Яңалыклар

«Балачак җыры» бәйгесендә катнашырга ашыгыгыз

«Балачак җыры» бәйгесендә катнашырга ашыгыгыз

Исегезгә төшерәбез, «Балачак җыры» бәйгесенең бишенче сезонына гаризалар кабул итү дәвам итә! Авторлар һәм композиторлардан өр-яңа шигырьләр һәм көйләр көтәбез! Тизрәк гариза юлларга ашыгыгыз! Бүләкләр зурдан: акчалата приз, җырның профессиональ аранжировкасы һәм клибы! Эшләрегезне [email protected] адресына җибәрегез. Гаризалар 30 апрельгә кадәр кабул ителә! Тулырак мәгълүмат сылтама буенча.

11.03.2024
БАЛАЛАР РЕДКОЛЛЕГИЯСЕ

БАЛАЛАР РЕДКОЛЛЕГИЯСЕ

Бүген сезне тамашачыбыз Зөлфәт Хисамовның шигыре белән таныштырабыз! Кош телләрен әгәр аңласам, Тыңлар идем кошлар җырлавын. Әйтер идем шушы җыр аша Күңелемдә йөрткән уйларым.  Сөйлиләрдер алар кошларның Кай илләрдә очып йөргәнен. Чит җирләрдә гомер иткәндә Туган җирне сагыну хисләрен.  Әгәр кошлар телен аңласам, Кушылыр идем алар җырына. Сөйләр идем сайрар кошларга Газиз туган җирем турында. Дуслар, сез дә безне үзегезнең язмаларыгыз белән таныштырып, хатлар юллый аласыз! Без аны үзебезнең рәсми сайтыбызда урнаштырырбыз! Хатларыгызны [email protected] почтасына җибәрегез!

09.03.2024
Язның иң күркәм бәйрәме белән!

Язның иң күркәм бәйрәме белән!

Кадерле хатын-кызлар - әниләр, әбиләр, апалар, сеңелләр! Сезне язның иң күркәм бәйрәме – Халыкара хатын-кызлар көне белән тәбрик итәбез! Хатын-кыз-ул тулы бер дөнья, аның күңеленә гүзәллек тә, йомшаклык та, иң көчле Ана хисләре дә, гаилә учагы жылысы да сыйган. Сезнен тормышыгыз яхшылык һәм яктылык, якыннарыгызның күңел җылысы һәм игътибары белән тулып торсын! Язның җылы кояш нурыдай һәрвакыт балкып яшәгез!  

08.03.2024
«ШАЯН ТВ» каналы ял көннәренә премьера әзерләде

«ШАЯН ТВ» каналы ял көннәренә премьера әзерләде

«ШАЯН ТВ» каналы ял көннәренә тамашачыларына премьера әзерләде! «Оҗмах кошлары» фильмы эфирга чыга! Хәзерге заман цивилизациясе кагылмаган Папуа-Яңа Гвинеяда кызу экваториаль кояш астында урнашкан якты экосистема бар. Анда үзенчәлекле һәм башка беркайда да очрамый торган кошлар яши, аларны җәннәт кошлары дип атыйлар. Гаҗәеп матур кошлар, аларның яшәеше хакында документаль фильмны шимбә 09:45 һәм 21:00, якшәмбе 17:30 сәгатьтә карагыз!

07.03.2024
Чын яз кайчан килә?

Чын яз кайчан килә?

Без көздән үк язны көтә башлыйбыз. Кояшка, җылыга тартылабыз. Салкыннарны куып җибәрәсе, карларны тизрәк эретәсе, кышкы туннарны салып ташлыйсы килә. Быел чын яз исә март ахырында килер дип көтелә. 4 мартта Казанда температура рекорды куелды. Бу көнне һаваның максималь температурасы +4 градус тәшкил иткән. Башкалабызда 4 март өчен һава температурасының элеккеге абсолют максимумы 1995 елда теркәлгән һәм +3,9 градус тәшкил иткән. Халык сынамышлары буенча яз кайчан тулы куәтенә керешер? * Март берендә аяз – аяз булыр бөтен яз. * Мартта яуган кар бакча җимешенә бик ярар. * Кара карга килгәч, бер айдан кар китәр. * Март башы көн кояшлы булса, яшелчә уңар. * Мартның беренче шимбәсендә кар яуса, чикләвек һәм карабодай уңар.  

06.03.2024
Иртән торуны җиңеләйтүче берничә киңәш

Иртән торуны җиңеләйтүче берничә киңәш

Мәктәптә иң озын, ялыктыргыч өченче чирек бара. Каникуллар да озак көттермәс! Иртән торуны җиңеләйтү өчен бездән сезгә берничә киңәш! 1. Яңа көнне кичтән планлаштырып ятыгыз; 2. Кичтән мәктәпкә кирәкле әйберләрегезне тәртипкә салып ятсагыз, уянуы рәхәтрәк булыр; 3. Будильникны ераграк куегыз; 4. Битне салкын су белән юыгыз; 5. Лимон салып, җылы су эчегез, ул организмны уятып җибәрә; 6. Йоклаган бүлмәне җилләтеп алыгыз; 7. Иртәнге ашка файдалы ризыклар ашагыз;  8. Җиңелчә күнегүләр ясап алу тизрәк уянырга ярдәм итә; 9. Гел бер вакытта торырга тырышыгыз, организм ияләшеп, будильниксыз уяна башлаячак.  

06.03.2024
«КОЯШ» витаминын каян алырга?

«КОЯШ» витаминын каян алырга?

Көннәр язга авышса да, алда әле безне карга бураннары белән март көтә. Кояш чыкса да, тиз кача. Ә яхшы кәефне каян алырга? Бүген кояш витаминын арттыру һәм күтәренке кәеф серләренә төшенербез! * Кояшлы көннәрдә ешрак урамда йөрергә тырышыгыз, чөнки тәрәзәдән генә төшкән кояш нурларының файдасы юк. * Бүлмәгезгә яктылык кертегез, тәрәзәләрне жалюзи белән капламагыз. Кояш бүлмәгезгә үтеп керсен. * Рационыгызга балык, күркә ите, алма, банан, алма, чикләвекләр һәм шоколад кертегез. Нәкъ менә алар – витамин чыганагы. * Махсус лампа алыгыз. Ул кояшка булган ихтыяҗны тулыландырырга ярдәм итәчәк һәм бүлмәгә өстәмә яктылык бирәчәк. * Болытлы көннәрдә D витамины эчегез. Шулай ук табиб белән киңәшләшергә дә онытмагыз.

05.03.2024
Prev. 1 ... 92 93 94 95 96 ... 376 Next
Главная Программа Видео Шортс Поиск