Яңалыклар

«Балачак җыры»: КАТНАШЫРГА АШЫК
Канал яңалыклары

«Балачак җыры»: КАТНАШЫРГА АШЫК

Җырыгызны хит итәсегез киләме? Ашыгыгыз! «Балачак җыры» бәйгесенең бишенче юбилей сезонына гаризалар кабул итү тәмамлануга нибары 5 көн калды! Без сездән өр-яңа шигырьләр, оригиналь көйләр көтәбез! Җиңүчеләрне шәп бүләкләр көтә: акчалата приз, җырның профессиональ аранжировкасы һәм клибы! Эшләрегезне shayanmuzik@mail.ru адресына юллагыз. Гаризалар 30 апрельгә кадәр кабул ителә! Тулырак мәгълүмат сылтама буенча.

25.04.2024
«ШАЯН ТВ»да яңа мультсериал
Канал яңалыклары

«ШАЯН ТВ»да яңа мультсериал

«ШАЯН ТВ»да язгы премьера! «Титипо - шаян паровоз» мультсериалы нәни тамашачыларны кечкенә поезд белән бергә маҗараларга дәшә! Титипо - Поездлар үзәгеннән булган яңа паровоз. Ул әле яңа гына машина йөртү буенча имтихан тапшырган һәм, ниһаять, эшкә керешергә әзерләнә. Ул иң яхшы поезд булырга хыяллана! Дөньяда иң яхшы тимер юл составы булу өчен, Титипога үзенә еш кына проблемалар тудыра торган кирәгеннән артык кызыксынучанлыгын басарга туры киләчәк. Кечкенә поезд тарихының ничек тәмамлануын белү өчен «Титипо - шаян паровоз» мультсериалын карарга чакырабыз. Эш көннәрендә 07:55 һәм 15:55 сәгатьләрдә телевизор экраннары каршына җыелыгыз.

25.04.2024
Тамашачыларга бер көндә ике концерт тәкъдим ителде
Канал яңалыклары

Тамашачыларга бер көндә ике концерт тәкъдим ителде

Бүген «ШАЯН ТВ» каналының «Балачак җыры» концерты Казанның 33 гимназиясендә узды! Тамашачыларга бер көндә ике концерт тәкъдим ителде! Искәртеп узабыз, чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелде. Концертта катнашучы «Сәйлән» телевизион фестивале җиңүчеләре үзләренең искиткеч чыгышлары белән нәни тамашачыларыбызны сөендерделәр. Алар «Балачак җыры» бәйгесе хитларын башкардылар. Шулай ук килгән кунаклар һәм башкалабызның мәктәп-гимназия укучылары өчен «ШАЯН ТВ» беренче балалар каналының төп персонажлары – Шаян һәм Мияу белән фотога төшү дә оештырылды. Алар, гадәттәгечә, нәниләргә күтәренке рух бүләк иттеләр! Концерт җыр-биюләр, җанлы аралашу, шаяру-көлүләр белән үрелеп барды. Тамашачылар талантлы балаларның күңелле музыкаль чыгышларыннан яхшы кәеф алдылар!

24.04.2024
Премьера: «ШАЯН Галим»нең яңа сериясе дөнья күрде
Канал яңалыклары

Премьера: «ШАЯН Галим»нең яңа сериясе дөнья күрде

Татар телендә нейрочелтәр ярдәмендә ясалган беренче мультфильм - «ШАЯН Галим»нең яңа сериясе дөнья күрде. Кар бөртекләре нинди була? Ник алар бер-берсенә охшамаганнар? Төп герой - ШАЯН Галим нәни тамашачыларны искиткеч кызыклы һәм мавыктыргыч рәвештә гаҗәеп дөнья белән таныштыра. Мультфильмны «ШАЯН ТВ»ның YouTube каналында карарга мөмкин.

24.04.2024
Игътибар, «ШАЯН ТВ»ның Telegram каналында бәйге
Канал яңалыклары

Игътибар, «ШАЯН ТВ»ның Telegram каналында бәйге

26 апрель - бөек шагыйребез Габдулла Тукайның тууына 138 ел. Шул уңайдан «ШАЯН ТВ»ның Telegram каналында бәйге бара! Кагыйдәләр бик гади. Габдулла Тукайның иҗатына багышланган рәсем ясарга гына кирәк. Тулырак бәйгенең кагыйдәләре белән сылтама буенча танышырга мөмкин. Катнашырга ашыгыгыз! Җиңүчене «ШАЯН ТВ» каналыннан истәлекле бүләкләр көтә!

23.04.2024
Татарстанда һава шартлары начарлана
Популяр яңалыклар

Татарстанда һава шартлары начарлана

Апрель ае аномаль эссе һава торышы белән гаҗәпләндерүен дәвам итә. Бүген Татарстанда 28 градус эссе булачак, яшенле яңгыр һәм боз явуы ихтимал, дип фаразлый синоптиклар. Көчле җил көтелә, урыны белән аның тизлеге секундына 23 метрга кадәр җитәчәк. Синоптиклар билгеләвенчә, бу көннәрдә уртача тәүлеклек температура нормадан +9, +15 градуска югары тора. Мондый һава торышы атна уртасына кадәр сакланачак.   Җил көчәйгәндә: * Артык ихтыяҗ булмаса, биналардан чыкмаска, эчтә калырга киңәш итәбез. * Әгәр дә көчле җил вакытында урамда калсагыз, җир асты кичүләрендә яки бина подъездларында яшеренергә була. Көчле җилдән йорт диварлары кырыенда яшеренергә кирәкми – түбәләрдән шифер һәм башка түбә материаллары төшәргә мөмкин. * Урамда реклама щитларыннан, элмә такталардан, юл билгеләреннән, электр линияләреннән ерак торырга кирәк. * Көчле җил булганда, электр линиясе астында торырга һәм өзелгән электр чыбыкларына якынлашырга ярамый.

23.04.2024
«Җавап тап»ның яңа чыгарылышында тылсымлы сүзләр өйрәнәбез
Канал яңалыклары

«Җавап тап»ның яңа чыгарылышында тылсымлы сүзләр өйрәнәбез

«ШАЯН ТВ»ның YouTube каналында «Җавап тап» танып белү программасының яңа чыгарылышын карагыз! Тылсымлы сүзләр белән дөнья тагын да ямьлерәк! Рәхмәт, гафу ит һәм башка «тәмле» сүзләргә «Җавап тап» җыры белән бергә өйрәнәбез! Сылтама буенча узыгыз һәм рәхәтләнеп карагыз!  

23.04.2024
Prev. 1 ... 134 135 136 137 138 ... 425 Next
Главная Программа Видео Шортс Поиск