Яңалыклар

«Янутлар»!

«Янутлар»!

Игътибар, премьера!!! Җиде янут зур музыка шкатулкасында яши. Геройларның һәркайсы музыкаль ноталарның берсен гәүдәләндерә, аларның һәрберсенең үзенчәлеге бар. Персонажлар тамашачыларга бик күп музыкаль номерлар күрсәтәчәкләр һәм әйләнә-тирәнең төрле күренешләре турында сөйләячәкләр. Бу һәм башка бик күп кызыклы хәлләр турында Сез «Янутлар» мультсериалын карап белерсез! Дүшәмбедән алып, җомгага кадәр 12:00 һәм 20:00 сәгатьләрдә «ШАЯН ТВ» каналында карамый калма!  

21.07.2022
МЕДИА БИЛӘР ФОРУМ!

МЕДИА БИЛӘР ФОРУМ!

20 июль көнне «Сәләт» МЕДИА БИЛӘР Форумының ачылыш тантанасы узды. Әлеге чарада каналыбызның башкарма директоры - баш мөхәррире Рамилә Әхмәтзакир кызы Сәхабетдинова да булып кайтты. «Бу дөньяда һәрбер туган балага сәләт бирелә. Ә «Сәләт» хәрәкәте 25 елдан артык шушы сәләтне үстерүдә ярдәм итә. Афәрин, Сәләт!» – дип, сәламләү сүзе белән чыгыш ясады ул. Алдагы көннәр Медиа Биләр Форумы катнашучылары өчен бик кызу булачак! Аларны Татарстанның алдынгы белгечләреннән остаханәләр, ачык лекцияләр һәм тренинглар көтә. «ШАЯН ТВ» каналының алып баручысы Илзия дә берничә көн дәвамында уку-укыту форумнарында бик күп кызыклы остаханәләр үткәрәчәк.

21.07.2022
Баллы көн!

Баллы көн!

Торт – баллы ашарга яратучыларның иң яраткан ризыгыдыр, мөгаен. Бер генә бәйрәмне дә аннан башка күз алдына китереп булмый. 20 июльдә Халыкара Торт көне дә билгеләп үтелә. Бу уңайдан яраткан ризыгыбыз турында кайбер фактлар белән танышып китик! * Пешекчеләрнең тортны кайчан уйлап табулары билгеле түгел. Кайбер чыганаклар буенча, аны урта гасырда Италиядә пешерә башлаганнар дигән мәгълүмат бар. Башка версия буенча, тортлар көнчыгыш тәм-томнарыннан килеп чыккан дип санала. * Берничә йөз ел элек торт дип түгәрәк ипине атаганнар. * Тортлар, гадәттә, түгәрәк була. Ул тормышның, кояш һәм айның түгәрәк табигатен символлаштыра. * 1785 елда гына торт беренче тапкыр туган көн символы булып таныла. Ул чакта аны бәйрәмгә чакыру сыйфатында тәкъдим итәләр. * Ак туй торты - бәйрәмнең финал өлеше һәм кунаклар өчен тәмле сый гына түгел. Ә кәләш күлмәге кебек үк, чисталыкны символлаштыра.        

20.07.2022
Тамашачылар игътибарына!

Тамашачылар игътибарына!

Чәршәмбе, 20 июль көнне «ШАЯН ТВ» каналында профилактика чаралары үткәрелә. 02:00дән 09:00 сәгатъкә кадәр тапшырулар трансляцияләнми. Тик бу һич кенә дә борчылырга сәбәп түгел! Сез үзегезнең яраткан мультсериалларыгызны, тапшыруларыгызны, безнең сайтта һәм YouTube каналда карый аласыз!  

19.07.2022
Баллы мультсериал!

Баллы мультсериал!

Баллы үзән - диңгез ярындагы шәһәрчек. Анда пешерүгә оста керпе Мари, заманчалыкны яратучы төлке Люси, кәефе тиз төшүчән һәм яхшы күңелле аю баласы Фил һәм башка персонажлар яши. Әмма кайчагында геройларның тыныч тормышларын сәер вакыйгалар боза. Алар күп кенә аңлашылмаучанлыкларга һәм хәтта ызгышларга да китерә. Күршеләренә ярдәмгә акыллы ябалак Софи һәм аның ярдәмчесе - тиен Чинк ашыга. Ул көндез булган вакыйгаларны фотога төшерә һәм дусты ябалакка күрсәтә, чөнки Софи – төнге кош һәм тәүлекнең якты вакытын йоклап уздыра. Чинк төшергән фотосурәтләрне карап, ябалак серле хәлләрне чишәргә омтыла. Гаҗәеп «Баллы үзән серләре» мультсериалын дүшәмбедән җомгага кадәр 11:00 һәм 19:00 сәгатьтә «ШАЯН ТВ» каналында карый аласыз! Шулай ук әлеге мультсериалны үзегезгә уңайлы вакытта безнең You Tube каналда да карарга була!

18.07.2022
Зәңгәр күзлеләр көне!

Зәңгәр күзлеләр көне!

Зәңгәр күзлеләрнең көнен Билгели халык бүген, Салкын гамма саналса да, Хәтерләтә күк йөзен.     Халыкның яраткан төсе, Зәңгәр төс – табигый төс, Күк йөзе зәңгәр булганга Иң күп кулланылган төс.   Зәңгәр кичләр, зәңгәр төймә, Зәңгәр күлмәк, зәңгәр шәл, Зәңгәр томан, зәңгәр чәчкә, Кызларда – зәңгәр күзләр.   Үзсүзлеләр, бик тырышлар, Ләкин тиз үпкәлиләр, Озак кына үпкә саклап, Йөриләр алар, диләр.   Хыялыйлар, бик тырышлар, Зәңгәр күзле кешеләр, Максатка ирешер өчен Барысын да эшлиләр.                  Фәймә Зайнуллина    

18.07.2022
Prev. 1 ... 196 197 198 199 200 ... 378 Next
Главная Программа Видео Шортс Поиск