Яңалыклар

ДАНИР САБИРОВНЫҢ ТАГЫН БЕР ЯҢА ҺӨНӘРЕ!

ДАНИР САБИРОВНЫҢ ТАГЫН БЕР ЯҢА ҺӨНӘРЕ!

Татарстанның атказанган артисты Данир Сабировның һөнәрләре бик күп. Шуларның берсе – ФУТБОЛ ФРИСТАЙЛЫ! Ул туптан төрле трюклар ясый, хәтта аны башында да тота белә. Яңа һөнәрне үзләштереп, концерт программасына әзерләнү өчен аңа ярты елга якын вакыт кирәк булган. «Мин шулкадәр күп вакытымны туп белән үткәрә идем, аның белән йокламый идем генә», - дип шаярта танылган пародия остасы. Җырчы белән булган кызыклы вакыйгаларның дәвамын якшәмбе «ШАЯН ТВ» каналында, 19:10 сәгатьтә, «Калеб» тапшыруында карагыз!

13.01.2023
Иске Яңа ел белән, ШАЯНнар!

Иске Яңа ел белән, ШАЯНнар!

Иске Яңа ел белән, дуслар! Бүген Яңа елда теләп өлгермәгән теләкләрне теләү өчен тагын бер мөмкинлек бар! Яңа елда тормышыбыз тагын да яхшырак булсын! Уңышлар, яхшы якка үзгәрешләр, шатлыклар алып килсен һәр өйгә! Һәрвакыт күтәренке кәеф, якты уйлар һәм матур хыяллар телибез!

13.01.2023
«Дино төркеме» мультсериалы иртәгәдән кабат эфирда!

«Дино төркеме» мультсериалы иртәгәдән кабат эфирда!

Робот-динозавриклар командасы гаделлек сагында тора! Кыю Ти-Рекс, уйчан Том, сөйкемле Вики һәм кечкенә Пин, әлеге шәһәрчеккә бергә киләләр һәм җирле тормышка ияләшәләр. Монда һәрвакытта да тыныч булмый - даими рәвештә супергеройлар өчен эшләр барлыкка килеп тора. Ти-Рекс, Том, Вики һәм Пинның бер-берсен бик яхшы тулыландыралар. Дусларның командада яхшы уйнаулары гына җитмәгән, алар һәрвакыт үзара ярдәм итешеп яшиләр. Бу роботларның һәркайсы төрле-төрле машиналарга әверелә белә: Ти-Рекс – узыша торган машинага, Том - үзбушаткычка, Вики - һава мендәрендәге катерга, Пин исә – очкычка. «Дино төркеме» иртәгәдән кабат эфирда! Әлеге мультсериал сезне якты төсләр һәм күңелле вакыйгалар дөньясына җәлеп итәчәк. Дүшәмбедән алып, җомгага кадәр 08:10 һәм 16:10 сәгатьләрдә «ШАЯН ТВ» каналында карагыз!

12.01.2023
Рәхмәт әйтә торган көн!

Рәхмәт әйтә торган көн!

11 гыйнвар - иң әдәпле бәйрәмнәрнең берсе - Халыкара “Рәхмәт” көне билгеләп үтелә. Чыннан да, зур мәгънәгә, тылсымга ия бу сүз. Бер рәхмәт мең бәладән коткарыр, дигән гыйбарә бар. Психологлар фикеренчә, рәхмәт сүзләре - игътибар билгеләре үзләренең җылылыгы белән күңелләрне күтәрергә сәләтле икән. Бу дөньяга аваз салганбыз икән, без әти-әниебезгә рәхмәтле. Иртән йокыдан уянганбыз, көн яктысын күрәбез, ике кул-аягыбыз йөри, ике колагыбыз ишетә, авызыбыз тәм тоя икән, димәк, без яшибез. Аның өчен рәхмәт. Рәхмәтнең олысы, кечесе булмый, диләр. Иң мөһиме, ул ихластан булсын. Әйдәгез, бу көнне дә без бер-беребезгә “җылы сүзләр” генә әйтик. Салкын кышкы көннәрдә җылы өләшик! Күбрәк рәхмәт әйтеп, рәхмәт сүзен ишетеп яшик, ШАЯНнар!        

11.01.2023
«Балачак җыры» клиплары «ШАЯН ТВ»ның YouTube каналында

«Балачак җыры» клиплары «ШАЯН ТВ»ның YouTube каналында

«ШАЯН ТВ» балалар каналы Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Балачак җыры» бәйгесенең дүртенче сезонында җиңү яулаган җырларга төшерелгән клипларны яраткан тамашачысына тәкъдим итте. Аларны хәзер барыбыз да яратып куллана һәм җырлый ала. Әлеге клипларны «ШАЯН ТВ»ның YouTube каналында табарга һәм карарга мөмкин. Сылтама буенча рәхим итеп карагыз.  

10.01.2023
Качышлы уйнау көне!

Качышлы уйнау көне!

Ә сез качышлы уйнарга яратасызмы, дуслар? Бүген кышын качышлы уйнау көне билгеләп үтелә икән! Бәйрәмнең тарихы ерак тарихка барып тоташа. Элек качышлы уйнау көнен зурлап билгеләп үткәннәр. Борынгы заманда кешеләр салкыннан качсаң,   кышны хәйләләп була дип уйлаганнар. Аларның ышануына караганда,   кыш җиңелчә киенгән кешеләрне   күрсә, тиз китә, үзенең урынын язга бирә, имеш. Шуңа күрә бабаларыбыз 9 гыйнварда толыпларын салып, юка киемнәрдән генә калганнар, бер-берсенә кунакка йөргәннәр, ягъни кышны аптырашка калдырырга теләгәннәр. Качышлы уенын балалар да, олылар да яратып уйнаган. Бәйрәмгә алдан әзерләнә башлаганнар. Таулар ясаганнар, өйләрне җыештырганнар, кояш символларын файдаланып, йортларны бизәгәннәр. Әлеге йолалар барысы да - вакыт барышын үзгәртергә һәм җәйне якынайтырга ярдәм итә дип саналган.

09.01.2023
Prev. 1 ... 197 198 199 200 201 ... 411 Next
Главная Программа Видео Шортс Поиск