Кыш көне яңгыр яуса...

Дуслар, сез сынамышларга ышанасызмы? Безнең «Кичке әкиятләр» тапшыруын алып баручы Мәрьям ышана. Күзәтеп тә бара икән әле. Кызык өчен генә булса да, Мәрьям әйткән сынамышларны сез дә тикшереп карагыз. Табигать – ул китап кебек. Анда бик күп серләр яшеренгән! Ышанмыйсызмы? Алайса үзегез күзәтеп карагыз әле! ·        Ябалак кар яуса, аннан соң һава җылы, юеш булыр. ·        Әгәр кар вак кына бөртекле, сирәк кенә төшкәләсә, бик озак суык булыр. ·        Кыш күп карлы булса, җәй яңгырлы булыр. ·        Кыш көне яңгыр яуса, икмәк булыр. ·        Тычкан һәм Елан елларында бал күп булыр. ·        Декабрьдә кар аз булса, җәй коры килә. ·        Декабрьдә кара каргалар күренә икән, кыш җылы була. Ничек кенә булмасын, кыш көне үтәләсе максатлар турында онытмагыз! Күп итеп кар яусын, дип телик. Рәхәтләнеп дуслар белән карда аунап уйныйсы, чаңгы-чанада шуасы, Кар бабай ясыйсы килә! Һәр көнегезне күңелле уздырыгыз, дуслар!

Театрда бер көн

18 декабрьдә «ШАЯН ТВ» каналы алып баручыларының көне маҗаралы үтте, дисәк һич ялган булмас. Ни өчен, дисезме? Алар бүген театр сәнгатенең кайбер серләрен чишеп кайтты.  Кәрим Тинчурин театры артистлары «ШАЯН»лылар өчен остаханәләр уздырды. Грим ясау серләренә дә төшенде яшь алып баручыларыбыз. Артистлар истәлекле бүләкләр, спектакльләргә билетлар тапшырды. 

Яңа елга 13 көн калды.

«ШАЯН рәссам»

Рәсем ясарга яратасыңмы? Ә, рәсем ясый белмим, дисеңме? Алайса безнең каналдагы өр-яңа тапшыруны карарга әзерлән!  "ШАЯН рәссам" тапшыруы белән, Яңа елдан рәсем ясау остасы да булып китәрсең әле.

Чыршы бизәү серләре!

Дуслар, чыршы бизәдегезме әле? Дөрес итеп бизәдегезме соң? Әйе, әйе, чыршы бизәүнең дә үз кагыйдәләре бар. Каналыбыз геройлары Шаян белән Биби биргән киңәшләр сезнең өчен файдалы булыр!  2020 елның символы – Ак металл күсе, шуңа күрә аксыл төсләр актуаль.  • Яңа елга чыршыны матур итеп бизәр өчен, аңа дөрес урын сайларга кирәк. Купшы чыршыны кечкенә бүлмәгә куймагыз, ә кечкенәләрне зур бүлмәгә урнаштыру дөрес булмас. • Гирлянданы иң башта элеп куегыз. Аннан соң эленгән уенчыклар матур итеп балкып торыр. • Зур чыршы өчен эре уенчыклар сайлагыз. • Күренә торган урынга, һичшиксез, Ак металл күсе фигурасын элегез. Аны агач астына Кыш бабай белән Кар кызы урынына да куярга мөмкин.  • Охшаш уенчыкларны бер тирәгә элү шулай ук матур булмас. • Йомгаклау этабы булып, мишура, төймәләр, ялтыравыклар тора. • Чыршы төбенә матур итеп төрелгән тартмалар тезеп куйсагыз да була.

Театр сөючеләр өчен

Конкурс Конкурс Конкурс! Без Кәрим Тинчурин  @k_tinchurin_teatri  исемендәге театр белән берлектә 29 декабрь көнне булачак «Шүрәле-оnline» спектакле премьерасына 2 кешелек 5 чакыру билеты уйнатабыз. Спекталь вакыты 10:30 һәм 13:00. Нишләргә? 1. @shaiantv һәм @k_tinchurin_teatri  аккаунтына языл! 2. Пост астында комментарийда дусларыңны билгелә (чикләүсез)! Һәм без махсус @lizaonair программасы ярдәмендә  27 нче декабрь җиңүчеләрне билгеләрбез.⠀

Бездә яңа мультфильм!

“ШАЯН ТВ” дусларын яңа мультфильмнар белән сөендерүен дәвам итә!  14 декабрьдән һәр шимбә һәм якшәмбе көннәрендә “Тондар батырлыклары” дип исемләнгән өр-яңа мультфильм эфирга чыга башлый. Батыр гепарт баласы Тондар явыз бүреләр белән көрәшә. Юлында очраган каршылыкларны ул дуслары Лаки исемле ташбака һәм куян Тондак белән бергәләп җиңә! Әле башка хайваннарга да ярдәм итәләр. Ә бүреләр нинди явызлыклар эшли икән? “Тондар батырлыклары” мультфильмын карап белерсез!

Яңа ел уңаеннан тагын бер конкурс!

Конкурс! Яңа ел уңаеннан тагын бер конкурс! ⠀ Яңа елга багышлап кул эше ясарга. Инстаграм челтәренә #остакуллар хэштегы белән урнашытырыга һәм @shaiantv аккаунтын билгеләргә. ⠀ Кем иң күп лайк җыячак, шул - җиңүче. Җиңүчене 31 декабрь көнне туры эфирда билгеләячәкбез! Һәм бездән истәлекле бүләк.  ⠀