Яңалыклар

Елмаеп, көлеп алыйк!

Елмаеп, көлеп алыйк!

Айнур кәнфит тышында кысла күрде дә: - Бу кәнфит кысла турында, - дип куйды. Китап тышлыгы белән бутады бугай. ***** Икенче көн инде “Красная шапочка” әкиятен укыйбыз. Бу юлы “Красная шапочка”ның сурәтен күрде дә: “Урра, бүре әбине ашамаган!” – дип кычкырып җибәрде. ***** Айнурга йолдыз рәсеме ясап бирдем. Күрше кызы Алсу кергән иде, мактана башлады. - Бу йолдызны үзем ясадым! Алсу ышанмый: - Юк, әниең ясаган аны! – ди. Айнур: - Юк шул, әтием ясады! – дип үзе дә сизмәстән дөресен әйтеп ташлады. ***** Айнур пластилиннан песи белән тычкан ясаган. Шулар белән уйнап утыра: тычканны песидән ашата. Ашата-ашата да миннән сорый: - Әти, нишләп песи тычканны һаман ашап бетерми инде?    

19.01.2023
Халыкара балалар телевидениесе көне белән!

Халыкара балалар телевидениесе көне белән!

Халыкара балалар телевидениесе көне белән! Дүрт ел дәвамында «ШАЯН ТВ» каналы яраткан тамашачыларын балалар өчен иң яхшы тапшырулар, мавыктыргыч фильмнар, кызыклы мультсериаллар белән сөендерә, социаль челтәрләр аша аралаша. Каналыбыз көннән-көн чәчәк ата! Безнең белән булганыгыз өчен зур рәхмәт сезгә, хөрмәтле тамашачыларыбыз! Шундый тамашачыларыбыз булганда, без һәрвакыт алга атларбыз! Бәйрәм көне икән бүген Телевидениедә, Балалар өчен тапшыру Туган ди шушы көндә! «Тыныч йокы, нәниләр» дә, «Күчтәнәч» тә, «Тамчы шоу», «ШАЯН ТВ» каналында Балаларга тапшыру. Бала теле туган телдә Ачылсын өчен яхшы, Тапшырулар ярдәм итә, Булсын иде дәвамлы! Тәрбияви чара да ул, Бала күрә, ишетә, Үрнәк алалар алардан, Күп булсын киләчәктә. Алтмыш яшь тула икән бит Телевидениега, Татарча булгач тапшыру, Ярата аны бар да!                                        Фәймә Зәйнуллина  

18.01.2023
Бүген кар бабай ясыйбыз!

Бүген кар бабай ясыйбыз!

18 гыйнварда Кар бабай көне билгеләп үтелә! Кар бабай ясау - кышкы һавада иң яхшы уеннарның берсе. Кар бабайны бары тик җепшек яисә юеш кардан гына ясарга мөмкин. Андый кардан ул бик яхшы ябыштырыла. Кар бабайның барлык детальләренең дә үз символикасы булуы кызыклы. Мәсәлән, аның борыны булып торучы кишер - уңыш билгесе. Башында урнашкан чиләк - муллыкны символлаштыра. Персонажның кулындагы себерке - явыз көчләрне һәм чакырылмаган кунакларны куу өчен корал сыйфатында билгеләнә. Бүген исә кышны кар бабайдан башка күз алдына да китерү кыен. Алар открыткаларны бизиләр, мультфильмнарның үзәк персонажлары, Яңа ел чыршыларының һәм тамашаларының төп геройлары булып торалар. Кар бабай - кыш һәм Яңа ел бәйрәменең иң популяр символларының берсенә әйләнде. Кар бабай көнендә бу кышкы бәйрәм персонажын, һичшиксез, ясарга һәм матур итеп бизәргә кирәк!  

18.01.2023
ДАНИР САБИРОВНЫҢ ТАГЫН БЕР ЯҢА ҺӨНӘРЕ!

ДАНИР САБИРОВНЫҢ ТАГЫН БЕР ЯҢА ҺӨНӘРЕ!

Татарстанның атказанган артисты Данир Сабировның һөнәрләре бик күп. Шуларның берсе – ФУТБОЛ ФРИСТАЙЛЫ! Ул туптан төрле трюклар ясый, хәтта аны башында да тота белә. Яңа һөнәрне үзләштереп, концерт программасына әзерләнү өчен аңа ярты елга якын вакыт кирәк булган. «Мин шулкадәр күп вакытымны туп белән үткәрә идем, аның белән йокламый идем генә», - дип шаярта танылган пародия остасы. Җырчы белән булган кызыклы вакыйгаларның дәвамын якшәмбе «ШАЯН ТВ» каналында, 19:10 сәгатьтә, «Калеб» тапшыруында карагыз!

13.01.2023
Иске Яңа ел белән, ШАЯНнар!

Иске Яңа ел белән, ШАЯНнар!

Иске Яңа ел белән, дуслар! Бүген Яңа елда теләп өлгермәгән теләкләрне теләү өчен тагын бер мөмкинлек бар! Яңа елда тормышыбыз тагын да яхшырак булсын! Уңышлар, яхшы якка үзгәрешләр, шатлыклар алып килсен һәр өйгә! Һәрвакыт күтәренке кәеф, якты уйлар һәм матур хыяллар телибез!

13.01.2023
Prev. 1 ... 212 213 214 215 216 ... 426 Next
Главная Программа Видео Шортс Поиск