Яңалыклар

Мәңге хәтердә...

.video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

22.06.2020

Әтиләрне бәйрәм белән котлыйбыз!

Июнь аеның өченче якшәмбесендә халыкара әтиләр көне бәйрәм ителә. Барлык әтиләрне дә котлыйбыз! Зур шатлык күңелебездә, Ал кояш күгебездә. Барыгыз да беләсездер- Әтиләр көне бездә.

21.06.2020

"Табигать дөньясында"

Табигатебезнең гаҗәеп хайваннары белән танышуны дәвам итәбез. Ә безнең YouTube каналда сезнең өчен тагын да күбрәк тапшырулар саклана! .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

21.06.2020

Иң рәхәт чак

Җәйне көтәбез Кайчан җитә, дип. Җиткәч куркабыз Үтеп китә, дип. Җәй үзе шуны Сизгән шикелле Кыскарта төнне, Озайта көнне. Кояш соң бата, Төннән таң ата; Айга эш тә юк. Ял итеп ята. Кояшка эш күп: Ул таңнан тора. Иген уңдыра, Безне кыздыра. Безгә миләшләр, Җиләкләр пешерә, Яхшылык кына Эшли кешегә. Бари Рәхмәт

20.06.2020

Ялларыгыз имин узсын!

Дуслар, җәйге ялларыгыз күңелле генә узамы? Әйдәгез, бергәләп юл йөрү кагыйдәләрен искә төшереп алыйк! Игътибарлы булыгыз, уен белән мавыгып китеп, үзегезне куркынычсызлык астына куя күрмәгез! · Юлның уң ягыннан гына йөр! · Бары тик тротуардан гына йөр! · Велосипедта йөргәндә, тротуар кырыеннан бар! ·Тротуар булмаган урыннарда сул яктан каршы килүче транспортка карап бар! · Урам аркылы тиешле урыннарда гына, светофорның яшел төсенә генә чык! · Машина юлыннан йөрү, машина артына асылынып бару, транспорт юлында уеннар оештыру тыела!

20.06.2020

«ШАЯН ТВ» каналында баллы премьера!

Дуслар, шундый күңелле яңалыгыбыз бар! Сезнең өчен баллы, матур, мавыктыргыч мультфильм әзерләдек. Гаҗәеп тырыш бал кортларының серле дөньясына чумасыгыз, нәни кызчык Рената һәм аның дусты – бал корты Биби белән әкият иленә сәяхәт итәсегез киләме? Яңа дусларыбыз бал кортлары патшабикәсе кушуы буенча игелек чыганагы дигән программаны эзләргә ашыга. Ләкин аларның юлына каршы чыгучылар да бар! Кемнәр дисезме? Тизрәк «ШАЯН ТВ» каналыннан «Баллы география» мультфильмын карагыз Мультфильмны Пермь шәһәрендә яшәүче татарлар төшерә. Раил Хисмәтуллин җитәкчелегендәге команда әзерләгән мультфильм инде инглиз, испан, кытай, француз һәм немец телләренә тәрҗемә ителгән. «ШАЯН ТВ» каналы мультфильмны татар телендә карау мөмкинлеге дә тудырды. «Бик тырышып эшләдек, чөнки шактый катлаулы мультфильм иде. Тәрҗемәче булу белән беррәттән, шагыйрь дә булырга туры килде. Мультфильм мюзикл шикелле, геройлар күп җирдә җырлап аралаша. Нәтиҗәсе тамашачыларга ошар, дип уйлыйбыз», – дип фикерләрен җиткерде тәрҗемәче Алсу Ромадина. .video-responsive { position: relative; padding-bottom: 56.25%; /* задаёт высоту контейнера для 16:9 (если 4:3 — поставьте 75%) */ height: 0; overflow: hidden; } .video-responsive iframe { position: absolute; top: 0; left: 0; width: 100%; height: 100%; border-width: 0; outline-width: 0; }

19.06.2020

«Милләтебез хәзинәләре» онлайн сменасында катнаш!

10-17 яшьтәге балаларны «Милләтебез хәзинәләре» онлайн сменасында катнашырга чакырабыз. Программада: читтән торып татар теле дәресләре укыту, онлайн остаханәләр, татар тарихы белән танышу. Шулай ук балалар өчен күңел ачу чаралары да каралган: иртәнге күнегүләр, кичке чаралар, башка катнашучылар, яшьтәшләр белән аралашу һәм башкалар. Теләге булган балалар төрле бәйге, викторина, брейн-ринг һәм «ШАЯН ТВ» телеканалының тапшыруларында да катнаша алачак. Катнашу өчен анкета

18.06.2020

«ШАЯН ТВ» белән «Елмай»!

Безнең каналда нинди генә тапшырулар юк! Без аны карап, ял да итәбез, бик күп яңа мәгълүмат та беләбез, белемнәрне дә арттырабыз, сәламәтлекне дә ныгытабыз. Бүген сез яратып карый торган проектларның берсе – «Елмай» турында сөйләп үтәсе килә. Әлеге проектны Әлмәт шәһәренең актив педагоглар – яшьләр төркеме тормышка ашыра. 8 педагогтан торган иҗат төркеменә: балалар бакчасы тәрбиячеләре, музыка белгечләре, физик тәрбия укытучысы һәм туган телебез, милләтебез киләчәгенә битараф булмаган шәһәр активистлары кушылган. Максатлары: балаларда һәм ата-аналарда татар теленә карата кызыксыну уяту. Шәһәр шартларындагы гаиләдә милли мохит тудыруда әти-әниләр белән бер сафта булу – яшь педагоглар өчен һөнәри осталыкны арттыру да бит әле ул! «Елмай» проекты 2016 елда Әлмәт муниципаль районы башлыгы Хәйруллин Айрат Ринат улы тәкъдиме белән башланып китте. Үзенең дә кечкенә сабыйларын туган телгә өйрәтүне заманча оештыру теләге этәргәндер дип уйлыйбыз. Гомумән, туган телне саклау, өйрәнү, милли гореф-гадәтләребезне киләчәк буыннарга тапшыру юнәлешендә бик җитди эшчәнлек оештырыла районыбызда. Бөтен дөньяга танылган тел белгече, полиглот Дмитрий Петров та иң беренче Әлмәт кунагы булды» – дип, Әлмәт муниципаль районы мәгариф башлыгының милли тәрбия бирү буенча урынбасары Сиринә Мәкъсүт кызы Җиһаншина фикерләре белән уртаклашты. Педагоглар сценарийларны балаларның яшь үзенчәлекләрен, психологик һәм физиологик мөмкинлекләрен исәпкә алып төзи. Һәр тапшыру өчен композитор үзенчәлекле көй яза икән. «Авторлар белән режиссерның, актерлар һәм видеомантажерның бердәм эше күп вакытны таләп итә. Темаларны көндәлек тормыштан алабыз, чөнки кулланган сүзләр балаларга аңлаешлы булырга тиеш. Гаиләдә балаларыбыз белән уйнап карыйбыз», – ди проект авторлары. Хәзерге көндә район җитәкчелеге ярдәме белән, 40 серия төшерелгән. 20 сериясен безнең «ШАЯН ТВ» каналында һәм интернет челтәрендә күрергә мөмкин. 20 сериясе якын арада чыгачак. Иҗат төркеме киләчәктә башка форматта төшерү буенча да уйлый. Һәр серия чыкканнан соң, бергә җыелып, кимчелекләрне барлау матур традициягә әверелгән. Бу эш проектның югары дәрәҗәдә булуын күрсәтә. «Ата-аналардан, тәрбиячеләрдән һәм укытучылардан мактау сүзләре безнең өчен бик мөһим. Шулай ук алар уңай фикерләре белән генә түгел, тәкъдимнәр белән дә чыгалар. Мәсәлән, үтелгән темаларга йомгаклау серияләре төшерү. «ШАЯН ТВ» каналына, тамашачыларга без бик рәхмәтле. Алардан, каралган тапшыруларга карата киңәшләр, тәкъдимнәр күбрәк килсә, бик шат булыр идек. Балалар өчен бердән-бер татар телеканалын карыйк, киләчәктә дә татар милли җанлы балалар тәрбиялик!» – диде Сиринә ханым.

18.06.2020

1 ... 267 268 269 270 271 ... 375

Яңа сайт!