Яңалыклар

Татарстанда шторм кисәтүе игълан ителде

Татарстанда шторм кисәтүе игълан ителде

Бүген Татарстанда карлы һәм җилле һава торышы көтелә. Кайбер урыннарда көчле буран чыгачак. Шуңа бәйле рәвештә, республикада шторм кисәтүе игълан ителде. Җилнең тизлеге урыны белән секундына 22 метрга, ә кайбер урыннарда һәм Казанда 25-27 метрга җитә. Юлларда бозлавык һәм кар көртләре, дип кисәтә синоптиклар. Республикада көндез һава температурасы -3, -8 градус, Казанда -3, -5 градус тәшкил итәчәк, дип фаразлыйлар. Юлларда игътибарлы булыгыз!

17.01.2024
Яңа тавышлар!

Яңа тавышлар!

«ШАЯН ТВ»ның YouTube каналында «Койрыклы җырчылар» музыкаль проектының яңа чыгарылышын карагыз! Җырлы зоопарк, мавыктыргыч хайваннар дөньясы һәм иң үзенчәлекле тавышлар дөньясына чакырабыз! Бу чыгарылышта сез озынборын, торна, күгәрчен һәм керпе тавышларын ишетә аласыз!

17.01.2024
Казанда кайда тимераякта шуарга була?

Казанда кайда тимераякта шуарга була?

Тимераяксыз кыш була алмыйдыр! Менә сезгә Казан шугалакларының тулы исемлеге һәм прокат бәяләре! Кышны актив ял итеп, күңелле үткәрегез! 1. «Дубравная» чаңгы базасы шугалагы Каток урман эчендә урнашкан. Монда боз мәйданчыгында гына түгел, ә урман буйлатып, агачлар эчендә дә йөрергә була. Шугалактан ерак түгел кафе урнашкан, анда шуучылар ял итә һәм кайнар чәй белән җылына ала. Бәясе: үз тимераякларың белән керү - 50 сум, тимераяк алып тору - 150 сум. 2. «Тасма» шугалагы «Тасма» стадионы - Казандагы иң зур шугалакларның берсе. Бирегә килүчеләргә уңайлы булсын өчен җылы чишенү бүлмәләре бар. Буфетта кайнар чәй эчәргә мөмкин. Бәясе: үз тимераякларың белән керү - 50 сум, тимераяк алып тору - 100 сум. 3. Кремль яр буендагы шугалак 1 чакрымга сузылган Европадагы иң озын шугалак. Кичке утлар һәм музыкаль бизәлеш чын бәйрәм атмосферасын барлыкка китерә. Монда килүчеләр боз мәйданчыгының уңайлы булуын, шулай ук берничә кафе һәм ресторан барлыгын билгеләп үтә. Бәясе: үзеңнең тимераякларың белән керү - 200 сум, алып тору - 200 сум. Рәсем Яндекстан алынды 4. «Карбышев» скверында шугалак 1158 кв.м мәйдандагы шугалак Карбышев урамы буйлап урнашкан. Сквер яңа ел рухы белән бизәлгән, агачларда йолдызлар күренә, үзәктә матур чыршы урнашкан. Бәясе: үз тимераякларың белән керү бушлай, алып тору - 200 сум - олылар, 100 сум - балалар. 5. «Ракета» стадионындагы шугалак Әлеге шугалак Дәрвишләр бистәсендәге «Ракета» стадионында урнашкан. Киң мәйданчык, тигез боз, яхшы музыка һәм күңелле атмосфера, һичшиксез, кәефегезне күтәрәчәк. Бәясе: үз тимераякларың белән керү - 150 сум - олылар, 80 сум - балалар, алып тору - 120 сум - өлкәннәр, 60 сум - балалар. 6. «Черек күл» паркындагы шугалак Бирегә килүчеләр шугалакта тигез боз булуын, рәхәт музыка һәм яңа ел кәефен билгеләп үтә. Җылыныр өчен урын һәм тәмле кайнар чәй белән дә сыйланырга мөмкин. Бәясе: үз тимераякларың белән керү бушлай, алып тору - 200 сум - олылар, 100 сум - балалар. 7. «Трудовые Резервы» стадионындагы шугалак Бу шугалак Горький паркында урнашкан һәм Казанда иң зурларыннан санала. Тимераякта шуучылар өчен җылы бинада уңайлы чишенү бүлмәсе бар, буфетта кайнар чәй яки кофе эчәргә мөмкин. Бәясе: үз тимераяклары белән керү - 100 сум, алып тору - 200 сум - олылар, 100 сум - балалар.

16.01.2024
15 гыйнвар – Кышлаучы кошлар көне

15 гыйнвар – Кышлаучы кошлар көне

15 гыйнвар – Кышлаучы кошлар көне буларак билгеләп үтелә. Безнең якта кышларга калучы кошлар, суыклар җитү белән, кешеләр яшәгән урыннарга киләләр. Бу төр кошларга - чыпчыклар, песнәк, ала карга, чәүкә, саескан, тукран һ.б. керә. Үзләренә азык таба алырга сәләтле кошлар гына безнең якларда кышлый. Чукыр Чукырлар утыз градуслы суыкларда да бала чыгарырга һәм аларны ашатырга сәләтле. Күркә орлыклары белән тукланалар. Алар ризыкны бөкләнгән томшыклары ярдәмендә чукыйлар. Чукырны торак пунктларда очратырга мөмкин түгел. Бу тулысынча урман кошы. Еш кына аларны ылыслы урманнарда күрергә була. Үрмәләч Бу кошны әлеге исем белән агачларны тырнакларын белән эләктереп, кәүсәдән кәүсәгә күчеп йөри алуы өчен атаганнар. Өстәвенә, алар еш кына башларын түбән игән килеш вертикаль юнәлештә хәрәкәт итәләр. Гадәттә, тукраннарның иске ояларында, агач куышларында яшиләр. Карабүрек Карабүрекләр ылыслы һәм катнаш урманнарда яшиләр, чөнки аларга төп азык булып чыршы, нарат, җиләк орлыклары, миләш һәм агач бөреләре хезмәт итә. Җәен әлеге кошларны күрү мөмкин түгел диярлек. Чыпчык Йорт чыпчыгы һәм аларның 12 төре утрак яшәү рәвеше алып бара. Кошлар бөтен төр ризык белән дә туклана. Сикереп хәрәкәт итүләре белән үзенчәлекле булып торалар. Миләш чыпчыгы Төньяк ярымшарның тайгадагы урманнарында киң таралганнар. Бу кошның башында кикриге бар. Кышлау вакытында алар бер урында утырмыйлар. Шуңа күрә аларны күченүче дип атыйлар, чөнки алар даими рәвештә азык эзләү белән мәшгуль. Песнәк Бу кошлар бер тәүлек эчендә бөҗәкләрнең һәм корткычларның ярты меңләп личинкасын юк итә алулары белән гаҗәпләндерәләр. Салкыннар башлангач, песнәкләр кешеләр яши торган җирләргә якынрак күченәләр, чөнки биредә азык калдыкларын табу җиңел. Тукран Тукраннар, гадәттә, урманнарда яшиләр. Алар үзләренең каты томшыклары белән агач куышларын тишәләр һәм төрле бөҗәкләрне юк итәләр. Шулай итеп, үсемлекләргә бәяләп бетергесез файда китерәләр. Көз һәм кыш көне исә үсемлек азыгына күчәләр. Саескан Саесканга «карак» дигән кушамат тагылган. Ул, чыннан да, бөтен ялтыравыклы һәм матур әйберләргә кызыга. Саескан - акыллы кош. Орнитологлар аның башка канатлылардан акыллырак булуын исбатлаганнар, чөнки саесканнар гына үзләрен көзгедә күреп, таный алалар икән. Барлык рәсемнәр дә Яндекстан алынды Кыш кошлар өчен бик зур сынау. Менә шул вакыт алар безнең янда күбрәк чуала башлыйлар, кешеләрдән саклау һәм яклау көтәләр. Шуңа күрә канатлы дусларыбызга җимлекләр элеп сөендерик!                          

15.01.2024
Кыш турында сез белмәгән 10 кызыклы факт

Кыш турында сез белмәгән 10 кызыклы факт

Ә сез кыш турында ниләр беләсез? Без сезгә кызыклы фактлар тәкъдим итәбез! 1. Кар бөртекләре, кешеләр кебек үк, бер-берсеннән аерылалар. Еллар буе барган тикшеренүләрдә бер-берсенә охшаш ике кар бөртеге табылмаган. 2. Боз сөңгеләре күп очракта йортның көньяк өлешендә барлыкка киләләр. 3. Җир йөзендәге 7 миллиардтан артык кешенең яртысыннан артыгы бер тапкыр да кар күрмәгән. 4. Кеше кулына эләккән иң эре кар бөртегенең диаметры 38 см булган. 5. Иң салкын температура 2013 елда җир йөзенең иң салкын материгында – Антарктидада теркәлгән. Термометр баганалары -91,2 градус күрсәткән. 6. Антарктида материгында иң биек тауда кызыл, сары һәм алсу төстәге карны күргәннәр. 7. Кар бөртекләре суга әйләнергә өлгермәгән пардан ясалалар, 90 процент һавадан торалар, шуңа күрә җилсез көнне җиргә бик акрын төшәләр. 8.  Кар үзенә төшкән кояш нурларын кире кайтара. Шуңа күрә ул кояшлы көндә нык кына сукырайта һәм шунлыктан кыш көне җир җылынмый. Кояш нурларының 90 проценты диярлек кире космоска китә. 9.  Чиста кар ашау өчен яраклы. Ләкин, аны ашаганда, организмыгызны калорий белән баетуга караганда, энергияне күбрәк тотасыз. 10.  Кар бөртекләре җырларга сәләтле. Тик, ишетү сәләте чикләнгәнлектән, кеше бик түбән ешлыкларны ишетми. Галимнәр туңган кристалларның суга кагылгач аваз чыгарганнарын ишеткәннәр. Сүз уңаеннан, бу аваз балыкларны бик ярсыта.

15.01.2024
Айваз Садыров үзе алып барган туйдагы иң сәер очрак турында сөйли

Айваз Садыров үзе алып барган туйдагы иң сәер очрак турында сөйли

«ШАЯН ТВ»ның YouTube каналында «Килде-китте ШОУ» проектының яңа чыгарылышы дөнья күрде! Тапшыруның кунагы – танылган алып баручы Айваз Садыров. Айваз “50 сорау” тапшыруы һәм ни өчен Илсөя Бәдретдинова белән чыгарылышның әлегә чыкмавы, корпоративлар алып баруда күпме акча эшләве, радио алып баручысы карьерасының ничек башлануы, үзе алып барган туйдагы иң сәер очрак һәм әлегә кадәр әти-әнисе белми калган балачак маҗарасы хакында сөйли. Эксклюзив тапшыруны сылтама буенча узып карагыз.  

12.01.2024
Prev. 1 ... 101 102 103 104 105 ... 375 Next
Главная Программа Видео Шортс Поиск