Яңалыклар

«Шәҗәрә бәйрәме»!

«Шәҗәрә бәйрәме»!

Бүген Иске Татар бистәсендә «Мәрҗани» мәчете янында «Шәҗәрә бәйрәме – Праздник родословной» фестивале узды. Чараның максаты гаилә һәм нәселнең ролен, аларның әһәмиятен һәм уникальлеген аңларга ярдәм итә торган гаилә традицияләрен торгызу һәм саклап калудан гыйбарәт. Бәйрәмдә татар династияләре һәм гаилә традицияләре белән таныштылар. Кунаклар өчен бушлай мастер-класслар, төрле күңел ачу интерактивлары оештырылды. Программада алар өчен Татарстан Республикасының атказанган артистлары һәм яшь башкаручылар чыгыш ясады.  Бу чарада «ШАЯН ТВ» каналы да үз тамашачыларын сөендерде. Төп персонажларыбыз Шаян белән Мияу балаларны каршы алдылар, уйнадылар, шаярдылар-көлделәр, фотога төштеләр. Чын бәйрәм атмосферасы ясадылар!

08.07.2023
Ял көннәренә «ШАЯН ТВ» каналы шәп премьера әзерләде!

Ял көннәренә «ШАЯН ТВ» каналы шәп премьера әзерләде!

Ял көннәрен «ШАЯН ТВ» каналы белән бергә үткәрегез! Чөнки без сезгә шәп премьера әзерләдек! Зебра Кумбаның тумыштан бирле бәхете булмый: ул кыска буйлы, өстәвенә, яртылаш ак тәне аркасында көтүдән дә көлкегә кала. Корылык башлангач исә Кумбаның кардәшләре нәкъ менә аны бөтен бәла-казаларның сәбәбе булуында гаепләп, зебраны көтүдән үк куып чыгаралар. Бәхетсез һәм ташлап калдырылган Кумба үз-үзенә генә таянып булуын аңлый, шуңа күрә борчылырга вакыт та калмый. Ул яңа тугры дуслар табу, җитмәгән полосаларны эзләү, үзенең көтүен корылыктан коткару һәм гаиләнең хөрмәтенә лаек булу өчен акылга сыймаслык маҗараларга юл ала. «Кумба» мультсериалын шимбә һәм якшәмбе көннәрендә 14:00 һәм 22:00 сәгатьләрдә «ШАЯН ТВ» каналында карамый калмагыз!

07.07.2023
«Монсиклар» сезне үз дөньясына чакыра!

«Монсиклар» сезне үз дөньясына чакыра!

Бүген «ШАЯН ТВ» каналында чираттагы җәйге шәп премьера! «Монсиклар» сезне үз дөньясына чакыра! Бу Монсилэнд фантастик планетасы һәм аның халкы - монсиклар Рея, Лола, Саня, Блюм, шулай ук аларның йорт хайваннары - Муля һәм Пиля турында мавыктыргыч мультсериал. Алар барысы бергә Тынычлык утравында яшиләр. Ләкин кайчакта монсиклар, кешеләр кебек үк, үз хис-кичерешләрен җиңә алмыйлар, һәм төрле кәефләр хөкемсерә торган утрауларга күчәләр: Әшәкелек вулканы, Көнчелек сазлыгы, Сораулы лабиринт, Сөю диңгезе һ.б. Анда монсикларга үз хисләрен аңларга, аларны кабул итәргә туры киләчәк, чөнки бу проблемаларны хәл итүнең һәм өйгә кайтуның бердәнбер ысулы! Геройлар белән бергә гаҗәеп маҗаралар дөньясына чумыгыз! «Монсиклар» мультсериалын эш көннәрендә 07:55 һәм 15:55 сәгатьләрдә «ШАЯН ТВ» каналында карагыз!

06.07.2023
Такыялар үрер чак!

Такыялар үрер чак!

6 июльдә Такыя үрү көне билгеләп үтелә. Бу бәйрәм - табигатькә чыгу, үлән өстеннән яланаяк йөрү һәм чәчәкләрдән такыялар үрү өчен менә дигән мөмкинлек. Такыя үрү – начар уйлардан арындыра һәм күңелне тынычландыра икән. Такыя - гади аксессуар гына түгел. Ул лек-электән бик үзенчәлекле саклык чарасы булып саналган. Такыяны эчтән тышка таба үреп, әби-бабаларыбыз, үзләрен һәм янәшәдәгеләрне явыз көчләрдән саклаган. Аны өй түренә элеп куйсаң, өйгә тынычлык һәм муллык китерәчәгенә ышанганнар. Сабый баланы күздән саклау өчен дә такыядән файдаланганнар. Моның өчен, аны кечкенә итеп үреп, сабый мендәре астына салганнар.

06.07.2023
«Балачак җыры» бәйгесенең тавыш бирү этабы старт ала!

«Балачак җыры» бәйгесенең тавыш бирү этабы старт ала!

Дуслар, көттегезме? «ШАЯН ТВ» каналы «Балачак җыры» дип исемләнгән балалар җыры бәйгесе игълан иткән иде. Ниһаять, бәйгенең тавыш бирү этабы старт ала! 5 июльдән – 10 июльгә кадәр, интернет аша shayantv.ru сайтында тавыш бирергә мөмкин. Иң күп тавыш җыйган катнашучылар өченче турга үтәчәк! Моны бары сез хәл итәсез! Сылтама буенча узыгыз һәм үз тавышыгызны калдырыгыз!  

05.07.2023
Премьера: «Аһ, куян, эләксәңме?! Каникуллар»!

Премьера: «Аһ, куян, эләксәңме?! Каникуллар»!

Ярты гасыр элек Куян һәм Бүре барлык тамашачыларның иң яраткан геройлары булган! Легендалар әйләнеп кайта! «Аһ, куян, эләксәңме?! Каникуллар» мультсериалының премьерасы бүгеннән «ШАЯН ТВ» каналында! Ел әйләнәсе барлык уңайлыклары булган курортка рәхим итегез, анда һәркем күңеленә хуш килерлек шөгыль табачак. Актив ял итәргә яратучы Куянга каникуллар белән ләззәтләнергә Бүре тынгылык бирми, чөнки ул гел Куян тирәсендә бөтерелә. Агрессив карашлы Бүре белән тынычлык сөюче Куян арасында төрле аңлашылмаучанлыклар барлыкка килә: соклангыч Косули Улиның игътибары өчен көрәштән алып, велоузышларда төп приз өчен көндәшлеккә кадәр! Төрле трюклар һәм шаян маҗаралар балаларны да, өлкәннәрне дә битараф калдырмаячак! Мультсериалны эш көннәрендә 11:30 һәм 19:30 сәгатьләрдә «ШАЯН ТВ» каналында карагыз!  

04.07.2023
Prev. 1 ... 132 133 134 135 136 ... 375 Next
Главная Программа Видео Шортс Поиск