Cәламәт тәндә - сәламәт акыл!

   Бүген Казанның «Хезмәт резервлары» стадионында физкультурачылар көне узды. Чарада ТР премьер-министр урынбасары Ләйлә Фазлыева һәм РФнең Дәүләт Советы депутаты Ольга Павлова катнашты. Чараның мәгълүмати партнеры "ШАЯН ТВ" каналы булды.    Сәламәт тәндә – сәламәт акыл! Шуңа күрә бәйрәм чарасы да иртәнге физик күнегүләр ясау һәм спорт өлкәсендә зур уңышка ирешкән, төрле бәйгеләрдә җиңүчеләрне, ГТО комплекс нормативларын яхшы үтәүчеләрне тәбрикләүдән башланды. Зур гер күтәргән аю бәйрәм кунакларын мини-футбол буенча турнирда катнашырга, «Яшел фитнес» күнегүләрен ясарга, алкалы хоккей, бокс, бадминтон, гольф буенча остаханәләрдә катнашырга чакырды.   Бәйрәм кысаларында «Спортлы Татарстан» видеороликлар бәйгесенә дә йомгак ясадылар. Балалар һәм яшүсмерләр арасында сәламәт яшәү рәвешен, спортны популярлаштыру максатын куйган бәйгегә барысы 1187 эш килгән. Җиңүчеләр истәлекле бүләкләргә һәм диломнарга ия булды.     1936 елдан бирле уздырыла торган физкультурачылар көне бүген дә саф һавада бик матур билгеләп үтелде. 

Бүгенге "ТОП-5" тә сезне нәрсә көтә?

"ШАЯН рәссам":карбыз ясыйбыз!

Карбызның иң тәмле чагы! Әйдәгез, без аны ясый-ясый ашыйбыз!  .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

Бездән "ТОП-5" язучы!

Ә сездән лайклар! Һәм, әлбәттә, безнең YouTube каналга язылырга онытмагыз! 

ШАЯН тәмлетамак: кыярдан эчемлек!

Шакмаклы карбыз ашаганыгыз бармы?

      Дуслар, шакмаклы карбыз ашаганыгыз бармы сезнең? Андый булмый, дисезме? Була шул, Япония фермерлары карбызны шакмаклы махсус пыяла савытка салып үстерә. Башта алар моны җиңел генә күтәреп йөрү һәм саклау өчен шулай эшләгән. Хәзер андый карбызлары икеләтә кыйммәт бәягә саталар.           Бүген карбыз көне. Шул уңайдан сезнең игътибарга берничә кызыклы факт!       Кыргый карбызлар Көньяк Африкада барлыкка килгән. Аларны җиләк-җимеш дип тә, яшелчә дип тә атыйлар. Орлыктан үскән баллы җимеш, яшелчә буларак, кабаклар семьялыгына карый.         Оклахомада дәүләт яшелчәсе дип саналган карбызда  6% шикәр, 92% су бар, шуңа күрә җәйге эсседә сусауны басарга ярдәм итә. Бик күп витаминнарга бай булганлыктан, безнең организмны начар инфекцияләрдән дә саклый.          Карбызны җитештерә торган иң зур ил булып Кытай санала, аннан Төркия калыша. 1200дән артык сорты булган карбызның хәтта кабыгында да файдалы элементлар бар. Ләкин без аны ашамыйбыз, ә Кытайда аны чи килеш, пешереп яки кыздырып, хәтта маринадлап та ашыйлар. Аның сары, ак төслесе дә була. Ә дөньядагы иң зур карбыз 2013 елда үстерелә.  121.93 кг карбыз Гиннеслар китабына да кертелгән. 

Нәрсә бу? Сезгә дә кызыкмы?

Корбан гаете котлы булсын!

Хөрмәтле мөселман кардәшләребез! Сезне Корбан гаете белән котлыйбыз. Шушы изге бәйрәм көнендә уй-теләкләребез һәрвакытта да чиста, йөрәкләребез яхшылык өчен ачык, омтылышларыбыз якты булсын иде, бер-беребезгә җылылык, игътибарлылык бүләк итик, шатлыкларыбыз, уңышларыбыз белән уртаклашыйк. Игелекле гамәлләрне күбрәк башкарырга тырышыйк! Киләсе гает бәйрәмнәрен дә шатланышып, сау-сәламәт булып, бергәләшеп каршыларга насыйп булсын!