«Cәйлән» музыкаль фестивале гаризагызны көтә!

Дуслар, исегезгә төшерәбез, «Cәйлән» телевизион музыкаль фестиваленә гаризалар кабул итү дәвам итә! Без сездән эшләрегезне көтәбез! Бәйге буенча тулырак мәгълүмат сылтама буенча!  

Әкият илендә: «Ай белән кояш»!

Ай белән Кояш элек заманда гел бер җирдә генә тормакчы булганнар. Шуннан соң, бөтен кошларны җыеп, шул турыда җыелыш ясаганнар. Бөтен кошлар, боларның бер җирдә торуларына риза булып, шуңар кул куйганнар. Болар арасында бары бер генә кош кул куймыйча калган, ди. Ул булган Ярканат. Бүтән кошлар Ярканаттан сораганнар: — Бөтен кошлар кул куйганда, нилектән син генә кул куймадың? — дигәннәр. — Кулны мин, — дигән Ярканат, — шул сәбәпле куймадым, дигән: Кояш белән Ай бер җирдә генә торсалар, җил бер генә яктан исәр, агачлар кәкре булып үсәрләр, игеннәр дә Кояш төшкән җирдә генә үсәр, Кояш төшмәгән җирдә үсмәс, — дигән. Шуннан соң бүтән кошлар әйткәннәр: — Дөрес әйтә шул, Кояш төшмәгән җирдә иген үсми инде ул, — дигәннәр. Ай белән Кояшка икесенә дә, бер җирдә тормаска, әйләнеп йөрергә, дип карар чыгарганнар, ди. Шуннан соң Кояш әйткән Ярканатка: — Мин сине үземнең яктылыгымда йөртмәм, — дигән. Шунлыктан Ярканат көн яктысына чыгып йөри алмый икән. Аңа Ай сүз әйтмәгән, шуңа күрә ул Ай яктысында бик әйбәт йөри, ди. Ай белән Кояшның болай әйләнеп йөрүен бөтен кош-кортлар, бөтен халыклар бик дөрес дип кабул иткәннәр, ди. Шуннан соң игеннәр дә яхшы була башлаган, ди. Татар халык әкияте            

«Галәм рейнджеры Роджер» «ШАЯН ТВ» экраннарында!

«Галәм рейнджеры Роджер» кабат «ШАЯН ТВ» экраннарында! Планетаара маҗаралар яратучылар өчен мавыктыргыч мультсериал! Космик рейнджер Роджер - катлаулы хәлләргә эләккән дусларына һәрвакыт ярдәм итәргә әзер булучы кыю инопланетянин. Кечкенә инопланетянинны ерак һәм аңлаешсыз дөньяны - Җирне тикшерергә җибәрәләр. Үзенең «Дуслык» корабленнән Роджер көн саен безнең планетада барган хәлләрне күзәтә. Егет Җир өстеннән ярдәм кирәк булу сигналын алгач, проблеманы ачыкларга һәм бот-рейнджерлар отрядын җибәрергә тиеш. Роджер Җирдә тәрбияләнмәгәнгә күрә, ул вакыйгаларның үзенчәлекләрен һәрвакытта да аңлап бетерми, бу еш кына яңа күңелсезлекләргә китерә. Аның актив бот-рейнджерлары шулай ук еш кына өстәмә кыенлыклар тудыралар. Бәхеткә, барлык проблемалар да аның иҗади фикерләве һәм ярдәм итәргә омтылуы аркасында яхшы хәл ителә. Мультсериалны эш көннәрендә 09:10 һәм 17:10 сәгатьләрдә карагыз!

ДӘРЕСТӘ ЯРДӘМ!

Селәүсен - акыллы һәм үткен ерткыч. Әгәр кешеләр үзләре аңа куркыныч тудырмый икән, ул беркайчан да беренче булып аңа һөҗүм итми, ләкин аучыга каршы көрәштә селәүсен һәрвакыт җиңүче булып чыга. Акыл, тизлек, хәйләкәрлек һәм искитәрлек тиз реакция - менә шушы сүзләр белән аны тасвирлап була. * Селәүсен мәчеләрнең якын туганнары булып санала. * Аның зурлыгы якынча этнеке кебек. * Селәүсеннәрне мәчеләрдән колакларындагы пумалалары ярдәмендә аерырга була. * Әлеге җәнлекләрнең мехлары шулкадәр йомшак, куе ки, хәтта аны башка җәнлекләрнең йоннары белән конкурентлыгын бөтенләй уйлап торасы юк. * Йөргәндә яки йөгергәндә селәүсеннең арткы аяклары алгы аяк эзләре буенча чабалар. * Селәүсен - Җирдә яшәүче иң төньяк мәче, аларның кайберләре хәтта поляр якларда яшиләр. * Бу җан ияләре куе урманнарда тереклек итәләр. * Селәүсеннәр - бик шәп йөзәләр, алар шулай ук агачлар һәм кыялар буйлап җиңел үрмәлиләр. * Бер тәүлек эчендә селәүсен 30 километрга кадәр юл үтәргә сәләтле. * Аның сырлы тиресе җәнлеккә агачлар арасына кереп качарга һәм аңа һөҗүм итүчеләрдән яшеренергә булыша, чөнки хайванның мехы кояш нурларын хәтерләтә. * Селәүсеннәр корбаннарын аулаганда 4 метрга хәтле сикерергә мөмкин. Шул ук вакытта ул 80 метрга хәтле ераклыкта табышын эзәрлекләп бара ала, ә аннары арый һәм чигенә. * Селәүсеннәр төлкеләрне яратып бетермиләр, шуңа күрә аларга үз территорияләрендә ауга йөрергә ирек бирмиләр. * Селәүсеннәр кешеләрдән курыкмыйлар һәм аларга бик сирәк һөҗүм итәләр. * Кыргый табигатьтә әлеге җәнлекләр 15-20 яшькә кадәр яшиләр. * Селәүсеннәрнең ишетү сәләте бик яхшы, ул урманнан берничә чакрым ераклыктагы кешенең аяк тавышларын да ишетә ала.                                                        

Җиңү көне белән!

Кадерле дуслар! Сезне барыгызны да Бөек Җиңүнең 78 еллыгы белән ихластан тәбрик итәбез! Сафлары елдан-ел сирәгәя барган ветераннарыбызны тагын да кадерли, җиңү һәм тынычлык хакы турында кабат уйландыра торган көн бу. Хөрмәтле ветераннар! Йөрәкләребездә сезгә булган эчкерсез рәхмәт сүзләре беркайчан да бетмәячәк. Сезнең батырлыгыгыз алдында без һәрвакыт баш иябез. Сезгә иң мөһиме сәламәтлек, якыннарыгызның кадер-хөрмәтен тоеп, бәхеттә яшәвегезне телибез!

Бүген «ШАЯН ТВ» студиясендә телеканал хезмәткәрләрен бүләкләү тантанасы узды!

Бүген беренче татар балалар каналы «ШАЯН ТВ» студиясендә Муса Җәлил исемендәге Республика премиясенә лаек булу уңаеннан, канал хезмәткәрләрен бүләкләү тантанасы узды. Бүләкләү тантанасында ТР Дәүләт Советы Рәисе урынбасары, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Готыф улы Әхмәтов сәламләү сүзе белән чыгыш ясады, «ШАЯН ТВ» каналын дәрәҗәле премиягә ия булуы белән һәм 5 еллыгы белән котлады. Биредә М.Г. Әхмәтов «Балачак җыры» бәйгесе жюри әгъзаләренә, атаклы композитор, ТР Композиторлар берлеге рәисе урынбасары Резеда Зәки кызы Ахияровага, Нәҗип Җиһанов исемендәге Казан дәүләт консерваториясе профессоры Сәгыйть Мулланур улы Хәбибуллинга ТР Дәүләт Советы Рәисе Фәрит Хәйрулла улы Мөхәммәтшин исеменнән Рәхмәт хатлары тапшырды. Шулай ук «Яңа Гасыр» телерадиокомпаниясе» АҖ генераль директоры Илшат Юныс улы Әминевка «ТАТАР СҮЗЕ» өченче Халыкара нәфис сүз телевизион бәйгесен югары дәрәҗәдә оештыру өчен Рәхмәт хаты һәм күкрәк билгесе тапшырылды. Әле алай гына да түгел, Марат Готыф улы Әхмәтов «ШАЯН ТВ» каналы хезмәткәрләрен туган телебезне саклау һәм үстерүгә керткән хезмәтләре өчен Рәхмәт хатлары белән бүләкләде. Моннан тыш тантаналы чарада Илшат Юныс улы Әминев та чыгыш ясады. Ул нәтиҗәле хезмәт һәм югары һөнәри осталыклары өчен телеканал хезмәткәрләрен Рәхмәт хатлары белән бүләкләде һәм үзенең тәбрикләү сүзләрен җиткерде. Зур коллективның хезмәтен күрә белеп, югары бәяләүләре өчен зур рәхмәтебезне белдерәбез! Алга таба да бүгенгедәй бердәм булып, телебезнең бөтен матурлыгын халыкка җиткерү өчен бөтен көчебезне куярбыз һәм нәтиҗәле эшләвебезне дәвам итәрбез!

«Сәләт» тапшыруының яңа чыгарылышы!

Чәчәкле май нинди булыр?

Халык календаренда май яз белән җәйне кавыштыра торган ай буларак искә алына. Димәк, җәйгә дә күп калмый. Алдагы көннәр безне нинди һава торышы белән сөендерер, бергәләп сыныйк. * Май яңгырлы булса, июнь коры килә яки киресенчә. * Май суык булса – икмәк уңа. * Яңгырлар еш явып, томан еш төшсә – уңышлы елга. * Май яңгырлы булса, июнь коры килә яки киресенчә. * Майда боз яуса, җәен дә явачак. * Күке күкелдәмичә май җылытмый. * Май ае салкын булса – игенгә туклык. * Майның яңгырлы булуы иген-печәнгә файда, җимешкә – зыян. * Торналар бик еш күренсә – корылыкка. * Май аенда коңгызлар күп булса, шулай ук корылык көтелә. * Май аенда яңгырлар күп яуса, сентябрь коры килер. * Шомырт чәчәк атканда һәрвакыт салкыннар көтелә. * Яңгырлар еш явып, томан еш төшсә – уңышлы елга. * Тузганакның иртә язда чәчәк атуы – җәй кыска, ә соң чәчәк атуы – җәй коры булуга.