Яңалыклар

Тиздән иң яхшы нәфис сүз осталарының исемнәре билгеле булачак
Канал яңалыклары

Тиздән иң яхшы нәфис сүз осталарының исемнәре билгеле булачак

4 апрель көнне Казанның «Сәйдәш» мәдәният үзәгендә халкыбызның иң мөһим мәдәни ел вакыйгасы - «ТАТАР СҮЗЕ» дүртенче Халыкара нәфис сүз телевизион бәйгесенең Гала-концерты узачак! Без финалга таба якынлашабыз! Димәк, дәрәҗәле жюри үз эшенә йомгак ясаячак һәм бик тиздән иң яхшы нәфис сүз осталарының исемнәре билгеле булачак! Чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татарстан - Яңа Гасыр» телерадиокомпаниясе тарафыннан оештырыла һәм телевизион проект буларак тормышка ашырыла. Җиңүчеләр кемнәр булачак? Яңалыклар артыннан күзәтеп барыгыз!

03.04.2024
«ШАЯН ТВ»ның YouTube каналында премьера
Канал яңалыклары

«ШАЯН ТВ»ның YouTube каналында премьера

«ШАЯН ТВ»ның YouTube каналында премьера! Бүген 17:00 сәгатьтә тамашачыларга өр-яңа «Маршрутка» проекты тәкъдим ителәчәк! Программада танылган шәхесләр шәһәрнең үзләре яраткан урыннары буйлап сәяхәт итә һәм хатирәләрен яңарта. Сәяхәткә син дә кушыл, башкалабызның яраткан урыннарын барла! Беренче чыгарылышның кунагы - Татарстанның халык артисты, «Слово пацана» һәм «Реальные пацаны» сериалы йолдызы Илдус Габдрахманов. Артист Казанның яраткан урыннарын күрсәтте, «Слово пацана» сериалының уңышы һәм биюгә мәхәббәте хакында сөйләде. Ә видео ахырында язылучыларга бүләк яшерделәр! YouTube каналга рәхим итегез һәм рәхәтләнеп карагыз!

02.04.2024
Апрель җылы килсә, май салкын булыр
Кызыклы фактлар

Апрель җылы килсә, май салкын булыр

Апрель аена да аяк бастык! Көннән-көн кояш үзенең җылы нурлары белән күңелләрне иркәли. Урамда җылы, тып-тып тамчылар тама, кошлар чыркылдаша. Җиһанда яз тантана итә! Түземсезлек белән тизрәк карларның эреп бетүен, чәчәкле ямьле көннәрнең җитүен көтәбез. Алдагы көннәргә табигать сынамышлары ниләр вәгъдә итә?! Бергәләп күз салыйк һәм сынап карыйк! * Апрель яңгырлы булса, гөмбә уңар. * Ай башында яшен яшьнәсә, җәй җылы килер hәм чикләвек мул булыр. * Апрельдә көндез кызу, төнлә салкын булса, җылы җәй юрыйлар. * Ай ахырында төннәр йолдызлы булса, уңыш уңар. * Апрельдә каен суы күп акса, җәй яңгырлы килер. * Апрельдә карлыгачлар килмәсә, салкын язга. * Апрель артык җылы булса, май салкын, җилле булыр. * Апрельдә гөрләвек акмаса, майда үлән үсмәс. * Апрельдә кайда су булса, июньдә шул урында күлләвек җыелыр. * Салкын апрель ипи алып килә. * Апрель башында күк күкрәсә, җәй коры килә.

02.04.2024
Кошлар көне: кайсы кош кайчан кайта?
Кызыклы фактлар

Кошлар көне: кайсы кош кайчан кайта?

Яз җитүе, көннәр җылытуы турында хәбәр итүче иң матур күренешләрнең берсе – кошлар кайту. Аны безгә туган якларына ашкынып кайткан кара каргалар, сыерчык-тургайлар җиткерә. Күктә аларның тавышларын ишетүгә, күңелдә өмет уяна. 1 апрель – истәлекле бәйрәмнәргә бай көн. Бүген – бөтен дөньяда кошлар көне билгеләп үтелә. Канатлы дусларны каршы алу, ояларына кунып сайрауларын күзәтү – язның иң күңелле мизгелләренең берсе. Оста куллы, кошлар өчен борчылып торган дусларыбыз аларны каршы алырга әзер. Әле сыерчык ояларын тәртипкә салу, яңаларын ясау өчен бераз гына вакыт бар. Кошларның барысы да безнең өчен файдалы. Чөнки алар үсемлек корткычларын күпләп юк итәләр. Ә ерткыч кошлар кимерүчеләрне юк итү белән бергә, санитарлар ролен башкарып, табигатькә зур ярдәм күрсәтәләр. Хәзер җир йөзендә 100 млрд. чамасы кыргый кош hәм 50 млрд. йорт кошы исәпләнә. Кошлардан башка дөнья күңелсез булыр иде. Кошларны саклыйк, оялар ясыйк, җимлекләр элик!   Язын кошларның безнең якларга әйләнеп кайту календаре: * 18 марттан 20 мартка кадәр кара каргалар кайта; * 25 март - 6 апрель - сыерчыклар килә; * 1-10 апрельдә - тургайлар, аккошлар, кызылтүш һәм миләш чыпчыклары; 11-20 апрель – үрдәкләр, казлар, торналар һәм акчарлаклар кайта.  

01.04.2024
Көлү гомерне озайта
Кызыклы фактлар

Көлү гомерне озайта

Бар җиһанга кояш елмая! Елмаясы, көләсе килеп тора! 1 апрель - Халыкара Көлке көне икәнен барыгыз да беләдер?! Бу көнне без шаярабыз, көләбез, уйныйбыз! Көлү бик файдалы. Моны безнең медицина фәне дә раслый. Ул кешене бик күп газаплы авырулардан саклап кала. Кеше бер секунд кына елмаеп алса да, 1 килограмм ит ашаганга тиң энергия ала. Шуңа күрә көлик! Көлү кешенең гомерен озайта. Бер-береңә елмайсаң, дөнья яктырып, җылынып китә. Шаярыгыз, көлегез - файдасы күп белегез!   Төрле илләрдә бу бәйрәмне ничек билгеләп үтәләр? * Америкада балалар бу көнне өлкәннәрнең аркасына «тип миңа» дигән язу ябыштырырга ярата. Өлкәннәр дә моңа җавапсыз калмый. Күп кенә гаиләләрдә бу көнне шоколадлы тортлар пешә. Ә эчлек итеп мамык яки чүпрәк кулланалар. Бу сиңа камыр эчендә камыр булган пилмән генә түгел! * Англиядә шаяру төшкә кадәр генә дәвам итә. Тарихтагы иң кызыклы шаяртуны да бу илдә уйлап тапканнар. Бер гәҗиттә «арысланнарны юабыз!» дип игълан биргәннәр. Бу тамашаны карарга мәйданга бик күп кеше җыелган. Барысының да моны үз күзләре белән күрәсе килгән. Әмма хәбәрнең шаяру гына булганлыгына халык алдангач кына төшенгән. * Шотландиядә исә әти-әниләр балаларын күршеләренә кертеп җибәрәләр. Кулларына язу тоттыралар. Имеш, анда йомыш язылган. Ә кәгазьдә гадәттә мондый сүзләр була: «Көлмә, елмайма. Аны тагын башка йортка озатып җибәр!» Балалар үзләреннән көлгәннәрен аңлаганчы, күршедән-күршегә шулай озак йөри икән. * Финляндиядә олылар балаларга үти алмаслык төрле биремнәр кушып, алардан көләргә ярата. Мәсәлән, тозлы шоколад алып килергә кушалар. Анысын таба алмаса, черки мае да ярап тора.  

01.04.2024
Катнашырга ашыгыгыз
Канал яңалыклары

Катнашырга ашыгыгыз

«Балачак җыры» бәйгесенең бишенче сезонына гаризалар кабул итү дәвам итә! Өр-яңа шигырьләр һәм көйләр иҗат итегез һәм акчалата призга, җырыгызның профессиональ аранжировкасына һәм клибына ия булыгыз!  Эшләрегезне shayanmuzik@mail.ru адресына җибәрегез. Гаризалар 30 апрельгә кадәр кабул ителә. Тулырак мәгълүмат сылтама буенча.  

29.03.2024
«ШАЯН ТВ» өр-яңа «Маршрутка» проектын тәкъдим итә
Канал яңалыклары

«ШАЯН ТВ» өр-яңа «Маршрутка» проектын тәкъдим итә

«ШАЯН ТВ»да премьера! Телеканал өр-яңа «Маршрутка» проектын тәкъдим итә! Программада танылган шәхесләр шәһәрнең үзләре яраткан урыннары буйлап сәяхәт итә һәм хатирәләрен яңарта. Сәяхәткә син дә кушыл, башкалабызның яраткан урыннарын барла! Тапшыруны 29 март, шимбә көнне 17:00 сәгатьтә «ШАЯН ТВ» каналында карамый калма.  

29.03.2024
Кошлар кайта туган ягына
Кызыклы фактлар

Кошлар кайта туган ягына

Кошлар кайта, дуслар! Һава торышының язга борылуы нәтиҗәсе – быел кошлар да туган якларына иртәрәк кайттылар. Ә сез яз хәбәрчеләрен күрдегезме әле? Кара каргалар инде март башында ук күренделәр, акчарларлар, сыерчыклар да килделәр. Сыерчыклар белән бергә кышның соңгы бураннары да килә. Юкка гына бу көннәрдә буранлап тормый. Аның артыннан ялтырап кояш чыга. Безнең бурыч исә – сыерчыкларны оя ясап көтү. Алар агач куышлары, түбә асларына да оялый алалар. Әммә кошлар өчен иң уңайлысы – кеше ясаган оялар. Алар сезгә моның өчен рәхмәтле дә булачак әле. Бала үстергәндә, бер кош көненә 300-350 тапкыр бөҗәк алып кайта. Күзәткәнегез дә бардыр, сыерчык 2 минут саен оясына җим ташып тора. Шулай итеп, бакча һәм урманнарны корткычлардан, зарарлы бөҗәкләрдән чистарта. Әйдәгез, сыерчык оялары ясап, кошларны шатландырыйк! Аларның матур сайраулары белән хозурланыйк! Фото: Яндекс

28.03.2024
Prev. 1 ... 138 139 140 141 142 ... 425 Next
Главная Программа Видео Шортс Поиск