Яңалыклар

Кояш сугудан сакланыгыз!

Кояш сугудан сакланыгыз!

Ниһаять без көтеп алган чын эссе җәй хакимлек итә! Эсселәр сагындырган булса да, аның мәкерле икәнен дә онытмаска кирәк. Җәйге кояш рәхәт һәм шул ук вакытта бик куркыныч та. Үзебезне кояш нурларыннан, эссе сугудан ничек сакларга? Кайбер кагыйдәләр белән танышып китик! * Төш вакытында, аеруча сәгать 11:00дән 16:00га кадәр аралыкта кояш нурлары астында, урамда йөрмәү яхшы, чөнки бу кояшнын иң актив вакыты. * Урамда йөргәндә баш киемнәрен кияргә онытмагыз. Кепка, эшләпәләрегезне һәрвакыт үзегез белән йөртегез. * Өс киемнәрен сайлаганда ачык төсләргә һәм «сулый торган» тукымаларага өстенлек бирсәгез, яхшы булыр. * Кояш астында йокламагыз, күләгәле урын эзләгез. * Ачык кояш астында утырмаска, күләгәдә, я зонт астында утыру хәерлерәк. * Туклану рационында күбрәк җиңел ризыклар - салатлар, җиләк-җимешләр булдырыгыз. * Су күп эчегез. Кызу һава торышында ул көненә 2-3 литр сыеклыкны тәшкил итәргә тиеш. * Пешү куркынычы булганда, тәнегезгә кичекмәстән су сибеп, маңгаегызга юеш тастымал салырга ашыгыгыз.  

07.07.2022
«ШАЯН пластилин» кара!

«ШАЯН пластилин» кара!

Вакытны ничек файдалы итеп үткәрергә белмисеңме? «ШАЯН пластилин» ярдәмгә килә! Бик күп мавыктыргыч, шул ук вакытта җайлы да булган кул эшләренә сез «ШАЯН пластилин» тапшыруын карап өйрәнә алырсыз! Дүшәмбедән алып, җомгага кадәр 10:30 һәм 15:35 сәгатьләрдә «ШАЯН ТВ» каналында карамый калма!

06.07.2022
Искиткеч яңалык!

Искиткеч яңалык!

Искиткеч яңалык! «ШАЯН ТВ» каналы тамашачыларына шәп бүләк әзерли! Без балалар җырларын популярлаштыру буенча үз эшебезне дәвам итәбез һәм татар дөньясына тагын биш хит бирәбез! «Балачак җыры» халыкара балалар җыры бәйгесендә җиңгән җырлар яздырыла башлады! Әлеге бәйге нигезендә «ШАЯН ТВ» каналы җиңүче дип табылган җырларга студиядә яңа, заманча аранжировка ясатып яздырырга һәм сыйфатлы клип төшерергә мөмкинлек бирде. Аларны «Сәйлән» телевизион фестивале җиңүчеләре башкарачак. Шулай итеп, җырлар киң мәйданга чыгачак, халыкка таралачак һәм популярлашачак. Бик тиздән без Сезне өр-яңа хитлар белән сөендерәчәкбез!

05.07.2022
ШАЯН фактлар!

ШАЯН фактлар!

Җиләк-җимеш һәм яшелчәләр сәламәт туклануның мөһим өлеше булып тора. Әмма без еш кына үзебезнең дөрес туклануыбыз турында уйламыйбыз. Әйдәгез, бергәләп әлеге файдалы ризыклар турында күбрәк белик һәм кызыклы фактлар белән танышып китик! * Банан - агач та, куак та түгел, ә 15 метр биеклектәге үлән. * Кәбестәдә – 90%, карбызда – 92%, кишердә 87% су бар. * Дөньяда барлыгы 7000нән артык төрле сорт алма үстерәләр. * Барлык әфлисуннар да кишер сары төстә түгел. Әгәр һава торышы тиешенчә салкын булмаса, әлеге җиләк-җимештәге хлорофилл җимерелми һәм ул яшел булып кала. * Кивида әфлисунга караганда С витамины күбрәк. * Бәрәңге – космоста үстереп каралган иң беренче яшелчә. * Бер алмагач елына 400гә кадәр алма бирә ала. * Бер уртача җиләк эчендә якынча 200 орлык бар. * Яшел борчак - консерв банкасына салынган беренче яшелчә. * Гранатта уртача 1000 төш бар.        

04.07.2022
Cпорт журналистларын котлыйбыз!

Cпорт журналистларын котлыйбыз!

Бүген Халыкара спорт журналисты көне билгеләп үтелә! Һәрбер теләгән кеше дә әлеге һөнәр иясе була алмый. Моның өчен яза белүдән тыш, әле спортны яратырга һәм аңларга да кирәк. Без, тамашачылар, төрле зур-зур ярышлардан, спорт уеннарыннан еракта калсак та, нәкъ менә спорт журналистлары ярдәмендә, аларны карап, тыңлап, язган материалларын укып, үзебез дә ярышта булган кебек булабыз. Барлык спорт темасына эшләүче массакүләм мәгълүмат чаралары вәкилләрен һөнәри бәйрәмнәре белән тәбриклибез! Спорт һәм сәламәт яшәү рәвешен үстерү һәм популярлаштыру өчен башкарган эшегез өчен рәхмәт белдерәбез! Яхшы яңалыклар, матур кичерешләр, яңа һөнәри җиңүләр телибез!  

02.07.2022
Ял көннәрен безнең белән үткәр!

Ял көннәрен безнең белән үткәр!

Дуслар, ял көннәрендә сезне бик күп кызыклы мультсериаллар һәм фильмнар көтә! Шимбә һәм якшәмбе көннәрен «ШАЯН ТВ» белән бергә үткәр! 2-3 июль көннәрендә - 08:10, 16:10 сәгатьләрдә «13 бүлмә» сериалын, 10:15, 18:10 сәгатьтә «Анна һәм аның кыргый дуслары» документаль фильмын «ШАЯН ТВ» каналында карагыз!  

01.07.2022
Июль дә җитте!

Июль дә җитте!

Күз ачып йомганчы, җәйнең бер ае да артта калды. Без сезнең белән табигатькә бәйле халык сынамышларын барлауны дәвам итәбез. Әлеге фаразлар сезгә алга таба табигатьтәге үзгәрешләренең нинди булачагын күзалларга ярдәм итәр. 1 июль - кояш алтынсу-сары, алсу булып байыса, яхшы һава торышына. 2 июль - ай мөгезенә «чиләк элеп» булса - көннәр коры торыр, «чиләк элеп» булмаса - яңгырга. 3 июль - үрмәкүч ятьмәләрен таратмаса, яңгыр явар. Тагын үрә башласа, һава торышы яхшыга үзгәрер. 4 июль - җил төшкә кадәр бер якка исеп, төштән соң юнәлешен борса, көннәр әйбәт торыр. 5 июль - яңгыр яуса, икмәк уңар. 6 июль - бу көнне яңгыр яуса, озакка сузылмас. 7 июль - мул чык - мул кыяр уңышына. 8 июль - яңгыр явып үтсә, умартачылар өчен уңышлы ел, бал уңар. 9 июль - яңгыр яуса, сентябрь ае яңгырлы булыр. Әгәр көн кояшлы булса, бер атна шундый һава торышы сакланыр. 10 июль - яңгыр яуса, әбиләр чуагына кадәр яңгырлы торыр.    

01.07.2022
Prev. 1 ... 195 196 197 198 199 ... 375 Next
Главная Программа Видео Шортс Поиск