День телевидения!

Бездә бүген янә бәйрәм! Телевидение көне! Сезгә кызыклы мультфильмнар, тапшырулар һәм күтәренке кәеф телибез! ⠀

Кыш Бабайның ТУГАН КӨНЕ!

Ел саен 18 ноябрь көнне Россиядә Кыш бабайның Туган көнен билгеләп үтәләр! Бу дата очраклы гына сайлап алынмаган.  Нәкъ 18 ноябрь көнне Кыш бабайның өендә, Бөек Устюгта, салкыннар башлана. Бабабызның яше турында исә бердәм фикер әлегә юк. Белгечләр ышандыруынча Кыш бабай бик карт инде – аңа  2000 яшьтән артык икән!

Безнең турында сюжет.

Безнең турында «7 дней» тапшыруыннан сюжет.

«Нәни өйләр»

«ШАЯН ТВ» каналында премьера! Бу мультсериал сезне төрле илләрдә урнашкан тарихи биналар белән таныштырыр! Посмотреть эту публикацию в Instagram Публикация от "ШАЯН ТВ" (@shaiantv)

Бездән бәйрәм бүләге - өр-яңа клиплар!

Татарстан Республикасы Президенты каршындагы татар телен саклау һәм үстерү мәсьәләләре комиссиясе ярдәмендә «ШАЯН ТВ» балалар каналы «Балачак җыры» бәйгесендә җиңү яулаган җырларны тәкъдим итә! Клипларны сылтама аша карарга мөмкин!

Бәйрәм уңаеннан ПРЕСС-КОНФЕРЕНЦИЯ!

«ШАЯН ТВ» каналына 3 яшь! 2018 елның 12 ноябрендә Татарстан Республикасы Президенты Рөстәм Нургали улы Миңнеханов ярдәме белән «ШАЯН ТВ» телеканалы тәүге тапкыр эфирга чыкты. Өч ел эчендә «ШАЯН ТВ» тамашачыларның иң яраткан каналына әйләнде: эфирга меңләгән тапшыру чыкты һәм дистәләгән мең мультсериал тәрҗемә ителде. 9 ноябрь көнне «ШАЯН ТВ» каналы туган көненә багышланган «ШАЯН БАЛАЧАК» концертын үткәрде. Бәйрәм чарасы «Мин - татар» девизы астында узды. Бүген исә «ШАЯН ТВ» массакүләм мәгълүмат чаралары вәкилләрен әлеге шатлыклы вакыйганы уртаклашырга чакырды. Пресс-конференция 2021 елның 12 ноябрендә 11:00 сәгатьтә «ТАТМЕДИА» АҖ офисында узды. Биредә каналның башкарма директоры – баш мөхәррире Рамилә Әхмәтзакир кызы Сәхабетдинова 3 яшьлек «ШАЯН ТВ»ның җиңүләре белән уртаклашты, яңа проектлары белән таныштырып узды, киләчәккә планнар белән бүлеште! Спикерлар буларак шулай ук каналыбызның йолдызлары да чакырылды. Алар арасында: 1.     Әлфинур Хисами - алып баручы, Татарстанның атказанган сәнгать эшлеклесе; 2.     Илназ Сибгатуллин – "ШАЯН ТВ" каналының алып баручысы, дубляж студиясе мөхәррире, режиссёры; 3.     Аяз Әгълиуллин – "ШАЯН ТВ" каналының алып баручысы; 4.     Амелия Нигъмәтуллина – "ШАЯН ТВ" каналының алып баручысы;

Туган көнең белән, «ШАЯН ТВ»!

«ШАЯН ТВ» каналына 3 яшь!

Иртәгә, 12 ноябрь, беренче татар балалар каналы «ШАЯН ТВ»га 3 яшь тула! Шул уңайдан, сезне «ШАЯН»га кушылырга һәм «ШАЯН ТВ» белән бергә бәйрәм итәргә чакырабыз! Иртәдән кичкә кадәр канал сезнең яхшы кәефегез сагында торыр. Иң популяр мультсериаллар, тапшырулар һәм, әлбәттә, ПРЕМЬЕРАЛАР – боларның барысы бәйрәм эфирында! Нәкъ «ШАЯН ТВ»ның туган көнендә «Кыргый планета Мауглие» тулы метражлы анимацион фильмы тәүге тапкыр татар телендә күрсәтеләчәк! Шуңа күрә, 16:15тә һәм 20:35тә телевизорлар каршына җайлабрак утырыгыз! Ә 11:00 һәм 19:00 сәгатьтә «ШАЯН ТВ» эфирында «ШАЯН балачак» концертын карагыз!     P.S. «ШАЯН ТВ» каналыннан истәлекле бүләкләр отарга телисез икән, инстаграмга кереп, яңа бәйгедә катнашыгыз!