры тираннозавр Шикайзер Солны һәм Ройны кадетларга кабул итә, ә Зигги һәм Руби җир хайваннары өчен җаваплы итеп билгеләнә. «Крутикслар» дип аталган әлеге дүрт кешедән торган команда теләсә нинди супергерой маҗараларына әзер! Төрле планеталарда яшәүчеләргә ярдәм итү, Шустрикны эзләү яки серле явыз Тимер Гарпия белән сугыш – боларның барысын да сез дүшәмбедән алып, җомгага кадәр 12:00 һәм 20:00 сәгатьләрдә «ШАЯН ТВ» каналында карый аласыз!

20.06.2023
«ШАЯН ТВ» каналы «Апанай» мәдрәсәсендә очрашуда булып кайтты!

«ШАЯН ТВ» каналы «Апанай» мәдрәсәсендә очрашуда булып кайтты!

Бүген «ШАЯН ТВ» каналы Казанның Апанай мәдрәсәсендә балалар өчен оештырылган лагерьда булып кайтты. Ислам һәм әдәп-әхлак нигезләрен өйрәтүче лагерь кысаларында балалар өчен мәдәни һәм күңел ачу чаралары уздыру да каралган. «ШАЯН ТВ» лагерьда ял итүчеләрне каналның эшчәнлеге һәм татар телен үстерүгә багышланган проектлары белән таныштырды, балаларны тапшыруларга һәм төрле бәйгеләргә чакырды. Биредә «Сәйлән»нәр катнашты. Телевизион музыкаль фестиваль җиңүчесе Мәрьям Җаппарова «Әнием – иң газиз кешем» җырын башкарды. Шулай ук балалар өчен кызыклы викториналар оештырылды һәм алар «ШАЯН ТВ» каналыннан истәлекле бүләкләргә ия булдылар. Мондый җылы очрашулар күбрәк булса иде!

20.06.2023
Болытларны күзәтергә ашыгыгыз!

Болытларны күзәтергә ашыгыгыз!

Бүген үзенчәлекле бәйрәм, Болытларны күзәтү көне билгеләп үтелә! Бу көнне һәркем башын күтәреп күк йөзенә карарга тиештер, чөнки нинди генә болытлар юк анда! Болытларның нинди төрләре була соң? Болытларны якыннан беренче тапкыр һава шарында очучылар 18нче гасыр азагында күзәткән. Алар ике төрле болыт бар дип нәтиҗә ясаганнар: тамчылардан торган су болытлары һәм кристаллардан торган боз болытлары. 2015 елда «Болыт яратучылар җәмгыяте» яңа төр болытлар барлыгын ачыклаган. Асперитас, латин теленнән тәрҗемә иткәндә, кытыршы дигән сүз. Озын мех якага ошаган болытлар да була. Болары хәвефле болытлар, җил-давыл белән исегездә калачак. Шуңа күрә мондый болытлар килеп чыгуга, иң яхшысы өйгә ашыгуың. «Нурлы болыт»лар да була икән. Аларның диаметры 300 кмга җитә. Аларны бары тик спутниктан гына күреп була. Галимнәр мондый болытларның каян килеп чыгуын һаман да ачыклый алмыйлар.  

19.06.2023
Prev. 1 ... 171 172 173 174 175 ... 411 Next
Главная Программа Видео Шортс Поиск