ШАЯН рецепт: җиләкле ботка

Дуслар, сезне тәмле рецептлар белән "сыйлавыбызны" дәвам итәбез. Бүгенгесе манный боткасын яратмаучыларга да ошаячак.  Кирәк булачак: җиләк  — 100 грамм манный ярмасы — 4 аш калагы шикәр комы  — 2 аш калагы тоз  — тәменчә ваниль шикәре  — 2 грамм су  — 400 миллилитр Җиләкләрне юып, мискәгә салабыз, су өстәп плитәгә куябыз. Кайнап чыккач, тоз белән шикәр комын өстәп, тагын 10 минут пешерәбез. Аннары, җиләкләрен сөзеп алып, кайнап торган җиләк суына манный ярмасы салабыз. Болгата-болгата куерганчы пешерәбез. Ахырда ваниль шикәре яки ваниль өстибез. Ботканы бераз суынгач, блендер белән изәбез. Бик тәмле иртәнге аш әзер. Җиләкләр белән бизәп, табынга бирәбез!  Ботканы каткан һәм башка җиләк-җимешләрдән дә пешерергә була. Ашларыгыз тәмле булсын! Пешергәч, фотосын инстаграмга куеп, @shaiantv билгеләргә һәм #шаянрецепт дип язарга онытмагыз!

ШАЯН рецепт: җиләкле смузи.

    Дуслар, сезнең игътибарга беренче рецептны тәкъдим итәбез. Марафон шартлары буенча, сез аны ясап яки пешереп, фотосын инстаграм аккаунтыгызга кертергә тиеш. #шаянрецепт хештегын язарга онытмагыз! Димәк, башладык! Сусыл җиләкләрдән һәм кефирдан ясалган тәмле смузи һәркемнең күңеленә хуш киләчәк!  Чистартылган җиләк, 1-2 кашык бал, кефир өстәп, блендер белән болгатырга.  Стаканнарга салып, матур итеп бизәргә! Тәмле булсын!

Табигать дөньясында!

"ШАЯН гаилә" бәйгесендә катнашыгыз!

Җәй - гаилә белән вакыт уздыру өчен иң рәхәт чор! 8 июльдә гаилә, мәхәббәт һәм тугрылык көне бәйрәм ителә. Шул уңайдан "ШАЯН гаилә" рәсем бәйгесе игълан итәбез. Рәсемнәрне 5 июльгә кадәр  [email protected] электрон адресына җибәрегез. 6 июльдән сайтта тавыш бирү башлана. 8 июльдә җиңүчеләрне игълан итәбез. Барлык катнашучыларга - сертификатлар, җиңүчеләргә истәлекле бүләкләр тапшырылачак.

Рәсем ясыйбыз!

Яшьләр көне белән, яшьләр!

    Бүген – Яшьләр көне. Быел әлеге бәйрәмгә 62 ел тулса да, ул һәрвакыт яшь кала бирә. 1958 елдан бирле уза торган бәйрәмнең тарихына күз салып алыйк әле...    «Совет яшьләре көне»н уздыру турындагы Указга 1958 елның 7 февралендә кул куела: аны июньнең соңгы якшәмбесендә уздырырга карар кылалар. Уку елы беткән, имтиханнар тапшырылган, ял итәргә дә була. Ләкин бәйрәм көнне бөтен шәһәрләрдә җыелышлар, активист очрашулары, фабрика-заводларда спорт ярышлары уза, ә кич белән паркларда яшьләр биергә җыела.    Әйтергә кирәк, Яшьләр көненең тарихы ераккарак барып тоташа. Август ахыры сентябрь башында узган Яшүсмерләр көнен безнең илдә 1917 елдан башлап, 1945 елга кадәр бәйрәм ителә.      1993 елдан башлап, Яшьләр көне 27 июньдә уздырыла. Барлык яшьләрне бу матур бәйрәм белән котлыйбыз! Актив, максатчан һәм креатив булыгыз! Матур киләчәкнең безнең кулларда икәнен онытмагыз!

«Нәни бакчачы»

      Җәй - бакчада кызу эш вакыты. Ә сез, балалар, бакчада әти-әниләрегезгә булышасызмы? Әгәр булышасыз икән, сезне «Нәни бакчачы - 2» фотобәйгесе катнашырга чакырабыз!       Бәйгегә 18 яшькә кадәрге балалар катнаша ала. Катнашу өчен баланың бакчада эшләгән вакытта төшкән фотосын сайтта «предложить участника» дип яки [email protected] почтасына «Нәни бакчачы» фотобәйгесенә» дип язып җибәрүегез сорала.     Баланың исем-фамилиясен, кайдан икәнен дә язарга онытмагыз. Җиңүчеләрне 27нче июль көнне билгелибез. Тавыш бирү санына карап 5 һәм редакция сайлаган 5 җиңүче булачак.        Аларга дипломнар һәм бүләкләр биреләчәк. Уңышлар сезгә!  Тулырак: http://chelny-rt.ru/contest/nni-bakchachy-2

«Яшьләр тукталышы»

Дуслар, безнең тапшыруларны зәңгәр экраннар аша күрми калсагыз, борчылмагыз! Безнең YouTube каналда барлык тапшырулар да саклана!