Яңалыклар

Ни өчен кышкы саф һавада йөрү бик файдалы?

Ни өчен кышкы саф һавада йөрү бик файдалы?

Саф һавада йөрү - сәламәтлекне ныгыту өчен иң мөһим чараларның берсе. Ул организмны чыныктыра, бигрәк тә салкын вакытларда авыруларга чыдамлыкны арттырырга ярдәм итә. Ә кышын урамда йөрү - табигать матурлыгын күзәтү өчен генә түгел, ачык һавада күңел ачу өчен дә менә дигән вакыт! 1. Кышын саф һавада йөрү җәйгә караганда сәламәтлеккә уңай йогынты ясый. Аның сере һава температурасының салкын булуында. Җылы һәм эссе көннәргә караганда, салкында кислород күләме югарырак. 2. Салкын көннәрдә һава тузаннан һәм зарарлы матдәләрдән чистара. 3. Саф һавада йөрү организмның гомуми тонусын күтәрә, йөрәк һәм үпкә эшчәнлеген арттыра, матдәләр алмашуын яхшырта, кан басымын нормага китерә, иммунитетны арттыра. 4. Баш мие эшчәнлеге яхшыра, яхшы фикерләр туа. 5. Табигатькә соклану начар уйларны оныттыра, нерв системасын тынычландыра, кәефне күтәрә. 6. Парк яки урманда йөргән вакытта, һава күзәнәкләрне кислород белән баета, организмның тулаем эшчәнлеген яхшырта. 7. Күтәренке кәеф яхшы йокыга сәбәп була һәм бөтен организм ял итә. 8. Җәяү даими йөргән кешеләрнең йөрәкләре яхшы эшли. 9. Ак төс – яхшы психолог та.  Ул агрессияне киметергә сәләтле. Салкында бәхет гормоннары бүленеп чыга. Сәламәтлегегез нык булсын дисәгез, саф һавада күбрәк йөрегез!      

08.02.2024
Кышкы спорт уеннары уйнар вакыт

Кышкы спорт уеннары уйнар вакыт

7 нче февраль - Бөтенроссия кышкы спорт уеннары көне буларак билгеләнә. Бу бәйрәм беренче мәртәбә 2015 нче елның февраль башында Сочи шәһәрендә узган XXII кышкы Олимпия уеннарына багышланып барлыкка килгән. Кышкы уеннарны кемнәр генә яратмый икән?! Чаңгы, чана, сноуборд, тимераякта шуу дисеңме, хоккей уйнау – боларның барысын да кыш үтеп киткәнче эшләп калырга тырышабыз. Язга да озак калмады. Әле кышкы матур көннәрдән файдаланып калырга өлгерәсез, дуслар! Өйдә ятмагыз, урамга чыгыгыз, урманга барыгыз! Салкын кышның рәхәтен тоеп, кышкы уеннарны уйнап калырга ашыгыгыз!

07.02.2024
«ШАЯН ТВ»да кунаклар

«ШАЯН ТВ»да кунаклар

Бүген «ШАЯН ТВ» каналында «Алдынгылыр хәрәкәте» балалары өчен экскурся узды. «ШАЯН ТВ», гадәттәгечә, кунакларны бик сөенеп кабул итте. Яшь тамашачылар зур студия буйлап сәяхәт иттеләр, кадр арты тормышы белән якыннан таныштылар, шулай ук иң шәп тапшыруларның алып баручылары белән әңгәмә корырга да өлгерделәр. Моннан тыш, күңелле викториналар уздырылды, укучылар яраткан каналларыннан истәлекле бүләкләргә ия булдылар. Очрашу тамашачыларыбызның да күңеленә хуш килгәндер дип ышанабыз.

07.02.2024
Февраль аенда татарстанлыларны нинди һава торышы көтә?

Февраль аенда татарстанлыларны нинди һава торышы көтә?

Синоптиклар фаразлавынча, февральдә һава торышы гыйнварныкына охшаш булачак. Татарстанлыларны температура һәм атмосфера басымының кискен үзгәрешләре көтә. Февральнең беренче декадасы җылы булачак. Кискен җебетүләрдән салкынга сикерү ихтималлыгы шактый зур. Ай дәвамында 36 миллиметр кар явуы көтелә. Быел кыш югары нервлылык, күз алдына да китерә алмаслык хәрәкәтләр һәм басым, температура һәм башка барлык метеопараметрлар белән аерылып тора. Болар барысы да көчле кар явулар, күп яңгырлар белән бергә бара. Ләкин, синоптиклар сүзләренчә, февраль өчен температураның әле бер якка, әле икенче якка шактый тайпылышлары хас.

06.02.2024
«ШАЯН ТВ»дан кышкы киңәшләр

«ШАЯН ТВ»дан кышкы киңәшләр

* Кышын кешегә С витамины кирәк, ул чи яшелчә һәм җиләк-җимештә, яшел тәмләткечләрдә күп. Пешергәндә аның файдасы кими. * Табиблар раславынча, яшел төс күзгә файдалы, ул нерв системасын тынычландыра. Күзгә көчәнеш килгәндә, яшеллекккә карап торырга кирәк, яшел төс күрү анализаторларын тынычландыра, ял иттерә. * Йорт хайваннары хәтерне яхшырта. Галимнәр йорт хайваны асрарга киңәш итә. * Кышын тозлы кәбестә ашагыз, ул иммунитетны ныгыта. * Австралия галимнәре әйтүенчә, депрессиягә каршы көрәштә спорт дарулардан да нәтиҗәлерәк. * Сарымсак, имбир вируслы сулыш юллары чирләреннән саклый. Табиблар раславынча, алар чирне дәваламый, әмма профилактика максатында файдасы бар. * Тиз ашау симерүгә сәбәпче була ала. Баш миенә тамак тую турында сигнал соң барып җитә. * Бөтнек инфекцияле авырулардан саклый. Еш салкын тидерсәгез, сезонлы авыруларга бирешсәгез, бөтнекле чәй эчәргә кирәк. * Ирландия галимнәре кефирның тынычландыру үзлеген исбатлаган. Андагы триптофан аминокислотасы серотонин (бәхет гормоны) ясый. * Мандарин картаю процессын акрынайта. Анда тирене җыерчыклардан сакларга булыша торган антиоксидантлар бар. * Гранатның согына караганда җимеше файдалырак.      

06.02.2024
Казанның 12 мәктәп укучылары өчен экскурсия узды

Казанның 12 мәктәп укучылары өчен экскурсия узды

Бүген «ШАЯН ТВ» каналында Казанның 12 мәктәп укучылары өчен экскурсия узды. Тапшыруларның ничек әзерләнүе, ни рәвешле төшерелүе, ут куелышы, танылган алып баручылар белән аралашу – барысы да тамашачыларыбызның күңеленә хуш килде! Балаларга үзләрен кызыксындырган сорауларга җаваплар табу, мультсериалларның тавышландыру серләренә төшенү, яраткан каналларыннан истәлекле бүләкләр алу бигрәк тә хуш килде. Очрашу бик җанлы үтте! Тамашачыларга да ошагандыр дип ышанабыз!

02.02.2024
Prev. 1 ... 134 135 136 137 138 ... 411 Next
Главная Программа Видео Шортс Поиск