Яңалыклар

Социаль челтәрләргә языл

Социаль челтәрләргә языл

«ШАЯН ТВ» каналы үзенең социаль челтәрләрендә һәрдаим берсеннән-берсе шәп бәйгеләр үткәрә һәм тамашачыларын бүләкләр белән сөендерә. Хәзерге вакытта Telegram каналда бәйге бара! Сылтама буенча уз, катнаш һәм яраткан каналыңнан истәлекле бүләкләр от. Иң кайнар яңалыклар, кызыклы тапшырулар, файдалы лайфхакларны күрми калма. «ШАЯН ТВ»ның социаль челтәрләренә языл һәм яңалыклар артыннан күзәтеп бар: ВКонтакте, Телеграм, Rutube, YouTube.    

26.01.2024
ГӨЛНАЗ АСАЕВА: «ВИЛЛИНЫҢ СТИЛЕН АҢЛАМЫЙМ»

ГӨЛНАЗ АСАЕВА: «ВИЛЛИНЫҢ СТИЛЕН АҢЛАМЫЙМ»

«ШАЯН ТВ»ның YouTube каналында чыгучы «Килде-китте ШОУ» тапшыруында Гөлназ Асаева Вильданны кызганулары һәм үзен усал диюләре хакында сөйләде. - Барысы да: «Вильданны кызганыч, шундый усал Гөлназга килеп эләкте», - дип сөйли. Безнең нинди генә хәл килеп чыкса да, бөтен әйбердә гел Вильдан баш. Мин үземне яхшы итеп күрсәтүдән әйтмим. Чыннан да, бездә Вильдан баш. Беренчедән, ул миннән башлырак, уңганрак, тырышрак һәм мин барыбер анда зур авторитет күрәм. Сәхнәдә, бәлки, мин өстенрәк күренәмдер, тик тормышта мин тулысынча «ирем артында» яшим. Моның белән, һичшиксез, бәхетлемен, чөнки мин бөтен әйберне үзе эшли торган, үзе акча эшли, үзе бала үстерә торган хатын-кызлар рәтенә кермим. Барысын да Вильдан хәл итә. Ә сәхнәгә килгәндә, без аның белән бергә эшли алмадык. Аның үз юнәлеше, минем үз стилем. Мин аның стилен аңламыйм, ә ул... Тулырак әңгәмәне «ШАЯН ТВ»ның YouTube каналында карагыз.

26.01.2024
Гөлназ Асаева белән эксклюзив әңгәмә

Гөлназ Асаева белән эксклюзив әңгәмә

Бүген 18:00 сәгатьтә «ШАЯН ТВ»ның YouTube каналында «Килде-китте ШОУ» тапшыруының яңа чыгарылышы чыгачак! Популяр җырчы Гөлназ Асаева белән эксклюзив әңгәмәне күрми калмагыз! Гөлназ Виллины кызганулары, үзен усал диюләре, ире белән аерылып торулары, кемнең күпме акча эшләве, төп керем чыганаклары һәм яңа җырлары турында сөйләячәк. Тапшыруны сылтама буенча узып карагыз.  

25.01.2024
Өйдә эскимо ясыйбыз

Өйдә эскимо ясыйбыз

24 гыйнварда иң татлы бәйрәм - «Халыкара эскимо көне» билгеләп үтелә. Туңдырма бәхетле балачак символларының берсе. Өлысы да, кечесе дә бу татлыкайны бик яратып ашый. Ни өчен әлеге бәйрәм гыйнварда үткәреләме? Чөнки аны уйлап тапкан өчен 1922 елның нәкъ шушы көнендә АКШның Онава шәһәрендә тәм-томнар кибете хуҗасы Христиан Нельсон эскимога патент ала. «Эскимо» французлардан килгән сүз, дигән фикер дә бар. Эскимос костюмына охшаган балалар комбинезонын алар нәкъ шулай атап йөрткән. Шунлыктан “шоколадлы” комбинезон кигән туңдырмага эскимо дигән исем биргәннәр. Рәсем Яндекстан алынды Эскимоны үзебез ясап карыйк әле. Рецепт бик гади: Кирәк булачак: - 1 банан, - 100 грамм туңдырылган җиләк яки чия, - 150 грамм йогырт, - 1 аш кашыгы бал. Әзерләү барышы: Бананны кабыгыннан әрчеп, туңдырылган җиләкләр белән блендерга салып изәргә. Йогырт һәм бал өстәргә, яхшылап болгатырга. Формаларга салып, туңдыргычта ким дигәндә 3 сәгать тотарга кирәк. Аннары әзер, катырылган катнашманы эретелгән шоколадка манып алырга һәм кабаттан туңдыргычта бераз тотарга. Берничә минуттан эскимо әзер дә була! Бәйрәм уңаеннан үзегезне бу татлы ризык белән сөендерегез, дуслар!            

24.01.2024
«ШАЯН ТВ»да премьера

«ШАЯН ТВ»да премьера

«ШАЯН ТВ» каналында премьера! Тылсымлы йөк машиналарының яңа маҗараларын карарга чакырабыз! «Робот поездлар. Караңгы энергия» мультсериалы бүгеннән эфирда! Мастер Икс һәм ул уйлап тапкан – караңгы энергия - булачак Поездлар иленә яный. Поездларның көрәштәше Дюк Дозорларга ярдәмгә килә һәм алар ягына күчә. Дозорларның командасы элекке дошманы Дюкка ышана алырмы? Мастер Икс аларның сәләтләрен киметкәннән бирле башка сайлау мөмкинлеге юк. Джинни белән Дюк караңгы энергиягә каршы торырга сәләтле көч тудырачаклар. Яңартылган Мастер Икска каршы көрәш якынлаша. Макси белән Кей караңгы энергияне үзләре генә җиңә алырлармы? Дүшәмбедән-җомгага кадәр 12:00 һәм 20:00 сәгатьләрдә «ШАЯН ТВ» каналында «Робот поездлар. Караңгы энергия» карагыз.

24.01.2024
Кояшта көчле шартлаулар булырга мөмкин?

Кояшта көчле шартлаулар булырга мөмкин?

КОЯШТА ШАРТЛАУЛАР БУЛЫРГА МӨМКИН? Һиндстан галимнәре, 2024 ел башында Кояшта көчле шартлаулар булырга мөмкин, дип кисәтә. Ул магнит давыллары чыгара, ясалма иярченнәрнең эшчәнлеген боза, ике атнага кадәр интернетсыз да калдырырга мөмкин. Тикшеренүләр буенча, Кояш 11 елга бер тапкыр иң югары циклын уза. Белгечләр көчле шартлауны 2025 ел азагында көтә. Соңгы вакытта кояшта ниндидер тайпылышлар бара. Астрономнар анда ярык барлыкка килүен ачыклаганнар. Узган елның 4 декабреннән әлеге ярык Җиргә таба борылган, бу көчле магнит давыллары чыгуга сәбәпче була ала. БУ ЕЛНЫҢ ТӨСЕ НИНДИ? Pantone төсләр институты 2024 елның төсен билгеләгән. Бу елга шәфталу – персик төсе (Peach fuzz) хас. Ул киемнәрдә генә түгел, җиһазлар, тауарларның кабында да урын алачак. Peach fuzz – мамык сыман йомшак дигәнне аңлата, ул персикның тышчасын сурәтли. Бу төсне “җылы” һәм “уңайлы” дип билгелиләр. Әлеге институт 2000 елдан бирле һәр елга төс сайлый. 2023 елның төсе куе кызыл иде. Рәсемнәр Яндекстан алынды ИҢ ОЗЫН ТАШКАБАК Канадада иң озын ташкабак үстерелгән. Онтарио провинциясендә яшәүче фермер Генри Анджела үстергән рекордлы ташкабак аның үзеннән дә зуррак, ул 2,6 метр озынлыкта. Фермер ташкабакны 10 еллап үстерә. Аның рекорд кую максаты булмаган. Ташкабакка яңа җир кишәрлеге файдага булган. Уңышның сере – су сибү һәм ашлау гына. Гигант яшелчә хәзер Гиннес рекордлар китабы вәкилләре килгәнне көтә. Моңа кадәрге рекорд 2014 елда теркәлгән. Ул Джон Джованни Скозафавейнның 2,5 метр озынлыктагы ташкабагы булган.                                                      

23.01.2024
Prev. 1 ... 103 104 105 106 107 ... 378 Next
Главная Программа Видео Шортс Поиск