Яңалыклар

Итек иркен булганда гына аякны җылыта

Итек иркен булганда гына аякны җылыта

Быел кыш шактый кырыс. Соңгы елларда күрсәтмәгән зәмһәрир салкыннары белән шаккаттыра. Киез итек кигән кешеләргә кызыгып карыйсызмы? Әйе, җылы кыш өчен булган сапоги гына түгел инде ул итек... Әле итек алып кияргә соң түгел, чөнки салкыннарның очы-кырые күренми. Итек киючеләргә бездән берничә киңәш! * Итек – иркен булганда гына аякны җылыта. Шуның өчен аны 1-2 размерга зурракны алыгыз.  * Итекнең «уңы», «сулы» юк икәнен белә идегезме? Киез – бик җайлы материал ул: аз гына киеп йөрүгә, аягыгыз формасына керәчәк. * Урамнан кергәндә үк итеккә ябышкан карларны кагып керегез. Югыйсә, өйдә кар эреп, итегегез юешләнәчәк.  * Итекне батарея өстенә куеп киптерергә ярамый, чөнки ул формасын югалтачак, катыланачак. Итекне бүлмә температурасында киптерү яхшы. * Итек тизрәк кипсен дисәгез, эченә иске газеталар тутырыгыз – газета дымны үзенә тартып алачак. * Итек пычранган икән, аны ул тәмам кибеп беткәч кенә чистартыгыз. * Итекне иң җиңел чистарту ысулы - карда йөрү. * Ак төстәге итекләрдәге тапларны он белән дә чистартырга мөмкин.  * Киез итекләрне беркайчан да юмыйлар, болай эшләсәң, алар кечерәя. * Киез итекне көя ярата. Шуңа күрә җәен итекләр эченә күбәләккә каршы җайланмалар куярга онытмагыз.  

16.02.2024
Петя белән Бүре нәни дусларын әкият дөньясына чакыра

Петя белән Бүре нәни дусларын әкият дөньясына чакыра

«Петя белән Бүре маҗаралары» мультсериалы янәдән эфирга чыга! Мәктәп укучысы Петя һәм аның дусты Бүре тамашачыларны әкият дөньясына чакыра! Малай тылсымлы геройларга гадәти булмаган мәшәкатьләрен хәл итәргә ярдәм итә. Болар һәм тагын бик күп маҗараларны «Петя белән Бүре маҗаралары» мультсериалында карагыз! Дүшәмбедән алып, җомгага кадәр 12:45 һәм 20:45 сәгатьләрдә «ШАЯН ТВ» каналында!

16.02.2024
Каһарман шагыйрь Муса Җәлилнең тууына 118 ел

Каһарман шагыйрь Муса Җәлилнең тууына 118 ел

Бүген халкыбызның горурлыгы - каһарман шагыйрь Муса Җәлилнең тууына 118 ел! Ватаныбызның батыр һәм тугры солдатының исеме безнең илдә генә түгел, бар дөньяда билгеле. Фашист коллыгына эләккәч тә рух ныклыгын саклап кала алган, дошманга каршы көрәшен дәвам иткән Җәлилнең якты исеме халык хәтерендә яши. Муса Җәлил - чын мәгънәсендә, каһарманлык билгесе, Ватанга чиксез тугрылык һәм мәхәббәт символы! «ШАЯН ТВ» каналында да Муса Җәлилнең шигырьләре буенча эшләнгән проектлар бик күп. Танылган шагыйрьнең шигыре буенча төшерелгән «Яраткан шигырь» проектының махсус чыгарылышын карарга тәкъдим итәбез.

15.02.2024
«ШАЯН ТВ» каналы Муса Җәлилнең музей-фатирында кунакта

«ШАЯН ТВ» каналы Муса Җәлилнең музей-фатирында кунакта

Бүген «ШАЯН ТВ» каналы да бөек шагыйребез Муса Җәлилнең туган көне уңаеннан үткәрелгән чаралардан читтә калмады. М. Җәлил исемендәге Республика премиясе лауреаты буларак, шагыйрьнең музей-фатирында кунакта булды һәм укучылар белән очрашты. Каналның алып баручылары кунакларны «ШАЯН ТВ»ның эшчәнлеге белән таныштырдылар, бергәләп әдипнең ялкынлы шигырьләрен сөйләделәр.

15.02.2024
«ШАЯН ТВ» каналы яңа мультсериал тәкъдим итә

«ШАЯН ТВ» каналы яңа мультсериал тәкъдим итә

Күптән көтелгән премьера! «ШАЯН ТВ» каналы ШАЯН тамашачыларына «Супер Дино» мультсериалын тәкъдим итә! Джой - Кун-Кун утравында яши. Героиняның дуслары – гадәти булмаган чын динозаврлар! Кызның иң якын дусты - Дино. Әлеге зәңгәр динозавр, чын лидер буларак, һәрвакыт дусларына ярдәмгә килергә әзер, ул хәтта бик аяныч хәлләрдән дә курыкмый. Динозавр Сера исә яхшы йөрәкле, медицинаны аңлый һәм теләсә нинди авыру яки җәрәхәтне дә җиңә ала. Яшел стегозавр Бен – бар яктан да оста һәм теләсә нинди ватылуларны да җиңә ала. Брахиозавр Гарри - тыныч һәм акыллы, ләкин бераз килбәтсез динозавр. Бала динозавр Винди исә оча белә, ул бик күзәтүчән һәм кызыксынучан. Әлеге геройлар барысы бергә Рексның көчле командасын тәшкил итәләр. Дуслар бергә мавыктыргыч маҗараларга юлыгалар, шулай ук борынгы хайваннарны кулга төшерергә теләгән явыз Макска каршы торалар. Мультсериалны эш көннәрендә 07:55 һәм 15:55 сәгатьләрдә «ШАЯН ТВ» каналында карагыз.

14.02.2024
«Койрыклы җырчылар» яңа тавышлар белән сөендерә

«Койрыклы җырчылар» яңа тавышлар белән сөендерә

«ШАЯН ТВ»ның YouTube каналында «Койрыклы җырчылар» музыкаль проектының яңа чыгарылышы сезне яңа тавышлар белән сөендерә! Җырлы зоопарк, мавыктыргыч хайваннар дөньясы һәм иң үзенчәлекле тавышлар дөньясына рәхим итегез! Бу чыгарылышта сез бәрән, арыслан, каз һәм елан тавышларын ишетә аласыз! Тизрәк сылтама буенча узыгыз!

14.02.2024
Prev. 1 ... 96 97 98 99 100 ... 376 Next
Главная Программа Видео Шортс Поиск