Яңалыклар

Язгы каникулга иң яхшы шөгыльләр исемлеге

Язгы каникулга иң яхшы шөгыльләр исемлеге

Яз - ул салкын кыштан соң башлаган кечкенә генә яңа тормыш. Язгы каникуллардан онытылмаслык тәэсирләр алу өчен нишләргә? Безнең файдалы исемлек сезгә ярдәмгә килер! * Беренче кояшлы көннәр белән ләззәтләнергә һәм вакытны күбрәк урамда уздырырга. * Паркларда йөрергә һәм беренче язгы чәчәкләрне эзләргә. * Тал песиенә, агачлардагы беренче яфракларга, умырзаяларга, һәм беренче үләннәргә сокланырга. * Җылы яклардан очып кайткан кошларга җимлек эләргә. * Гөрләвекләр буйлап сикерергә һәм көймәләр йөздерергә. * Чәчәкләр яки агач утыртырга. * Урманга барырга. * Язгы фотосессиягә чыгарга. * Кинога, кызыклы фильмга, яки театрга барырга. * Дусларның, якыннарның, туганнарның хәлен белергә. * Саф һавада футбол, волейбол яки баскетбол уйнарга. * Үрдәкләрне, тиеннәрне һәм парклардагы башка җан ияләрен ашатырга. * Моңарчы эшләнмәгән, я булмаса эшләргә курыккан, сузып йөргән эшләрне эшләргә. * Кояш баешы белән хозурланырга яки таң каршыларга. * Күбрәк җиләк-җимеш һәм яшелчәләр ашарга, витаминнар турында онытмаска. * Язгы табигатьне фотога төшерергә. * Кыштан соң бераз хәлсезләнгән организмны кайгыртырга. * Яраткан эшеңә, хоббига яки мавыгуларга күбрәк вакыт бүлеп бирергә. * Йолдызлы күкне күзәтергә. * Бераз ыгы-зыгыдан арыну өчен, телефоннан ял итәргә. * Язга күбрәк сөенергә, күбрәк елмаерга һәм көләргә.  

26.03.2024
Каен суының файдасын беләсезме?

Каен суының файдасын беләсезме?

Яз җитү белән бар дөнья җанлана, табигать уяна. Күпләр каеннар күп үскән урыннарга барып, каен суы җыярга әзерләнә торгандыр. Гадәттә, аны март азагыннан башлап, апрель дәвамында җыялар. * Каенның тамырлары тирәндә, яз җитеп, тормыш яңара башлагач, алар туфрактан суны үзләренә тарта һәм агач кәүсәсе буйлап, ботакларга җиткерә. * Каен суы – гади су гына түгел, ул минераллар, кальций, калий, магний, тимер, натрий, эфир майлары, С, В6, В12 витаминнарына бай. * Каен, зурлыгына карап, көненә 1-6 литр сут бирә ала. * Суны җыю өчен иң яхшы вакыт – көндезге 12дән кичке 5кә кадәр. * Су туплар өчен кәүсәне җирдән 40-50 сантиметр өстәрәк тишәргә, җыеп беткәч, мүк яки балчык сылап куярга кирәк. * Каен суы тиз бозыла, шуңа аны җыйгач та кулланырга кирәк. * Аны җәйгә кадәр сакларга теләсәгез, туңдыру яхшы.   КАЕН СУЫ ФАЙДАСЫ * иммунитетны күтәрә * канны чистарта * кан басымын нормага сала * язгы авитаминоз белән көрәшә * стресска каршы торырга булыша, депрессиядән ярдәм итә * йокыны яхшырта, кәефне күтәрә * йөрәк эшчәнлеген яхшырта * бөерләрне, бавырны чистарта * холестеринны киметә * ябыгырга булыша * тырнак, чәч, тән тиресен яхшырта * яралар төзәлүгә ярдәм итә      

25.03.2024
Игелек кылыйк: АТНАЛЫК ИГЕЛЕКЛЕ ЭШЛӘР ИСЕМЛЕГЕ

Игелек кылыйк: АТНАЛЫК ИГЕЛЕКЛЕ ЭШЛӘР ИСЕМЛЕГЕ

Кеше үзенеӊ эчке халәте белән һәрвакыт нәрсәгәдер мохтаҗ - җылы сүзгә, назга, якын карашка, кайгы-хәсрәтне уртаклашуга яки шатлыкны бүлешүгә... 25 мартта ел саен Халыкара игелекле эшләр көне билгеләп үтелә. Игелек кылу һич кенә дә авыр түгел, без аны көн саен, даими эшләп торабыз. Шуны истә тотыгыз: игелек кылу – көчсезлек билгесе түгел, дөньяны яхшы якка үзгәртүче кешелек сыйфаты. Юкка гына борынгылар изгелек ит тә суга сал: балык белер, балык белмәсә халык белер димәгәннәр! Игелекле булыйк, дуслар!   БЕЗ СЕЗГӘ АТНАЛЫК ИГЕЛЕКЛЕ ЭШЛӘР ИСЕМЛЕГЕ ТӨЗЕДЕК 1. Кошлар өчен җимлек яса 2. Йортсыз этләрне һәм мәчеләрне ашат 3. Әниеңә өй җыештырырга булыш 4. Күршеңә чүпне чыгарырга ярдәм ит 5. Өй янында чәчәкләр утырт 6. Әти-әниең белән бергә өмәдә катнаш 7. Макулатура җыеп тапшыр 8. Юлыңда очраган кешеләргә яхшы көн телә 9. Кемнеңдер кәефен күтәр 10. Күптән аралашмаган танышыңа яки туганыңа шалтырат 11. Үз кулың белән сюрприз яса (открытка) 12. Кемгә дә булса яхшы сүзләр белән хат яз 13. Очраган һәркемгә елмай 14. Барысы белән дә, хәтта таныш булмаганнар белән дә исәнләш 15. Якыннарыңа аларны никадәр нык яратуыңны әйт      

25.03.2024
«Крокус Сити Холл»да кешеләрне коткарган 15 яшьлек Ислам Хәлиловны бүләкләячәкләр

«Крокус Сити Холл»да кешеләрне коткарган 15 яшьлек Ислам Хәлиловны бүләкләячәкләр

Россия мөселманнарының Диния нәзарәте лидеры Мөфти Шәех Равил Гайнетдин яшь герой - Ислам Хәлиловны мөселманнарның югары бүләгенә тәкъдим итте. 15 яшьлек егет теракт вакытында «Крокус Сити Холл» бинасыннан 100дән артык кешене алып чыккан. Равил Гайнетдин Хәлиловларга шәхси чакыру хаты тапшырды. Ислам изге Рамазан аеның җомга көнендә Мәскәү Җәмигъ мәчетендә бүләкләнәчәк. Аңа кыюлыгы һәм кешеләрне коткарганы өчен Россия мөселманнарының «Хезмәтләре өчен» медале тапшырылачак. Егет әлеге концерт залының гардеробында хезмәт куйган. Ислам сүзләренчә, эшкә урнашыр алдыннан барлык хезмәткәрләргә инструктаж үткәргәннәр. Теракт вакытында ул инструкция буенча эш иткән. Бинадагыларны хезмәткәрләр йөри торган ишектән урамга алып чыккан.

24.03.2024
Язгы авитаминоздан котылу буенча лайфхаклар

Язгы авитаминоздан котылу буенча лайфхаклар

Яз – организмда витаминнар җитешмәгән вакыт. Без бу чорда еш кына хәлсезлек, томау төшү, тамак авырту, баш әйләнүдән интегәбез. Шуңа күрә туклануга аеруча игътибарлы булырга кирәк. Авитаминозны булдырмау өчен өстәлдә нинди витаминнар һәм ризыклар булырга тиеш соң? * Көндәлек меню витаминнарга, минералларга, аминокислоталарга, клетчаткага бай булырга тиеш. Күбрәк яшелчә-җимеш, чикләвекләр ашарга табиблар юкка гына кушмый. * А витамины запасын тулыландырырга кишер, абрикос, балык мае булыша. * Ит, майлы балык, бавыр, карабодай ярмасы, кузаклылар В витаминына бай. * Цитруслылар, кара карлыган, гөлҗимеш, кивида С витамины күп. * D витамины диңгез ризыкларында, солы ярмасында, атланмайда, эремчектә шактый. Моннан тыш, кеше организмы кояш нурлары тәэсирендә D витамины эшләп чыгарырга сәләтле. Аеруча иртәнге һәм кичке кояш файдалы. * Витаминнарга иң бай ризык булып чикләвек һәм йомырка санала. * Авитаминоздан котылуның иң үтемле юлы - витаминлы комплекс кабул итү. Аларның кайсын эчәсен табиб белән киңәшеп хәл итәргә кирәк.

22.03.2024
Илгиз Шәйхразиев серләре белән уртаклашты

Илгиз Шәйхразиев серләре белән уртаклашты

«ШАЯН ТВ»ның YouTube каналында «Килде-Китте ШОУ» проектының яңа чыгарылышы чыкты! Студия кунагы – автор-башкаручы Илгиз Шәйхразиев. Популяр җырчы «Сәләт», шәхси тормышындагы яңа мөнәсәбәтләре, Yummy Music лейблыннан китүе һәм башка яңалыклары белән уртаклашты. Сылтама буенча уз һәм карамый калма!

22.03.2024
Сәламәт булыйм дисәң, су эч

Сәламәт булыйм дисәң, су эч

22 март - Бөтендөнья су көне. Су - яшәү нигезе. Сәламәт булу өчен тәүлегенә кимендә 2 литр су эчәргә кирәк. * Суның 1500гә якын төрдәге формасы бар – кар суы, туфрак суы, яңгыр суы һ.б. * Галимнәр билгеләвенчә, 2035 елга дөньяда эчәр суга кытлык кичерүчеләр саны 3,5 миллиард кешегә җитәргә мөмкин. * Кеше су эчмичә 5 көннән дә артык яши алмый. * Кеше елына уртача 60 тонна су куллана. * Кайнар су салкынына караганда тизрәк туңа. * Әлеге вакытта планетада яшәүче бер миллиардка якын кеше чиста су эчүдән мәхрүм. * Барлык йогышлы авыруларның 80 проценты чамасы кешегә су аша күчә. * Яңа туган сабый организмы 80 процент судан торса, картайган кешедә ул 50 проценттан артмый. * Җир мантиясендә, аның өслегендәге белән чагыштырганда, су запасы дистәләрчә тапкыр күбрәк. * Ел саен уртача бер триллион тонна су парга әйләнә. Ул унике нольле сан белән билгеләнә. * Планетадагы суның 46 проценты Тын океанда тупланган. Атлантик океанда аның - 23, Һинд океанында - 20, Төньяк боз океанында 4 проценты. * ЮНЕСКО бәяләмәсе буенча, дөньядагы иң саф су Финляндиядә.

22.03.2024
Prev. 1 ... 87 88 89 90 91 ... 375 Next
Главная Программа Видео Шортс Поиск