Яңалыклар

«Сәйлән» телевизион музыкаль фестиваленең финал этабын төшерделәр
Канал яңалыклары

«Сәйлән» телевизион музыкаль фестиваленең финал этабын төшерделәр

«ШАЯН ТВ» каналында «Сәйлән» телевизион җыр проекты үз эшен дәвам итә. Кичә аның финал чыгарылышлары төшерелде. Кабат сынаулар, зур сәхнә, «йолдызлы» жюридан кабатланмас киңәшләр һәм күп сюрпризлар! Бу атнада балаларны Татарстанның халык артистлары Винера Ганиева, Айдар Галимов, Эльмира Калимуллина, Татарстанның атказанган артисты Артур Исламов, популяр җырчылар Илвина һәм Илгиз Шәйхразиев бәяләде. Сезоннар ярышының иң кызган чагы! Финалда 8 катнашучы «Сәйлән» сынын алу өчен көч сынаша! Быелгы сезонның иң зур яңалыгы – Гран-при! Финалистларның берсе әлеге исемгә лаек булачак! Җиңүчеләр арасыннан җиңүчене сайлап алу җиңел булмаячак! Грандиоз вокаль шоуның алтынчы сезонының премьерасын һәр якшәмбе «ШАЯН ТВ» каналында карарга мөмкин!

28.10.2024
«ШАЯН ТВ» «ТЭФИ-KIDS» 2024 премиясендә җиңүче
Канал яңалыклары

«ШАЯН ТВ» «ТЭФИ-KIDS» 2024 премиясендә җиңүче

Бүген Мәскәүнең «ET CETERA» бинасында «ТЭФИ-KIDS» 2024 телевизион милли премиясе җиңүчеләрен бүләкләү тантанасы узды! «ШАЯН ТВ» беренче татар балалар каналы бу дәрәҗәле бәйгедә җиңү яулады һәм лауреат исеменә лаек булды! «ТЭФИ-KIDS» 2019 елда Россия телевидениесе академиясе тарафыннан гамәлгә куелды һәм балалар контенты өлкәсендә эшләүче иң оста профессионалларны бүләкли. Әлеге проект төбәк һәм федераль балалар телевидениесен мәдәни яктан үстерә, балалар телеканаллары хезмәткәрләренең һөнәри дәрәҗәсен арттыра һәм белгечләргә тәҗрибә алмашырга ярдәм итә. Быел исә «ТЭФИ-KIDS» 2024 балалар киносы һәм телевидениесе өлкәсендәге Россия милли премиясендә катнашуга 215 эш җибәрелгән. Алты ел уздырылган премия тарихында бу рекордлы күренеш. «ШАЯН ТВ» каналының алып баручысы Ислам Хәбибуллин «Иң яхшы балалар өчен тапшырулар алып баручы» номинациясендә көч сынашты һәм лауреат булды! Әйтерә кирәк, бәйге кысаларында көндәшлек көчле булды! «ШАЯН ТВ» Мәскәүнең «Россия К» һәм «СОЛНЦЕ» телеканаллары белән көч сынашты. Шуңа да карамастан, максатына иреште! Бөтен дөньяга танылган, тәҗрибәле, каналлар арасында җиңү яулау - зур дәрәҗә! Чиксез горурланабыз һәм зурдан-зур уңышлар телибез!

28.10.2024
«Ахырзаман балыгы»н тотканнар
Популяр яңалыклар

«Ахырзаман балыгы»н тотканнар

Австралиянең төньягында балыкчылар «ахырзаман балыгы» тотканнар. Сельдь короле дип исемләнгән әлеге балыкны бу территориядә беренче тапкыр күрүләре. Сельдь короле - Дөнья океанындагы иң сәер төр. Риваятьләр буенча, сельдь королен төрле катаклизм, җир тетрәуләр хәбәрчесе дип саныйлар. 2011 елда Япониядә көчле җир тетрәү, Фукусимадагы коточкыч цунами алдыннан дулкыннар яр буена берничә дистә шушы балыкны чыгарып ташлаган иде. Моны галимнәр дә кире какмый. Җир тетрәү алдыннан тектоник плитәләр селкенү сәбәпле, тирәндә яшәүче гигант балыкның ияләшкән урыныннан кузгалып өскәрәк чыгуы ихтимал. Сельдь королен икенче төрле «ремень-балык» дип тә йөртәләр. Ул 11 метрга кадәр үсә ала, 900 метр тирәнлеккә төшә. Бу балык тропик зоналардагы җылы суларда яши, горизонталь йөзә алмау сәбәпле, ихтиопланктон дип санала. Гәүдәсе бик зур булса да, йөзгәндә башын вертикаль тотарга сәләтле. Сельдь королен ауламыйлар, аннан балыкчылар курка, ялгыш тотылган очракта да ашамыйлар. Фото: Яндекс

25.10.2024
Премьера! «Сәйлән» проектының ярымфинал чыгарылышы эфирга чыга
Канал яңалыклары

Премьера! «Сәйлән» проектының ярымфинал чыгарылышы эфирга чыга

27 октябрь көнне 12:00 һәм 17:00 сәгатьләрдә «ШАЯН ТВ» каналында «Сәйлән» телевизион җыр фестиваленең ярымфиналы эфирга чыгачак! Ниһаять, ярымфиналга да якынлаштык! «Сәйлән»нәрне Татарстанның халык артистлары Зәйнәб Фәрхетдинов, Рөстәм Асаев һәм Татарстанның атказанган сәнгать эшлеклесе Эльмир Низамов бәяләячәк. Һәр якшәмбе зәңгәр экраннарда грандиоз «Сәйлән» проектының яңа чыгарылышларын карагыз һәм кушылып җырлагыз!

25.10.2024
Зинира Рамазанова гаилә серләре белән бүлеште
Популяр яңалыклар

Зинира Рамазанова гаилә серләре белән бүлеште

«Килде-Китте ШОУ» кунагы – Башкортстанның атказанган артисты Зинира Рамазанова. Популяр җырчы гаилә мөнәсәбәтләре, балалар тәрбиясе һәм авылда яшәргә әзер булуы хакында сөйли. Эксклюзив әңгәмәне сылтама буенча узып, «ШАЯН ТВ»ның YouTube каналында карагыз!

25.10.2024
«ШАЯН ТВ» премьера тәкъдим итә
Канал яңалыклары

«ШАЯН ТВ» премьера тәкъдим итә

«ШАЯН ТВ» каналында премьера! «Спорт Тоша» мультсериалы иртәгәдән эфир киңлекләренә чыга! «Спорт Тоша» - күңелле спорт энциклопедиясе! Энциклопедияне балалар һәм аларның әти-әниләре өчен аҗдаһа Тоша һәм арыслан баласы Лёва ача. Алар белән бергә спортның төрле төрләре турында белергә һәм хәтта шөгыльләнеп карарга да була. Мөлаем геройларның спорт маҗараларына кушылыгыз! Аждаһа Тоша һәм ана арыслан Лёва чемпионнар булып үсәргә телиләр һәм үзләрен бөтен нәрсәдә сынап карыйлар. Сабыр йөрәкле аҗдаһа Тоша һәм үҗәтлеккә ия Лёва - менә дигән команда! Ә төп кагыйдәләрне һәм спорт серләрен алар яңа дусларыннан: футбол тубы, теннис ракеталары, йөгерү кроссовкалары һәм башка җанлы спорт предметларыннан өйрәнәләр. Хәзер алар спортның зур һәм гаҗәеп дөнья булуын, анда һәркем үз көчен сынап карый алуын, ә дуслыкның исә бу эштә җиңәргә ярдәм итүен яхшы аңлыйлар. Беренче җиңүләргә һәм рухландыра торган ачышларга каршы барырга чакырабыз! Премьераны эш көннәрендә 08:10 һәм 16:10 сәгатьләрдә карагыз. Фото: Яндекс

24.10.2024
Модада - яңа аерткан бал төсе
Популяр яңалыклар

Модада - яңа аерткан бал төсе

Бүгенге яшьләрнең кием-салымына 1990 еллар стиле әйләнеп кайтты. Хәзер ул заманнардагы сыман киң джинсы чалбар, рәсемле футболка, ясалма күн куртка һәм калын табанлы кроссовка киеп йөрү модада. * Кара белән кызыл, кара белән сары, кара белән кызгылт-сары, кара белән яшел төсләрне бергә катнаштыру модада. Һәм тагын быелгы көзнең иң модалы төсе - яңа аертылган бал төсе. * Төрле стильләрне катнаштыру (әйтик, спорт стилен классика белән бергә кию), катлы-катлы кием, күп кесәле бомбер (куртка) - болар барысы да яшьләрнең үзенчәлекле булуын искәртә. * Башкалардан аерылып тору өчен, рәсемле шарф, яулык урарга, алка-беләзекләр тагарга мөмкин. * Башлык кию өчен көн суытканны көтәргә кирәкми. Төрле төсле, рәсемле, төрле формадагы, озынлыктагы башлыкларны җылырак чакта ук кия башладылар. Фото: Яндекс

23.10.2024
Дили белән Налидан яңа тапшыру
Канал яңалыклары

Дили белән Налидан яңа тапшыру

«ШАЯН ТВ»ның YouTube каналында «ДилиНали» дип исемләнгән тапшыруның өр-яңа чыгарылышы дөнья күрде! Күңел ачу программасында төп геройлар Дили белән Нали тамашачыларны җырлы форматта әйләнә-тирә дөнья белән таныштыра. Яңа чыгарылышта нәниләрне мавыктыргыч транспорт дөньясына чакырабыз! Барлык транспорт төрләрен бергәләп өйрәнәбез! Сылтама буенча премьераны карарга ашык!

23.10.2024
Prev. 1 ... 103 104 105 106 107 ... 425 Next
Главная Программа Видео Шортс Поиск