Яңалыклар

Туган көнең белән, «ТНВ»!

Туган көнең белән, «ТНВ»!

Бүген Татарстандагы иң зур массакүләм мәгълүмат чарасы – «Яңа гасыр» телерадиокомпаниясенең туган көне! 20 елдан артык «Яңа гасыр» телеканалы үзенең иң яхшы тапшырулары белән тамашачыларын сөендереп килә. «Болгар радиосы»нда иң матур җырлар яңгырый. «Яңа гасыр»ның зур канаты астында беренче балалар каналы - «ШАЯН ТВ» эшли. Медиахолдинг тамашачыларны, тыңлаучыларны дөньяның иң кайнар яңалыклары белән таныштыра, танылган шәхесләр турында сөйли, якты сюжетлар төшерә, ял иттерә. Шул рәвешле, үзенең тырыш хезмәте белән татар телен, мәдәниятен үстерү һәм саклауга зур өлеш кертә, чит төбәкләргә сибелеп яшәүче татарларыбызны берләштерә. «Яңа гасыр» телерадиокомпаниясе киләчәктә дә яраткан, тугры тамашачылары белән бергә булып, һәрвакыт алга барсын, бөек үрләр яуласын! Туган көнең котлы булсын, яраткан «ТНВ»! Бәйрәм белән, кадерле хезмәттәшләр!  

26.08.2023
Без сезне күңелле бәйрәмгә дәшәбез!

Без сезне күңелле бәйрәмгә дәшәбез!

Дуслар, без сезне кабат күңелле очрашуга дәшәбез! 30 август, 13:00 сәгатьтә Республика көне уңаеннан Казан Кремле янында зур бәйрәм булачак! * Кызыклы уеннар, шәп викториналар, «ШАЯН ТВ» каналы алып баручыларыннан мавыктыргыч остаханәләр, музыкаль интерактивлар, аквагрим, һәрбер килгән кунакка истәлекле бүләкләр – барысы да бер көндә! * Шулай ук бары тик сезнең өчен «Сәйлән» телевизион җыр фестивале җиңүчеләре чыгышы да көтелә. * Әле алай гына да түгел, «ШАЯН ТВ» каналының төп геройлары, яраткан курчакларыгыз белән очрашу, җанлы аралашу һәм фотога төшү көтелә! Мондый зур бәйрәмнән читтә калмагыз! Килегез, рәхәтләнеп күңел ачыгыз! БЕЗ СЕЗНЕ КӨТӘБЕЗ!

25.08.2023
«ТАТАР СҮЗЕ» бәйгесенә гаризалар кабул ителә!

«ТАТАР СҮЗЕ» бәйгесенә гаризалар кабул ителә!

Дуслар, исегезгә төшерәбез, «ТАТАР СҮЗЕ» дүртенче Халыкара нәфис сүз телевизион бәйгесенә гаризалар кабул ителә! Эшләрегезне җибәрегез! Премиаль фонд саллы - 1500 000 сум. Үзегезгә туры килгән номинацияне сайлагыз һәм чыгышыгызны видеога төшереп, анкета белән бергә tatarsuze2024@yandex.ru рәсми почтасына юллагыз. Шулай ук сылтама буенча онлайн акета тутыру мөмкинлеге дә каралган. Гаризалар 2023 елның 30 ноябренә кадәр кабул ителә. Тулырак мәгълүмат shayantv.ru һәм tnv.ru сайтларында.

25.08.2023
«ШАЯН ТВ» каналы Алабуга шәһәрендә!

«ШАЯН ТВ» каналы Алабуга шәһәрендә!

Бүген «ШАЯН ТВ» каналы 35 нче «Ләйсән» катнаш төрдәге балалар бакчасы белән берлектә Алабуга шәһәрендә август киңәшмәсендә катнашты. Чарага килгән кунаклар белән аралашты, канал белән якыннан таныштырды. Россия Федерациясе Федераль Собраниесе Дәүләт Думасы депутаты Татьяна Петровна Ларионова «ШАЯН ТВ»ның эшчәнлеген бик югары бәяләде. Алга таба сәфәр «Ләйсән» балалар бакчасында күңелле очрашу белән дәвам итте.  

24.08.2023
Җәнлекләр яратучыларны телевизор экраннары каршына дәшәбез!

Җәнлекләр яратучыларны телевизор экраннары каршына дәшәбез!

Җәнлекләр яратучыларны телевизор экраннары каршына дәшәбез! «Паола һәм аның кыргый дуслары» документаль фильмы бүгеннән кабат эфир киңлегенә чыга! Паола дөньяның төрле илләре фаунасы вәкилләре белән танышу һәм аларның тормышы турында сөйләү өчен сәяхәткә китә. Һәр чыгарылышның геройлары - Ауропада, Африкада, Австралиядә, Америкада яшәүче хайваннар һәм рептилияләр. Фильмның төп герое крокодиллар, филләр, жирафлар һәм антилопалар белән таныша. Ул тамашачыларга аларның яшәү рәвеше, балалар тәрбияләве, туклану рационы һәм төрле табигый зоналарда яшәүчеләрне һәрвакыт сагалап торучы куркынычлар турында сөйли. Фильмны эш көннәрендә 09:45 һәм 17:45 сәгатьләрдә «ШАЯН ТВ» каналында карагыз.      

23.08.2023
Россия Федерациясе Дәүләт флагы көне!

Россия Федерациясе Дәүләт флагы көне!

22 август илебездә Россия Дәүләт флагы көне буларак билгеләп үтелә. 1991 елның нәкъ менә бу көнендә Мәскәүнең Ак йортында беренче тапкыр өч төсле Россия флагы күтәрелә. Беренче тапкыр ак-зәңгәр-кызыл флаг Алексей Михайлович идарә иткән чорда 1668 елда Голландия инженеры Давид Бутлер төзегән «Орел» рус хәрби кораблендә күтәрелгән. Ул яңа флаг белән озак йөзмәгән, Идел буйлап Әстерханга кадәр барганда аңа ут төрткәннәр. Өч төсле флагны законлы уйлап табучы итеп, Петр I таныла. Ул 1705 елның 31 гыйнварында сәүдә судноларында ак-зәңгәр-кызыл флаг күтәрергә кирәклеге турында Указ чыгара. Ләкин аның төсләрне нәрсәдән чыгып сайлавы табышмак булып кала. Россия флагы төсләрен «Орел»ны төзегән голландияле тәкъдим иткән дигән сүзләр дә бар. Флагтагы һәр төс мәгънәгә ия. Ак төс – азатлык һәм мөстәкыйльлек, зәңгәр – ышаныч һәм рухият, ә кызыл төс исә – бөеклек һәм көч-куәт символы булып тора. Ул рәсми статуска 1896 елда гына ия була. Горур тибрәлгән ак, зәңгәр һәм кызыл төсләрдәге Россия Федерациясе Дәүләт флагы һәркемнең күңелендә Ватаныбыз өчен чиксез горурлык хисләре уятса иде!

22.08.2023
Prev. 1 ... 137 138 139 140 141 ... 387 Next
Главная Программа Видео Шортс Поиск