Яңалыклар

Кояш бәхет гормоннары бүләк итә: дөресме әллә ялганмы?

Күктән кояшның ягымлы елмаеп карый башлавының сере ачылды. Баксаң, Кояш көне килеп җиткән икән бит, дуслар! 3 май көнне бөтен дөньяда Кояш көне билгеләп үтелә. Кояш - Җир шарына иң якын бердәнбер йолдыз. Ул үзенең тирәсендә урнашкан күк җисемнәре белән Кояш системасын барлыкка китерә. Табигатьнең иң саф, яшәреп кенә килә торган чагы бит ул май башы! Ә үләннәр үсәргә, чәчәкләр бөреләнеп атарга ягымлы кояш бик кирәк. Әле алай гына да түгел, кояш безгә дә бик тансык. Матдәләр алмашын яхшыртырга, бетчәләрдән котылырга, иммунитетны ныгытырга, стрессларга каршы торучанлыкны арттырырга дисәң, май кояшыннан да яхшысы юк, диләр белгечләр. Бәхет һәм шатлык гормоны сератонин актив эшләнеп чыксын, кешенең кәефе тиешле югарылыкта булсын өчен дә кояш нурлары алыштыргысыз! Бүгенге салкын һава торышына карамастан, сезнең күңелегездә һәрчак кояш балкып торсын, дуслар!

03.05.2024

Канал яңалыклары

Ялларга - премьера

«ШАЯН ТВ» каналы ял көннәренә премьера әзерләде. «Арктика. Иртәгә күрешербез» документаль фильмы якын киләчәктә Арктиканы үстерү перспективалары турында сөйли. Бу мәһабәт кырыс җирлек XXI гасыр уртасында нинди булачак? Уңайлы яшәү шартлары, яңа өзелгән җиләк-җимеш һәм яшелчәләр, идарә ителә торган робот Да Винчи башкаруында беренче класслы медицина ярдәме, төньякның табигатен саклаучы тыюлык паркы һәм студентлар өчен халыкара кампус, туристларны матур поляр җирләргә сәяхәт иттерә торган лайнер-бозваткыч һәм дрон-курьерлар. Нәрсә бу? Фантастик утопия яки Арктиканың киләчәгеме? «Арктика. Иртәгә күрешербез» фильмыннан карап белә аласыз. Шимбә - 09:45 һәм 21:00, якшәмбе - 17:30 сәгатьләрдә «ШАЯН ТВ» каналында карагыз.

03.05.2024

Популяр яңалыклар

Айдар Галимов хатирәләрен яңартты

«ШАЯН ТВ»ның YouTube каналында «Маршрутка» проектының яңа чыгарылышы чыкты. Программада танылган шәхесләр шәһәрнең үзләре яраткан урыннары буйлап сәяхәт итә һәм хатирәләрен яңарта. Чираттагы чыгарылышның кунагы - Татарстанның һәм Башкортстанның халык артисты - Айдар Галимов. Сәяхәткә син дә кушыл, башкалабызның яраткан урыннарын барла! YouTube каналга рәхим итегез һәм рәхәтләнеп карагыз!

03.05.2024

Популяр яңалыклар

Быелгы май сөендерерме?

Яз фасылының иң матур соңгы ае – майга да аяк бастык! Борыннарны шомырт исләре иркәли, күңелләрне сандугач сайраулары җилкендерә торган яшеллек ае! Халык календаренда май яз белән җәйне кавыштыра торган ай буларак искә алына. Димәк, җәйгә дә күп калмый. Алдагы көннәр безне нинди һава торышы белән сөендерер, бергәләп сыныйк. * Май яңгырлы булса, июнь коры килә яки киресенчә. * Май суык булса – икмәк уңа. * Яңгырлар еш явып, томан еш төшсә – уңышлы елга. * Май яңгырлы булса, июнь коры килә яки киресенчә. * Майда боз яуса, җәен дә явачак. * Күке күкелдәмичә май җылытмый. * Май ае салкын булса – игенгә туклык. * Майның яңгырлы булуы иген-печәнгә файда, җимешкә – зыян. * Торналар бик еш күренсә – корылыкка. * Май аенда коңгызлар күп булса, шулай ук корылык көтелә. * Май аенда яңгырлар күп яуса, сентябрь коры килер. * Шомырт чәчәк атканда һәрвакыт салкыннар көтелә. * Яңгырлар еш явып, томан еш төшсә – уңышлы елга. * Тузганакның иртә язда чәчәк атуы – җәй кыска, ә соң чәчәк атуы – җәй коры булуга.

02.05.2024

Популяр яңалыклар

Татарстанда кар көтелә яки Җирне магнит давылы капларга мөмкин

Татарстанда һава торышы начарлануы көтелә. 3 һәм 4 майда һәм ял көннәрендә яңгыр һәм җепшек кар явуы фаразлана. Җилнең тизлеге секундына 15-20 метрга җитәчәк. Күз күреме начарланырга мөмкин. 3 майда температура 0, +2 градусны тәшкил итә, урыны белән -3 градуска кадәр суытачак. Төнлә һәм иртән юлларда бозлавык булырга мөмкин. Киләсе атнаның беренче яртысында Татарстанда шулай ук салкын һава торышы саклана, явым-төшем дә булырга мөмкин, дип хәбәр итә синоптиклар. Галимнәр 3 майда Җирне магнит давылы капларга мөмкин дип тә кисәтә. 1 майда Кояшта көчле кабынулар булган, алар 41 минут дәвам иткән. Кояшта кабынулар биш класска бүленә: A, B, C, M һәм X, рентген нурланышы куәтенә карап. Әгәр дә куәт 10 тапкырга арта икән, нурланыш киләсе егәрлек классына күчә. Кабынулар исә кояш плазмасы чыгармасы белән бара. Аның болытлары Җиргә барып җиткәндә магнит давылларын китереп чыгарырга мөмкин. Игътибарлы булыгыз!

02.05.2024

Канал яңалыклары

«ШАЯН Галим»: ЯҢА СЕРИЯ

Сез яратып өлгергән «ШАЯН Галим» мультфильмының яңа сериясе чыкты! Кайсы океан иң зурысы? Океанда иң тирән урын кайда? Планктон нәрсә ул? Боларның барысына да төп герой ШАЯН Галим җавап бирә! Мультфильмны «ШАЯН ТВ»ның YouTube каналында карарга мөмкин.

02.05.2024

Канал яңалыклары

Премьера: өр-яңа документаль фильм

«ШАЯН ТВ» каналы өр-яңа документаль фильм тәкъдим итә! «Антарктида. Өч котып аша үтү» сериалы Валдис Пельш белән бергә серле Антарктидага уникаль экспедициягә чакыра! 200 ел элек ачылган һәм аз өйрәнелгән дөньяның әлеге өлеше тикшеренүчеләр һәм сәяхәтчеләрне таң калдыра. Җиде кешедән торган төркем үз алдына зур максат куя - Антарктиданы өч полюс аша узып, кичеп чыгу. Әлегә кадәр дөньяда моны берәү дә эшләмәгән. Сәяхәтчеләр куйган максатларына ирешә алырмы? Дүшәмбедән алып, җомгага кадәр 13:10 һәм 21:10 сәгатьләрдә «ШАЯН ТВ» каналында «Антарктида. Өч котып аша үтү» фильмыннан карап белерсез!

30.04.2024