Яңалыклар

Гөлназ Асаева белән эксклюзив әңгәмә

Гөлназ Асаева белән эксклюзив әңгәмә

Бүген 18:00 сәгатьтә «ШАЯН ТВ»ның YouTube каналында «Килде-китте ШОУ» тапшыруының яңа чыгарылышы чыгачак! Популяр җырчы Гөлназ Асаева белән эксклюзив әңгәмәне күрми калмагыз! Гөлназ Виллины кызганулары, үзен усал диюләре, ире белән аерылып торулары, кемнең күпме акча эшләве, төп керем чыганаклары һәм яңа җырлары турында сөйләячәк. Тапшыруны сылтама буенча узып карагыз.  

25.01.2024
Өйдә эскимо ясыйбыз

Өйдә эскимо ясыйбыз

24 гыйнварда иң татлы бәйрәм - «Халыкара эскимо көне» билгеләп үтелә. Туңдырма бәхетле балачак символларының берсе. Өлысы да, кечесе дә бу татлыкайны бик яратып ашый. Ни өчен әлеге бәйрәм гыйнварда үткәреләме? Чөнки аны уйлап тапкан өчен 1922 елның нәкъ шушы көнендә АКШның Онава шәһәрендә тәм-томнар кибете хуҗасы Христиан Нельсон эскимога патент ала. «Эскимо» французлардан килгән сүз, дигән фикер дә бар. Эскимос костюмына охшаган балалар комбинезонын алар нәкъ шулай атап йөрткән. Шунлыктан “шоколадлы” комбинезон кигән туңдырмага эскимо дигән исем биргәннәр. Рәсем Яндекстан алынды Эскимоны үзебез ясап карыйк әле. Рецепт бик гади: Кирәк булачак: - 1 банан, - 100 грамм туңдырылган җиләк яки чия, - 150 грамм йогырт, - 1 аш кашыгы бал. Әзерләү барышы: Бананны кабыгыннан әрчеп, туңдырылган җиләкләр белән блендерга салып изәргә. Йогырт һәм бал өстәргә, яхшылап болгатырга. Формаларга салып, туңдыргычта ким дигәндә 3 сәгать тотарга кирәк. Аннары әзер, катырылган катнашманы эретелгән шоколадка манып алырга һәм кабаттан туңдыргычта бераз тотарга. Берничә минуттан эскимо әзер дә була! Бәйрәм уңаеннан үзегезне бу татлы ризык белән сөендерегез, дуслар!            

24.01.2024
«ШАЯН ТВ»да премьера

«ШАЯН ТВ»да премьера

«ШАЯН ТВ» каналында премьера! Тылсымлы йөк машиналарының яңа маҗараларын карарга чакырабыз! «Робот поездлар. Караңгы энергия» мультсериалы бүгеннән эфирда! Мастер Икс һәм ул уйлап тапкан – караңгы энергия - булачак Поездлар иленә яный. Поездларның көрәштәше Дюк Дозорларга ярдәмгә килә һәм алар ягына күчә. Дозорларның командасы элекке дошманы Дюкка ышана алырмы? Мастер Икс аларның сәләтләрен киметкәннән бирле башка сайлау мөмкинлеге юк. Джинни белән Дюк караңгы энергиягә каршы торырга сәләтле көч тудырачаклар. Яңартылган Мастер Икска каршы көрәш якынлаша. Макси белән Кей караңгы энергияне үзләре генә җиңә алырлармы? Дүшәмбедән-җомгага кадәр 12:00 һәм 20:00 сәгатьләрдә «ШАЯН ТВ» каналында «Робот поездлар. Караңгы энергия» карагыз.

24.01.2024
Кояшта көчле шартлаулар булырга мөмкин?

Кояшта көчле шартлаулар булырга мөмкин?

КОЯШТА ШАРТЛАУЛАР БУЛЫРГА МӨМКИН? Һиндстан галимнәре, 2024 ел башында Кояшта көчле шартлаулар булырга мөмкин, дип кисәтә. Ул магнит давыллары чыгара, ясалма иярченнәрнең эшчәнлеген боза, ике атнага кадәр интернетсыз да калдырырга мөмкин. Тикшеренүләр буенча, Кояш 11 елга бер тапкыр иң югары циклын уза. Белгечләр көчле шартлауны 2025 ел азагында көтә. Соңгы вакытта кояшта ниндидер тайпылышлар бара. Астрономнар анда ярык барлыкка килүен ачыклаганнар. Узган елның 4 декабреннән әлеге ярык Җиргә таба борылган, бу көчле магнит давыллары чыгуга сәбәпче була ала. БУ ЕЛНЫҢ ТӨСЕ НИНДИ? Pantone төсләр институты 2024 елның төсен билгеләгән. Бу елга шәфталу – персик төсе (Peach fuzz) хас. Ул киемнәрдә генә түгел, җиһазлар, тауарларның кабында да урын алачак. Peach fuzz – мамык сыман йомшак дигәнне аңлата, ул персикның тышчасын сурәтли. Бу төсне “җылы” һәм “уңайлы” дип билгелиләр. Әлеге институт 2000 елдан бирле һәр елга төс сайлый. 2023 елның төсе куе кызыл иде. Рәсемнәр Яндекстан алынды ИҢ ОЗЫН ТАШКАБАК Канадада иң озын ташкабак үстерелгән. Онтарио провинциясендә яшәүче фермер Генри Анджела үстергән рекордлы ташкабак аның үзеннән дә зуррак, ул 2,6 метр озынлыкта. Фермер ташкабакны 10 еллап үстерә. Аның рекорд кую максаты булмаган. Ташкабакка яңа җир кишәрлеге файдага булган. Уңышның сере – су сибү һәм ашлау гына. Гигант яшелчә хәзер Гиннес рекордлар китабы вәкилләре килгәнне көтә. Моңа кадәрге рекорд 2014 елда теркәлгән. Ул Джон Джованни Скозафавейнның 2,5 метр озынлыктагы ташкабагы булган.                                                      

23.01.2024
Кыш кар күп булса, җәй яңгырлы булыр

Кыш кар күп булса, җәй яңгырлы булыр

Кышкы бураннар тынды, ялтырап кояш чыкты! Әкияти кышкы көннәр дәвам итә! * Кыш көне йолдызлар бик яктырып торса, көннәр суык булыр. * Кыш көне болытлар юлланып торса, җәй җылы булыр. * Кыш кар күп булса, җәй яңгырлы булыр. * Кышның төньяк бураннары ашлык җыйганда яңгыр китерер. * Гыйнварның егерме дүртендә булса аяз, бик нәфис килер яз. * Кыш бәс, томан булса, җәй иген уңа. * Кыш көне яңгыр яуса, икмәк булыр.   * Кыш сыкы булса, җәй алма була. * Кыш томан булса, җәй юкәдә бал була. * Әгәр кар вак кына бөртекле, сирәк кенә төшкәләсә, бик озак суык булыр. * Әгәр елга суы боз өстенә чыкса, көн җылытыр. * Кыш көнендә урман җилсез шауласа, буран булыр. * Чыпчыклар кыш көне җыелышып бер урында чыркылдашсалар, җылы булып кар явар. * Кыш карсыз булса, җәй ярлы була. * Кояш кыш көне кызарып чыкса — салкын буласын көт.            

23.01.2024
Попкорн ашап, яраткан фильмнар карау өчен мөмкинлек

Попкорн ашап, яраткан фильмнар карау өчен мөмкинлек

22 гыйнвар – попкорнның туган көне! Нәкъ менә бүген, попкорн ашап, яраткан фильмнарны карар өчен менә дигән мөмкинлек! * Нәкъ менә 385 ел элек, 1630 елда, кукуруз орлыкларының кайнар температурада шартлап ярылуларын һәм рәвешен үзгәртүен күргәннәр. Бу күренешне пожар вакытында күзәткәннәр дип фаразланыла. Шуннан башлап попкорн җитештерә башлаганнар. * XVI гасыр башында Мексика халкы попкорнны ризык сыйфатында гына түгел, ә чәчләрне бизәү, муенсалар буларак бизәнү өчен дә кулланганнары мәгълүм. Рәсем Яндекстан алынды * Кукуруз бөртекләре җылытканнан гына попкорнга әверелмиләр. Моның өчен аларны 190 градуска кадәр җылытырга кирәк. * Россиядә попкорн 1945 елда барлыкка килә. Аның өчен бөртекләрне АКШтан китергәннәр. Ә попкорн әзерләү өчен аппарат Россиядә 1991 елда гына барлыкка килә. * Нью-Мексико янындагы Бейт Кейв мәгарәсендә попкорнның иң борынгы бөртекләре табылган. Галимнәр фикеренчә, бу бөртекләрнең яше 5000 елдан артык. * Попкорнда В төркеме витаминнары, А, С, калий, магний һәм антиоксидантлар бар.  

22.01.2024
Prev. 1 ... 99 100 101 102 103 ... 375 Next
Главная Программа Видео Шортс Поиск