Яңалыклар

«Манзара»да «ШАЯН ТВ»ның яңалыклары белән уртаклаштылар

«Манзара»да «ШАЯН ТВ»ның яңалыклары белән уртаклаштылар

«ШАЯН ТВ»ның YouTube каналында татар телендә нейрочелтәр ярдәмендә ясалган беренче мультфильм тәкъдим ителде. Ул «ШАЯН Галим» дип атала. Шул уңайдан 18 март көнне иртәнге 6:00 сәгатьтә «Татарстан-Яңа Гасыр» каналында «Манзара» тапшыруын карагыз! Студиядә кунакта «ШАЯН ТВ» каналының программа директоры-чыгарылыш бүлеге мөдире Лилия Закирова һәм контент-редактор Таңсылу Мостафина булачак. Эфирда алар «ШАЯН мультфильм» студиясенең беренче адымнары һәм «ШАЯН Галим» мультфильмының эшләнеше хакында сөйләячәкләр. Карамый калмагыз!

15.03.2024
Һәр кеше гомеренең өчтән бер өлешен йоклап уздыра

Һәр кеше гомеренең өчтән бер өлешен йоклап уздыра

Бүген - Бөтендөнья йокы көне. Һәр кеше үз гомеренең өчтән берен төшендә үткәрә икән. Йокы вакытында баш мие активлыгының минималь дәрәҗәсе һәм түбән реакцияләр күзәтелә. Озак вакыт дәвамында йокыгыз туймаса, бу тормыш сыйфатына тискәре йогынты ясый. Юмор хисе югала, ярсынучанлык, үз - үзенә бикләнүчәнлек барлыкка килә. * Кеше якынча 8 сәгать йокларга тиеш. * Статистика буенча, французлар якынча 9 сәгать йоклый. * Бөтен дөньядагы халыкның 30-45 проценты йокысызлыктан интегә. * 8 сәгать һәм аннан да озаграк йоклап та, кешенең йокысы туймый икән, димәк, сәламәтлек белән проблема бар. * Йокыга китү өчен иң яхшы вакыт – кичке сәгать 10. * 15 процент очракта йокысызлык кешенең эчке кичерешләре, уй-фикерләре белән бәйле була. * Рэнд Гарднер исемле кеше 11 тәүлек йокламыйча Гиннесслар китабына кергән. * Танылган футболчы Криштиану Роналду тәүлегенә берничә тапкыр әз-әзләп йоклап ала. Ул беркайчан да тоташ сигез сәгать йокламый. * Кешеләр уянганнан соң ярты сәгать эчендә 90% төшләрен оныталар. * Кешеләрдән аермалы буларак, хайваннар төшләрендә чынлыкта булган вакыйгалар һәм гамәлләрне күрә. * Хатын-кызлар ир-атларга караганда 20 минутка күбрәк йоклыйлар дип санала. Йокының сыйфаты турында әйткәндә, ир-атлар тынычсызрак йоклыйлар һәм ешрак уяналар.  

15.03.2024
«ШАЯН ТВ»ның яңа проекты һәр баланың йолдыз булуын исбат итә

«ШАЯН ТВ»ның яңа проекты һәр баланың йолдыз булуын исбат итә

Сезнең балагыз иң сәләтлесеме? «ШАЯН ТВ» каналының яңа проекты һәр баланың йолдыз булуын исбат итә! Баланың чыгышын профессиональ студиядә төшерү, «ШАЯН ТВ» каналында трансляция һәм гаилә архивы өчен видеоязма алу мөмкинлеге! Сезнең балагызның җылы хис-кичерешләре һәм таланты гасырлар буена саклана! Шалтыратыгыз: 5 705 100, 5 705-095.  

14.03.2024
Эльмира Кәлимуллина: «Балачакта үземне матурга санамый идем»

Эльмира Кәлимуллина: «Балачакта үземне матурга санамый идем»

«ШАЯН ТВ»ның YouTube каналында чыгучы «Килде-китте ШОУ» тапшыруында Татарстанның атказанган артисты Эльмира Кәлимуллина социаль челтәрләрендә үзенең ни өчен «Эльмира матур» дип аталуы һәм балачакта үзен бер дә матурга санамавы хакында сөйләде. - Моның җавабы бик гади. Социаль челтәрләр эшли генә башлаганда үземнең татарлыгымны ничек күрсәтә алам икән, дип уйладым. Уема «матур» сүзе килде. Начар түгел бит, шуннан минем аккаунтым «Эльмира матур» булып калды. Ә балачакта, мәктәптә укыганда мин үземне матур кызга санамый идем. Шундый зур гына түгәрәк күзлек киеп йөри идем һәм әбиләр шикелле күренә идем. Аннан да ниндидер комплекслар туды. Мин гел музыка белән шөгыльләндем. Егетләр турында хыяллар, хисләр барлыкка килә башлады, ләкин берсе дә мине дус итмәде. Мәктәптә дусларың белән ниндидер аңлашылмаучанлыклар килеп чыга калса, әлбәттә, беренче чиратта, әти-әнинең терәк булуы мөһим. Аларның балаларына гел «мин сине яратам», «син иң матуры, иң яхшысы», дип әйтеп торуы кирәк, балаларны бервакытта да комплексларга ярамый. Мәхәббәт һәм ярату белән баланы берничек тә кимсетеп булмый. Мондый хәлләр, бәлки, безне ныгытадыр да. Әти-әнидән, дуслардан ярдәм сорарга курыкмаска кирәк. Әңгәмәнең дәвамын «ШАЯН ТВ»ның YouTube каналында карагыз.

14.03.2024
Май чабу бәйрәмен Казанда ничек бәйрәм итәчәкләр?

Май чабу бәйрәмен Казанда ничек бәйрәм итәчәкләр?

Кояш көлә, тамчы тама – һава торышы үзе дә яз килүен искәртә сыман. Казанда бу атнада кышны озатуга һәм язны каршылауга багышланган халык күңел ачу чаралары узачак. Май чабу бәйрәмен кайда һәм ничек бәйрәм итеп булачак? Бәйрәм чаралары 16 һәм 17 мартта берничә мәйданчыкта оештырылачак. 16 март көнне 10:00 сәгатьтә башкалабыз халкын Карьер торак массивының «Туган Алан» скверында, 11:00 сәгатьтә Дәрвишләр бистәсендәге Сәет Галиев исемендәге мәдәният йорты янындагы паркта көтәләр. 12:00дә исә бәйрәм Горки-Әмәт урманында узачак. Шулай ук 12:00 сәгатьтә «Сәйдәш» мәдәният үзәге янында, Константиновка һәм Юдинодагы мәдәният йортлары янында бәйрәм чаралары башланачак. 13:00дә күңел ачу программасы Мирный торак массивындагы мәдәният йорты янында старт ала. Чаралар башка мәйданчыкларда да узачак. Май чабу бәйрәме 11:00 сәгатьтә Кадыш, Отар һәм Красная Горка торак массивларындагы мәдәният йортлары янында да планлаштырылган. 17 март көнне исә 12:00 сәгатьтә бәйрәм Бауманда, ә 11:00дә «Нәни принц» скверында узачак. Шулай ук 12:00 сәгатьтә «Ак Барс Арена» стадионында да күңел ачу чаралары каралган.          

13.03.2024
«Койрыклы җырчылар»ның бөтен серияләре бергә дөнья күрде

«Койрыклы җырчылар»ның бөтен серияләре бергә дөнья күрде

Дуслар, «ШАЯН ТВ»ның YouTube каналында сез яратып өлгергән «Койрыклы җырчылар» проектының бөтен серияләре бергә дөнья күрде! Җырлы зоопарк, мавыктыргыч хайваннар дөньясы һәм иң үзенчәлекле тавышларны ишетми калмагыз!

13.03.2024
Prev. 1 ... 89 90 91 92 93 ... 375 Next
Главная Программа Видео Шортс Поиск