Яңалыклар

Безнең Телеграм каналда РОЗЫГРЫШ
Канал яңалыклары

Безнең Телеграм каналда РОЗЫГРЫШ

Сез, мөгаен, безнең «ШАЯН ТВ» телеканалында «Тара Дункан» яңа мультсериалын күргәнсездер инде? Ошадымы? Безнең сезнең өчен шәп хәбәр бар! Мультсериал персонажлары уенчыкларын уйнатабыз! Яраткан персонажлар шәп уенчыклар рәвешендә җанланалар! Әгәр сез мультсериал белән таныш түгел яки аның турында ишеткән генә булсагыз, Тара һәм аның дуслары белән мавыктыргыч маҗаралар дөньясына чуму сезгә барыбер ошаячак! Розыгрыш шартлары бик гади: 1. Безнең каналга языл (безнең ВКонтакте төркеменә) 2. Бу язмага репост яса һәм лайк куй 3. Комментарийларда үзенең яраткан персонажның исемен яз! 4. Нәтиҗәләрне көт!  3 җиңүче исемен 14 апрельдә билгеләячәкбез!

02.04.2025
«ТАТАР СҮЗЕ» бәйгесенең сайлап алу этабы тәмам
Канал яңалыклары

«ТАТАР СҮЗЕ» бәйгесенең сайлап алу этабы тәмам

«ТАТАР СҮЗЕ» бишенче Халыкара нәфис сүз телевизион бәйгесенең сайлап алу этабы тәмам. Жюри тарафыннан 4500 гариза арасында 38 җиңүче билгеләнде. Конкурс Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан - Яңа Гасыр» телерадиокомпаниясе тарафыннан оештырыла. Бәйгегә 2024 нче елның июнендә старт бирелгән иде. Гаризалар алты ай дәвамында кабул ителде. Быел 13 март көнне «ШАЯН ТВ» телеканалында бәйгенең жюри утырышы узды. Барлык эшләрне бәяләгәннән соң, дәрәҗәле жюри тарафыннан финалга үтүчеләр билгеләнде. Аларның һәркайсына акчалата премия тапшырылачак. Быел әлеге грандиоз бәйге тагын да күбрәк премиаль фонд белән аерылып тора. Ул 2 000 000 сумны тәшкил итә. Елдагыча «ТАТАР СҮЗЕ» берничә категория буенча үткәрелә: 7 яшькә кадәр булган катнашучылар, 8-13 яшькә кадәр, 14 яшьтән 17 яшькә кадәр, 18 һәм аннан өлкәнрәкләр өчен. Бәйгедә шулай ук профессионаллар, үз шигырен, әсәрен сөйләүчеләр дә катнашты. Чыгышлар проза, шигърият һәм махсус номинациядә бәяләнә. Быелгы бәйгенең шигаре «Татар сүзе - чиксез». Конкурста бөтен Россиядән 4500 артык кеше катнашып, татар әдәби әсәрләрен сәнгатьле сөйләүчеләр комиссия хөкеменә үзләренең эшләрен тәкъдим итте. Иң кечкенә катнашучыга 2 яшь, иң олысына 100 яшь. Бәйгенең географиясе дә киңәя: Казахстан, Үзбәкстан һәм Төркиядән катнашучыларның булуы – милләтәшләребезнең бәйгегә карата зур кызыксыну белдерүен тагын бер кат дәлилләде. Быел махсус «Туган тел» номинациясенә кызыксыну тагын да артты. Әлеге номинациядә чуваш, мари, мордва, удмурт халыклары вәкилләре катнаша. Катнашучылар үз туган телләрендә классик һәм хәзерге заман язучылары әсәрләрен һәм үзләре язган әсәрләрне башкара. Бәйгегә килгән эшләрне «ТНВ» һәм «ШАЯН ТВ» телеканалларында даими чыгып баручы махсус кыска программаларда күреп була (150 программа). Оештыру комитеты тарафыннан барлык катнашучыларга да 24 апрельгә кадәр электрон рәвештә Рәхмәт хатлары җибәреләчәк. Җиңүчеләр исемнәре быел 24 сентябрь көнне тантаналы рәвештә Гала-концертта билгеле булачак. Шулай ук «Татар сүзе» җиңүчеләре белән 5 телевизион программа, 38 видеоролик төшереләчәк. Бу проектлар «ТНВ», «ШАЯН ТВ»да һәм каналларның рәсми аккаунтларында чыгачак.  

01.04.2025
Көлү — иң яхшы дару
Кызыклы фактлар

Көлү — иң яхшы дару

1 апрель — шаяру һәм күңел ачу көне! Бу көн безгә көлә белүнең мөһимлеген искә төшерә. Чынлыкта көлү ул нәрсә һәм ни өчен ул безнең тормышта шулкадәр мөһим? Көлү – безнең тәннең ниндидер көлке яки кызык нәрсәгә табигый реакциясе. Без көлгәндә, миебез безгә үзебезне яхшырак хис итәргә ярдәм итә торган махсус матдәләр бүлеп чыгара. Көлү төрле булырга мөмкин: әкрен генә хихылдаудан алып кычкырып көлүгә кадәр. Ләкин без ничек көлсәк тә, бу һәрвакыт шатлык китерә! Көлү төрле әйберләр аркасында булырга мөмкин: 1. Юмор. Шаяртулар, комедияләр һәм кызык маҗаралар безне көләргә мәҗбүр итә. Без ниндидер кызык нәрсә ишеткәндә, безнең миебез моны көлүгә сигнал итеп кабул итә. 2. Социаль элемтәләр. Без еш кына дуслар яки гаилә компаниясендә көләбез. Көлү безгә үзебезне бер-беребезгә якынрак хис итәргә ярдәм итә һәм мөнәсәбәтләребезне ныгыта.  3. Стресска реакция: кайвакыт көлү безгә авыр хәлләрне җиңәргә ярдәм итә. Ул хәлне йомшартырга һәм безне тынычрак хис итәргә мөмкинлек бирә. Көлү кәефне күтәреп кенә калмый, сәламәтлек өчен дә  бик файдалы! Кәефне яхшырта: көлү бәхет гормоннары – эндорфиннар барлыкка китерергә ярдәм итә. Бу безгә үзебезне яхшырак хис итәргә ярдәм итә һәм стресс дәрәҗәсен киметә. Иммунитетны ныгыта. Тикшеренүләр күрсәткәнчә, көлү организмга авырулар белән көрәшергә ярдәм итеп, иммун системасының эшен яхшырта ала.  Авыртуны баса. Көлү шулай ук авырту тойгысын киметергә мөмкин. Ул табигый анальгетик буларак эш итә, безгә үзебезне уңайлырак хис итәргә ярдәм итә. Ничек күбрәк көләргә? 1. Комедияләрне карагыз: сезне күңелләндерә торган фильмнар яки шоулар табыгыз. 2. Кызык китаплар яки тарихлар укыгыз. Юмористик китаплар кәефне күтәрергә мөмкин. 3. Күңелле кешеләр белән вакыт үткәрегез. Шаяра һәм көлә белүчеләр белән аралашу сезгә дә күңеллерәк булырга ярдәм итәчәк. 4. Үз – үзегездән шаяртудан курыкмагыз: үз-үзегездән көлә белү — киеренкелекне киметү һәм тормышка юмор белән каравыгызны күрсәтү өчен менә дигән ысул. Көлү-ул безгә бәхетле һәм сәламәт булырга ярдәм итә торган көчле корал! Бу шаяру һәм күңел ачу көнендә, 1 апрельдә, әйдәгез көләргә һәм тирә-юньдәгеләр белән шатлык уртаклашырга кирәклеген онытмыйк. Онытмагыз: көлү— һәркем аңлый торган тел ул! Бәйрәм белән!

01.04.2025
«ШАЯН Галим» — яңа серия
Канал яңалыклары

«ШАЯН Галим» — яңа серия

Нейрочелтәр ярдәмендә ясалган беренче татар телендәге мультфильм — «ШАЯН Галим»нең яңа сериясе чыкты. Мультфильмның төп герое ШАЯН Галим бу юлы безне агулы гөмбәләр белән таныштыра. Тагын бик күп башка тапшырулар безнең ВКонтакте төркемендә.

31.03.2025
«Рамазан Фест» фестивале
Популяр яңалыклар

«Рамазан Фест» фестивале

Бүген изге бәйрәм уңаеннан, Казанда «Рамазан Фест» фестивале уза. Биредә «ШАЯН ТВ» каналы да катнаша. Каналның герое Мияу бәйрәмгә килгән кунакларны сәламли, алар белән фотога төша һәм яхшы кәеф бүләк итә! Бәйрәмдә Мәрьям Җаппарова «Илкәем» җырын башкара. Сез дә бәйрәмдә икән, Мияу белән бергә фото ясарга килегез!

30.03.2025
Яңа шоу «КРАШ ТЕСТ» — Тая Скоморохова!
Канал яңалыклары

Яңа шоу «КРАШ ТЕСТ» — Тая Скоморохова!

Дуслар! Мондый хәлнең булганы юк иде әле! Яңпа ШОУ — «КРАШ ТЕСТ»та популяр телевидение алып баручысы, актриса, җырчы, блогер-миллионник —  Тая Скоморохова! Йолдыз татар эстрадасы турында сорауларга җавап бирергә әзерме? Мәктәптә ул ни өчен буллингка тартылган? Тая блогерларның кайсысын сайлар: Милана Филимоновамы, әллә Вики Шоумы? Аның беренче концертында тамашачыларны нәрсә көтә?  Бу һәм башка сорауларга җавапларны сез шоуның яңа чыгарылышында белерсез!  Сылтама буенча күчегез һәм карарга ашыгыгыз!

28.03.2025
Prev. 1 ... 66 67 68 69 70 ... 411 Next
Главная Программа Видео Шортс Поиск