Бәйрәм уңаеннан ПРЕСС-КОНФЕРЕНЦИЯ!

«ШАЯН ТВ» каналына 3 яшь! 2018 елның 12 ноябрендә Татарстан Республикасы Президенты Рөстәм Нургали улы Миңнеханов ярдәме белән «ШАЯН ТВ» телеканалы тәүге тапкыр эфирга чыкты. Өч ел эчендә «ШАЯН ТВ» тамашачыларның иң яраткан каналына әйләнде: эфирга меңләгән тапшыру чыкты һәм дистәләгән мең мультсериал тәрҗемә ителде. 9 ноябрь көнне «ШАЯН ТВ» каналы туган көненә багышланган «ШАЯН БАЛАЧАК» концертын үткәрде. Бәйрәм чарасы «Мин - татар» девизы астында узды. Бүген исә «ШАЯН ТВ» массакүләм мәгълүмат чаралары вәкилләрен әлеге шатлыклы вакыйганы уртаклашырга чакырды. Пресс-конференция 2021 елның 12 ноябрендә 11:00 сәгатьтә «ТАТМЕДИА» АҖ офисында узды. Биредә каналның башкарма директоры – баш мөхәррире Рамилә Әхмәтзакир кызы Сәхабетдинова 3 яшьлек «ШАЯН ТВ»ның җиңүләре белән уртаклашты, яңа проектлары белән таныштырып узды, киләчәккә планнар белән бүлеште! Спикерлар буларак шулай ук каналыбызның йолдызлары да чакырылды. Алар арасында: 1.     Әлфинур Хисами - алып баручы, Татарстанның атказанган сәнгать эшлеклесе; 2.     Илназ Сибгатуллин – "ШАЯН ТВ" каналының алып баручысы, дубляж студиясе мөхәррире, режиссёры; 3.     Аяз Әгълиуллин – "ШАЯН ТВ" каналының алып баручысы; 4.     Амелия Нигъмәтуллина – "ШАЯН ТВ" каналының алып баручысы;

Туган көнең белән, «ШАЯН ТВ»!

«ШАЯН ТВ» каналына 3 яшь!

Иртәгә, 12 ноябрь, беренче татар балалар каналы «ШАЯН ТВ»га 3 яшь тула! Шул уңайдан, сезне «ШАЯН»га кушылырга һәм «ШАЯН ТВ» белән бергә бәйрәм итәргә чакырабыз! Иртәдән кичкә кадәр канал сезнең яхшы кәефегез сагында торыр. Иң популяр мультсериаллар, тапшырулар һәм, әлбәттә, ПРЕМЬЕРАЛАР – боларның барысы бәйрәм эфирында! Нәкъ «ШАЯН ТВ»ның туган көнендә «Кыргый планета Мауглие» тулы метражлы анимацион фильмы тәүге тапкыр татар телендә күрсәтеләчәк! Шуңа күрә, 16:15тә һәм 20:35тә телевизорлар каршына җайлабрак утырыгыз! Ә 11:00 һәм 19:00 сәгатьтә «ШАЯН ТВ» эфирында «ШАЯН балачак» концертын карагыз!     P.S. «ШАЯН ТВ» каналыннан истәлекле бүләкләр отарга телисез икән, инстаграмга кереп, яңа бәйгедә катнашыгыз!

«ШАЯН БАЛАЧАК» бәйрәм концерты!

«ШАЯН ТВ» балалар телеканалының туган көненә багышланган «ШАЯН БАЛАЧАК» бәйрәм концерты! 9 нчы ноябрь көнне 18:00 сәгатьтә «ШАЯН ТВ» каналы туган көненә багышланган «ШАЯН БАЛАЧАК» бәйрәм концерты узды! Концерт башланганчы иcә кунакларга «Татар балалар җыены» программасы тәкъдим ителде. Татарстан Республикасы Президенты Рөстәм Нургали улы Миңнеханов хәер-фатыйхасы белән ачылган тәүлек әйләнәсе татар телендә эшли торган бердәнбер балалар каналына 12 ноябрь көнне 3 ел тулачак. Шул уңайдан, «ШАЯН ТВ» каналы дусларына бүләк әзерләде! Бәйрәм чарасы «Сәйлән» III балалар телевизион татар җыры фестивале лауреатлары чыгышлары, I телевизион «Бию Battle» фестивале һәм «Балачак җыры» бәйгесендә катнашып, җиңү яулаган 5 клипны тәкъдим итү белән үрелеп барды. «Сәйлән» фестиваленең 3 нче сезоны җиңүчеләре исә татар эстрадасы йолдызлары белән бер сәхнәдә балкыды! Алар арасында: Ришат Төхвәтуллин, Айгөл Хәйри һәм Данир Сабиров! «Сәйлән» фестивале җиңүчеләре башкаруында иң матур җырлар, «БиюBattle»ның иң оста төркемнәреннән онытылмаслык чыгышлар һәм, әлбәттә, клипларның премьералары – боларның барысы да 12 нобярь көнне 11:00 һәм 19:00 сәгатьтә безнең каналда «ШАЯН БАЛАЧАК» концертының телевизион версиясендә!

«Смешариклар» «ШАЯН ТВ» каналында

Посмотреть эту публикацию в Instagram Публикация от "ШАЯН ТВ" (@shaiantv)

Иртәгә «ТНВ» каналында!

Иртәгә «ТНВ» каналында «Манзара» һәм «Здравствуйте» тапшыруларын карагыз. «ШАЯН ТВ» каналы мөхәррирләр бүлеге җитәкчесе Хәсәнова Резедә һәм каналыбыз мөхәррире  Хөсәенова Сәрия "Многоликая Россия" бәйгесендә җиңү яулаганнары турында сөйләп китәрләр!

Сертификатлар әзер!

«Мин - татар баласы» бәйгесендә катнашучыларның сертификатлары әзер!  Без аларны сезнең электрон почтагызга җибәрдек. Мөһим! 1. Почтада сертификат булмаса, спамга кереп карагыз. 2. Спамда сертификат юк икән, директка "Мин - татар баласы" дип электрон почтагызны җибәрегез. 3. Катнашучыларның сертификаты бары тик электрон форматта гына җибәрелә. Барлык катнашучыларга да рәхмәтебезне белдерәбез. 

«ШАЯН ТВ» каналында яңа җиңү!

«ШАЯН ТВ» каналында яңа җиңү! Кичә «Многоликая Россия» XIII Бөтенроссия журналистлар конкурсы җиңүчеләрен бүләкләү тантанасы узды! Бәйгенең төп максаты - мәдәни мирасны үстерүгә һәм саклап калуга зур өлеш кертүче материалларны барлау. Шулай ук «Многоликая Россия» конкурсы милли гореф-гадәтләрне танытуга, Россия территориясендә яшәүче төрле милләт халыкларының мәдәниятенә һәм сәнгатенә кызыксыну уятуга юнәлтелгән. Бәйге кысаларында беренче татар балалар телеканалы җюри игътибарына үз эшен «Массакүләм мәгълүмат чараларында балалар һәм яшүсмерләр өчен яктырту проектлар» номинациясендә тәкъдим итте. Истәлекле бүләкне сәхнәдә каналыбызның редакторы Сәрия Хөсәенова кабул итте!