Яңалыклар

Шаян кемгә гашыйк?

Шаян кемгә гашыйк?

Чәчәк, кәнфит, бүләкләр…  Бу көнне дөнья буйлап миллиардтан артык открыткалар (валентинка) җибәрелә. Тагын Гашыйклар көнендә кибетләрдә йомшак уенчыклар бик күпләп сатыла. Кызлар ярата торган әйбер бит, нишлисең. Хәтерлисездер, мәктәп елларында открыткалар бирергә тиешле дуслар исемлеге утызга җитә иде. Анысы да туганнарың, дус кызларыңа… Егетләргә сирәгрәк бирелә иде. Хәзер инде бу открыткалар бирешү сирәгәйде.  Чөнки, бүгенге санаклар заманында социаль челтәрләр ашада электрон валентикалар җибәрү популярлашты. Мәхәбәтне дә шул социаль челтәр аша аңлатучылар саны артты. Ләкин арада чын романтиклар калган. Шуларның берсе безнең Шаян. Кызык, ул бүген кемгә кулдан ясалган открытка биргән икән?

14.02.2019
«Сәмрух» ел премиясе.

«Сәмрух» ел премиясе.

Ел саен уздырылучы «Сәмрух» исемле Республикакүләм сәләтле балалар һәм талантлы яшьләр премиясендә «Сәләт» берләшмәсен актив үстерүче балалар, яшьләр, мөгаллимнәр һәм укытучылар катнаша.   Быел «ШАЯН ТВ» әлеге чараның мәгълүмати партнеры булачак. Шуңа күрә әлеге чараны сез безнең каналыбыз ашада карый алачаксыз. «Сәмрух» премиясе 2015-нче елда беренче тапкыр уздырыла. Премия дүрт этапта уздырыла:  1-нче этап – «Гаризалар кабул итү».  Катнашучылар гаризаны расланган форма белән тутыралар һәм портфолиоларын оештыру комитетына җибәрәләр.  2-нче этап – «Катнашучыларны сайлап алу. Читтән торып катнашу этабы».  Катнашучыларны портфолио нигезендә сайлап алу.  3-нче этап – «Катнашучыларны әңгәмә нигезендә сайлап алу».  Кандидатлар белән әңгәмәне экспертлар советы уздыра һәм бәя бирә, аның төп максаты – катнашучының эшчәнлеге турында тулырак мәгьлүмат алу.  Биремнәрнең формасын һәм эчтәлеген экспертлар билгели. Конкурс уздырылуга 5 көн кала, уздырылу урыны, вакыты һәм конкурсның эчтәлеге хакында хәбәр ителә. 4 этап – «Тантаналы рәвештә премияне тапшыру».  2019 елның феврале – лауреатларны һәм премиянең җиңүчеләрен бүләкләү.  Көтелмәгән шартлар килеп чыккан очракта, Оештыру комитеты премиянең уздыру этапларын үзгәртергә мөмкин.   Премиянең номинацияләре:  «Ел директоры» номинациясе «Ел өлкән әйдаманы» номинациясе  «Ел аланы» номинациясе«Ел сәлкеше» номинациясе «Ел әйдаманы» номинациясе «Ел клубы» номинациясе «Ел кулдашлары» номинациясе  «Сәләт җырлый» номинациясе Оештыру комитеты адресы: Сәләт Йорты, Казан шәһәре, Островский урамы, 23-нче йорт, 3-нче бүлмә.  Белешмә өчен телефон: + 7 (843) 292-16-00.  Тулырак http://selet.biz/tat/projects/proekty-2019/ezhegodnaya-premiya-s-mrukh-/ сайтыннан укый аласыз.

14.02.2019
100 яшь!

100 яшь!

Татарлар турында кайда гына белмиләр. Безнең чәк-чәкләр, түбәтәй, калфаклар һәм өчпочмаклар кайсы гына илләрдә сәяхәт итмәделәр. Безнең «ШАЯН ТВ» каналы да шушы сәяхәт итүчеләр янында барлыкка килүенә без бик шат. Менә күптән түгел ТР президенты Рөстәм абый Минниханов, Ташкент шәһәрендә яшәүче Гәбделрәшит абый Ихсановның 100 яшь тулуы белән котлады. Бүләкләр арасында безнең сәяхәтче түбәтәй да бар иде. Димәк аның белән башка  сәяхәт яратучы милли җанлы «дусларыбыз»да  булган. Габделрәшит абый -  10 февраль Ваныш авылында мулла гайләсендә туган. Ул математика фәне укытучысы була. Аңа хезмәт ветераны һәм башка мактаулы исемнәр бирелгән. Габделрәшит абыйны юбилейы белән чын күңелдән котлыйбыз!  Аңа саулык-сәләмәтлек теләп, «ШАЯН ТВ» каналы төсле шаян һәм яшь булып калуын телибез!

14.02.2019
Украина белән Шаянны нәрсә берләштерә?

Украина белән Шаянны нәрсә берләштерә?

Ә сез беләсезме, Украинада Шаян турында беләләр. Ләкин сүз хәзер «ШАЯН ТВ» каналы турында түгел. Украинада Шаян исемле авыл бар. Анда 500дән артык кеше яши. Әлеге авыл үзенең ял йортлары белән дан казанган. Ә менә безнең «ШАЯН ТВ» каналы үзенең шаян, шук балалары, кызыклы мультфильмнары һәм башкалар белән дан тота. Кызык, ә безне Украинада карыйлармы икән?  Үз фикеремне үзем белән калдырам. Ләкин, Украина халкының «ШАЯН ТВ» каналы турында белүләренә  100 % ышанам..

13.02.2019
«ШАЯН ТВ»да икеләтә бәйрәм!

«ШАЯН ТВ»да икеләтә бәйрәм!

Бүген «ШАЯН ТВ»да икеләтә бәйрәм! Ни өчен? Беренче сәбәп - безнең яраткан балалар каналы ачылуга 3 ай! Әлеге көннәр сизелми дә узып китте. Икенче сәбәп – Без, шаяннарның әнисе Рәмилә апа бүген үзенең Туган көнен билгеләп үтә! Аны чын күңелдән Туган көне белән котлыйбыз һәм иң изге теләкләр телибез! Һәр яңа таң сезнең өчен Елмаеп атса иде. Һәр яңа көн туган саен Шатлыклар артса иде. Ә «ШАЯН ТВ» каналына күбәрк шаян балалар һәм озын-озак гомер телибез! Безнең белән булганыгыз өчен Сезгә зур рәхмәт!

12.02.2019
Шоколад файдалымы?

Шоколад файдалымы?

Дустым, сәлам! Синең яраткан ризыгың бармы? Ә менә мин шоколад яратам. Чөнки ул бик тәмле, җитмәсә файдалы да икән. Мин бүген шуның турында белдем. Синең дә беләсең килсә, минем язмамны укы. Шоколадның барлыкка килү тарихы күптәннән башланган. Беренчеләрдән булып индеецлар какао агачының җимешләреннән эчемлек ясаганнар. Һәм аны “чоколатль” дип атап йөрткәннәр. Бу эчемлек кешеләргә сәламәтлек, акыл һәм көч бирә дип санаганнар. Соңга таба испаниялеләр бу эчемлекне чәй һәм кәһва урынына куллана башлыйлар. Ләкин аның бәясе бик кыйммәт була. 1657 елда Лондонда беренче “Шоколад өе” ачыла. Европалылар башта шоколадны тәм-том дип ашамаганнар, ә дару урынына кулланганнар. Кайвакыт аны даруханәләрдә сатканнар, табиблар авыруларга дәвалау чарасы итеп биргәннәр. Иң мөһиме-шоколадны артыгыннан күп ашамаска!

11.02.2019
Prev. 1 ... 362 363 364 365 366 ... 375 Next
Главная Программа Видео Шортс Поиск