Яңалыклар

Быелгы май сөендерерме?
Популяр яңалыклар

Быелгы май сөендерерме?

Яз фасылының иң матур соңгы ае – майга да аяк бастык! Борыннарны шомырт исләре иркәли, күңелләрне сандугач сайраулары җилкендерә торган яшеллек ае! Халык календаренда май яз белән җәйне кавыштыра торган ай буларак искә алына. Димәк, җәйгә дә күп калмый. Алдагы көннәр безне нинди һава торышы белән сөендерер, бергәләп сыныйк. * Май яңгырлы булса, июнь коры килә яки киресенчә. * Май суык булса – икмәк уңа. * Яңгырлар еш явып, томан еш төшсә – уңышлы елга. * Май яңгырлы булса, июнь коры килә яки киресенчә. * Майда боз яуса, җәен дә явачак. * Күке күкелдәмичә май җылытмый. * Май ае салкын булса – игенгә туклык. * Майның яңгырлы булуы иген-печәнгә файда, җимешкә – зыян. * Торналар бик еш күренсә – корылыкка. * Май аенда коңгызлар күп булса, шулай ук корылык көтелә. * Май аенда яңгырлар күп яуса, сентябрь коры килер. * Шомырт чәчәк атканда һәрвакыт салкыннар көтелә. * Яңгырлар еш явып, томан еш төшсә – уңышлы елга. * Тузганакның иртә язда чәчәк атуы – җәй кыска, ә соң чәчәк атуы – җәй коры булуга.

02.05.2024
Татарстанда кар көтелә яки Җирне магнит давылы капларга мөмкин
Популяр яңалыклар

Татарстанда кар көтелә яки Җирне магнит давылы капларга мөмкин

Татарстанда һава торышы начарлануы көтелә. 3 һәм 4 майда һәм ял көннәрендә яңгыр һәм җепшек кар явуы фаразлана. Җилнең тизлеге секундына 15-20 метрга җитәчәк. Күз күреме начарланырга мөмкин. 3 майда температура 0, +2 градусны тәшкил итә, урыны белән -3 градуска кадәр суытачак. Төнлә һәм иртән юлларда бозлавык булырга мөмкин. Киләсе атнаның беренче яртысында Татарстанда шулай ук салкын һава торышы саклана, явым-төшем дә булырга мөмкин, дип хәбәр итә синоптиклар.   Галимнәр 3 майда Җирне магнит давылы капларга мөмкин дип тә кисәтә. 1 майда Кояшта көчле кабынулар булган, алар 41 минут дәвам иткән. Кояшта кабынулар биш класска бүленә: A, B, C, M һәм X, рентген нурланышы куәтенә карап. Әгәр дә куәт 10 тапкырга арта икән, нурланыш киләсе егәрлек классына күчә. Кабынулар исә кояш плазмасы чыгармасы белән бара. Аның болытлары Җиргә барып җиткәндә магнит давылларын китереп чыгарырга мөмкин. Игътибарлы булыгыз!

02.05.2024
«ШАЯН Галим»: ЯҢА СЕРИЯ
Канал яңалыклары

«ШАЯН Галим»: ЯҢА СЕРИЯ

Сез яратып өлгергән «ШАЯН Галим» мультфильмының яңа сериясе чыкты! Кайсы океан иң зурысы? Океанда иң тирән урын кайда? Планктон нәрсә ул? Боларның барысына да төп герой ШАЯН Галим җавап бирә! Мультфильмны «ШАЯН ТВ»ның YouTube каналында карарга мөмкин.

02.05.2024
Премьера: өр-яңа документаль фильм
Канал яңалыклары

Премьера: өр-яңа документаль фильм

«ШАЯН ТВ» каналы өр-яңа документаль фильм тәкъдим итә! «Антарктида. Өч котып аша үтү» сериалы Валдис Пельш белән бергә серле Антарктидага уникаль экспедициягә чакыра! 200 ел элек ачылган һәм аз өйрәнелгән дөньяның әлеге өлеше тикшеренүчеләр һәм сәяхәтчеләрне таң калдыра. Җиде кешедән торган төркем үз алдына зур максат куя - Антарктиданы өч полюс аша узып, кичеп чыгу. Әлегә кадәр дөньяда моны берәү дә эшләмәгән. Сәяхәтчеләр куйган максатларына ирешә алырмы? Дүшәмбедән алып, җомгага кадәр 13:10 һәм 21:10 сәгатьләрдә «ШАЯН ТВ» каналында «Антарктида. Өч котып аша үтү» фильмыннан карап белерсез!

30.04.2024
Теләк теләү көне: ничек дөрес теләргә?
Кызыклы фактлар

Теләк теләү көне: ничек дөрес теләргә?

Нәкъ менә бүген, 29 апрель – теләкләр теләү көне билгеләп үтелә! Теләкләр кабул була торган билгеле бер көннәр һәм сәгатьләр бар икән. Уңайлы вакытны Ай календаре һәм сәгатьләре буенча билгеләргә була. Астрологлар, энергетика күзлегеннән караганда, Ай календаре буенча 1нче, 7нче һәм 11нче тәүлекләр иң куәтлеләре дип саный. Көн сайлаганнан соң, тәүлекнең дөрес вакытын ачыклау мөһим. Моның өчен көн буе үзегезнең торышыгызны һәм кәефегезне күзәтергә һәм көч-куәт тулы мизгелне билгеләргә кирәк. Нәкъ менә шул чорда теләк теләргә кирәк тә инде.   Теләкне ничек дөрес итеп теләргә? 1. Теләкне хәзерге заманда теләгез. Моны күпләр белми, ләкин ничек кенә булыша әле! Инде тормышка ашкан дип ышанып теләгез. Мәсәлән, «Мин яңа йортта яшәргә телим» диясе урынга, «Мондагы иң зур йорт минеке булачак!» дип әйтегез. 2. Теләкне гадиләштерегез. Катлаулы, озын җөмләле теләкләр буталчык була. Теләк никадәр гади, аңлаешлы булса, ул шулкадәр тизрәк тормышка да аша. 3. Үз мәнфәгатьләрегездән чыгып теләгез. Галәмнән сораганнарыгыз бары сезгә генә кагылышлы булсын. Туганнар, дуслар, яраткан кеше өчен теләк теләмәгез. 4. Бары яхшыны гына теләгез. Теләкне начар энергетика белән бозмагыз! 5. Теләкләрегез турында беркемгә дә сөйләмәгез. Теләгән теләк үзенә энергия туплый, аның турында күбрәк сөйләгән саен көче кими бара. 6. Теләкләрне җыеп барыгыз. Аларны кәгазьгә язып бару файдалы. Аерым битләргә языгыз да махсус тартмага йә конвертка салып куегыз. Ярты ел, йә бер ел үткәч, укып карап, никадәр теләкләрегезнең чынга ашуын күреп гаҗәпләнерсез.  

29.04.2024
«Балачак җыры» бәйгесенә гаризалар кабул итү тәмамлануга 1 көн калды
Канал яңалыклары

«Балачак җыры» бәйгесенә гаризалар кабул итү тәмамлануга 1 көн калды

Дуслар, «Балачак җыры» бәйгесенә гаризалар кабул итү бик тиздән тәмамланачак! Сезнең нибары 1 көн вакытыгыз бар! Тизрәк гаризагызны безгә юллагыз! Бүләкләр зурдан: акчалата приз, җырның профессиональ аранжировкасы һәм клибы! Эшләрегезне, җырның текстын һәм көен shayanmuzik@mail.ru адресына җибәрегез. Бәйгенең шартлары буенча тулырак мәгълүмат сылтама буенча. Гаризалар 30 апрельгә кадәр кабул ителә.

29.04.2024
«ШАЯН ТВ» яңалыклары белән уртаклаштылар
Канал яңалыклары

«ШАЯН ТВ» яңалыклары белән уртаклаштылар

«ШАЯН ТВ» каналы тамашачыларын һәрвакыт яңа проктлары белән сөендерә! Шул уңайдан, «ШАЯН ТВ» каналының мөхәррире Сәрия Хөсәенова «Татарстан-Яңа Гасыр» каналында «Манзара» тапшыруында кунакта булып кайтты. Тапшыруда ул күптән түгел тәкъдим ителгән «Җавап тап» танып белү программасы хакында сөйләде. Проектның яңа чыгарылышларын сез дә күзәтеп барыгыз! Аны «ШАЯН ТВ»ның YouTube каналында һәм зәңгәр экраннарда күрергә мөмкин!

29.04.2024
Prev. 1 ... 85 86 87 88 89 ... 378 Next
Главная Программа Видео Шортс Поиск