Яңалыклар

Иртәгә гаризалар кабул итү туктатыла!

Иртәгә «Cәйлән» телевизион музыкаль фестиваленә гаризалар кабул итү тәмамланачак. Нибары 1 көн калды! Җырыгызны яздырып, анкета тутырып, [email protected] адресына юлларга ашыгыгыз! Гаризалар 2023 елның 2 июленә кадәр кабул ителә. Тулырак мәгълүмат сылтама буенча.

01.07.2023

Июльгә кердек!

Июль - җәйнең икенче ае. Ул елның иң эссе аеннан санала. Июльне «җиләк ае» дип йөртәләр. Икенче исеме – «яшенле ай». Чөнки эссе көн тиз арада яшен белән аралашырга мөмкин. Без сезнең белән табигатькә бәйле халык сынамышларын барлауны дәвам итәбез. Әлеге фаразлар сезгә алга таба табигатьтәге үзгәрешләренең нинди булачагын күзалларга ярдәм итәр. * Июль эссе булса, декабрь суык килә. * Әгәр июль иртәсендә томан суга таралса, яхшы һава торышы көт. Салават күпере кызарып, төньяктан көньякка таба сузылса - хәвеф билгесе. * Әгәр иртән чык булмаса, кичкә яңгыр явачак. * Июль иртәсендә җылы яңгыр явып китсә, көндез һава торышы яхшы булыр. * Әгәр июльдә билчән күп икән - суык кыш көтегез. Кузгалак күп булса, кыш җылы килер. * Үрмәкүч оясыннан чыгып, яңа ятьмә үрә икән, яхшы һава торышына. * Карлыгачлар очканда, канатлары белән суга тиеп алсалар - яңгырга. * Каргалар күктә очып уйнасалар - хәвефкә ишарә.

01.07.2023

«ТНВ» каналы яңа сериал төшерә!

«ТНВ» каналы һәм «Ватан 21 гасыр» кинокомпаниясе үзенең тамашачылары өчен өр-яңа «Юллар чатында» дип исемләнгән сериал төшерә башлады. Бүген төшерү процессында Татарстан Республикасы Дәүләт Советы Рәисе урынбасары, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Готыф улы Әхмәтов булды. Шулай ук хөрмәтле кунаклар арасында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Ринат улы Зарипов, Татарстан Республикасы Дәүләт Советының Бюджет, салымнар һәм финанс комитеты рәисе урынбасары Камил Әсгать улы Ногаев та бар иде. Алар актерлар составы белән очраштылар, төшерү үзенчәлекләре белән таныштылар һәм фильм турында 2 минутлык тизер карадылар. Сериалның концепциясе «Татнефть» ягулык салу станциясен күптөрле язмышларның, кызыклы шәхесләрнең очрашу урынына, гел каядыр ашыгучы юлчыларның бераз тукталып фикер туплый торган тынычлык утравына әверелдерә. Бирегә һәркем үз уйлары, проблемалары, дөньяга үзенең карашы һәм үз макстаы белән килә. Очраклы кешеләрнең бер ноктада кисешүе шунысы белән кызыклы да инде. Кыска гына вакыт эчендә АЗСта тулы бер гомер үтә: кешеләр кавышалар да, аерылышалар да, табышалар да, югалалар да. Бу вакыйгалар әлбәттә АЗС хезмәктәрләре каршында барган сәхнә кебек. Алар да үзләреннән ниндидер өлеш кертергә, бер дә таныш булмаган кешеләргә дә ярдәм итәргә торалар. Чөнки үзләренең дә гаиләләре бар һәм алар да шундый ук хисләргә бирелүчән гади адәм балалары. 20 серияле иҗат җимеше Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Татнефть» хәйрия фонды ярдәме белән гамәлгә ашырыла. Сериалның премьерасын тамашачылар «ТНВ-Татарстан» һәм «ТНВ-Планета» каналларында көзен карый алачак.

30.06.2023

«Төймә»дә танылган җырчылар!

«Төймә» тапшыруында танылган җырчылар – Әмир Әхмәдишин һәм Алсу Әбелханова! Һәр пәнҗешәмбе 07:35 һәм 18:30 сәгатьтә «ШАЯН ТВ» каналында! Шулай ук үзегезгә уңайлы вакытта безнең YouTube каналда!

29.06.2023

«Cәйлән» фестиваленә гаризалар кабул итү тәмамланырга берничә көн калды!

Дуслар, «Cәйлән» телевизион музыкаль фестиваленә гаризалар кабул итү тәмамланырга нибары берничә көн калды! 2 июльгә кадәр өлгерегез! Без сездән эшләрегезне көтәбез! Бәйге буенча тулырак мәгълүмат сылтама буенча!

29.06.2023

Кайсы экзотик җимеш нәрсәдән файдалы?

* Киви - грипп эпидемиясе вакытында алыштыргысыз. Шулкадәр аскорбин кислотасы бер җиләк-җимештә дә юк. Стресслардан котылу өчен дә җимешнең файдасы бар. * Ананас - иң билгеле тропик җиләк-җимешләрнең берсе. Аның бавыр, ашказаны-эчәк тракты, йөрәк, чирләре, азканлылыктан, нерв тайпылышлары булганда файдасы зур. * Кокос - бавырны чистарта, бетчәләрне бетерә, матдәләр алмашын яхшырта, тамакны туйдыра. Кокос согы исә сусауны баса. * Папайяны икенче төрле “кавын агачы” дип йөртәләр. Аның ябыктыру үзлеге бар. Шикәр диабеты белән чирләүчеләрдә ул инсулинга бәйлелекне киметә. * Личи - үзенчәлекле җиләк-җимеш. Аның тәме аксыл әчкелтем-баллы. Ул кешегә энергия бирә. * Лайм - холестерин дәрәҗәсен төшерә. Аны салатларга, ит, балык ризыкларына кушалар. * Питахайя яки “дракон җимеше” - йөрәк һәм ашкайнату әгъзалары эшчәнлеген яхшырта. * Маракуйя - шлакларны чыгара, кан басымын күтәрә, бавыр һәм бөер чирләреннән интегүчеләргә файдалы. * Манго - тиренең торышын яхшырта, җыерчыкларның чыгуын кисәтә. Тирене яшь килеш саклыйсыгыз килсә, көненә бер манго ашагыз.

29.06.2023

Хайваннарны яратучылар өчен фильм!

Булачак ветеринарлар һәм хайваннарны яратучылар өчен искиткеч документаль фильм - «Анимо төркеме» бүгеннән эфирда! Табиб Себастьян Кфури һәм аның алыштыргысыз ярдәмчеләре мавыктыргыч формада яшь тамашачыларга барлык мәче һәм этләр, шулай ук рептилияләр, кошлар һәм хәтта диңгез хайваннарының серләре, тән төзелеше һәм функцияләренең үзенчәлекләре турында сөйләячәкләр, күп кенә сорауларга җавап бирәчәкләр һәм беренче ветеринария ярдәме күрсәтәчәкләр. Дүшәмбедән алып, җомгага кадәр 09:10 һәм 17:10 сәгатьләрдә «ШАЯН ТВ» каналында карамый калмагыз!

27.06.2023