Яңалыклар

«Cәйлән» фестиваленең 4 сезоны!

«Cәйлән» фестиваленең 4 сезоны!

Яшь җырчылар өчен шәп яңалык!    «ШАЯН ТВ» каналы «Cәйлән» фестиваленең 4 сезонын ачык дип игълан итә!     Проектның төп максаты - татар халык, классик, эстрада җырларын башкаручы балаларны барлау; алар өчен иҗади үсеш мөмкинлеге булдыру.   Ел саен фестивальдә меңләгән бала катнаша, ә җиңүчеләр исә танылган артистлар белән зур сәхнәдә чыгыш ясый!  Сез дә мөмкинлекне кулдан ычкындырмагыз!   Проектның яңа сезонында катнашыр өчен җырны яздырып, анкетаны тутырып, аны [email protected] адресына юлларга кирәк! Гаризалар 2022 елның 3 июленә кадәр кабул ителә!    Нигезләмә Катнашучы гаризасы

19.01.2022
Телевизор караучылар игътибарына!

Телевизор караучылар игътибарына!

Телевизор караучылар игътибарына! Пәнҗешәмбе, 20 гыйнвар  «ШАЯН ТВ» телеканалында профилактика чаралары үткәрү сәбәпле, 02.00 сәгатътән 09.00 сәгатъкә кадәр тапшырулар трансляцияләнми. Гадәттәгечә, сез безнең сайтта һәм YouTube каналда урнаштырылган видеоларны карый аласыз!

19.01.2022
Балалар телевидениесе көне!

Балалар телевидениесе көне!

Бүген илебездә Балалар телевидениесе көнен билгеләп үтәләр! Өч ел дәвамында беренче татар балалар телеканалы «ШАЯН ТВ» бөтен дөнья татар балаларын сыйфатлы контент белән сөендерә, алар белән аралаша, бер казанда кайный!  Аның максаты да - туган телебез сагында булып, дөньядагы бөтен татар балаларын  берләштерү. Бергә булганда, бу максатка ирешү кыен булмас. Бәйрәм көнендә, хөрмәтле тамашачыларыбыз, сезгә зур рәхмәтләребезне юллыйбыз!

18.01.2022
«Сәйлән» йолдызлары!

«Сәйлән» йолдызлары!

«Сәйлән» фестивале каналыбызның йөзек кашына әверелде. Ел саен ул меңләгән баланы үзенә җәлеп итә. Балаларның кызыксынуы да үз нәтиҗәләрен күрә: бу проект катнашучыларга киң мөмкинлекләр бирә, зур сәхнәгә юл ача! Бу проект яшь йолдызларга тагын да яктырак балкырга, татар халкының җырларын танытырга ярдәм итә. 2022 ел да «Сәйлән» йолдызлары өчен профессиональ сәхнәдә башланды! Биш көн рәттән алар Татарстанның һәм Башкортостанның атказан артисты Ришат Төхвәтуллин концертында катнашып, халкыбызның гимны «Туган тел» җырын башкардылар!

17.01.2022
«Юлбарыс маҗаралары» комикслар бәйгесенә рәхим итегез!

«Юлбарыс маҗаралары» комикслар бәйгесенә рәхим итегез!

«Юлбарыс маҗаралары» комикслар бәйгесенә рәхим итегез! @komesh_kingiray инстаграм аккаунтында «Юлбарыс маҗаралары» дигән комикслар бәйгесе игълан ителә. Төп герой - Юлбарыс булсын, ә аның нинди маҗараларга юлыгуы сезнең фантазиядән тора. Бәйгедә 7-17 яшьлек балалар һәм яшүсмерләр катнаша ала. Комиксларыгызны директка юллагыз! Бәйгегә эшләр кабул итү 10нчы гыйнвардан 10нчы февральгә кадәр дәвам итә. Нәтиҗәләр 10нчы февральдән соң ясала. Жюри 1 җиңүчене билгели, җиңүче дипломга һәм истәлекле бүләккә, барлык катнашучылар да дипломнарга ия булачак. Тулырак chelny-rt.ru сайтында һәм @komesh_kingiray инстаграм аккаунтында!

14.01.2022
Иске Яңа ел!?

Иске Яңа ел!?

Ә сез бу бәйрәмнең килеп чыгышы турында беләсезме? Октябрь инкыйлабына кадәр Россия — Юлиан календаре буенча, ә Европа исә - Григориан календаре буенча яшәгән. Әйтергә кирәк, ике исәпләү системасы арасындагы 13 көн аерма халыкара эшләр алып бару өчен дә, көндәлек тормыш алып бару өчен дә уңайсызлыклар тудырган. Әйтик, даталар буенча, почта штемпельләрендә телеграмма Европада Россиягә җибәргәннән берничә көнгә алданрак алынган. 1918 елда большевиклар Европа һәм Русия календарьларын тәңгәлләштерер өчен илне Григориан календарена күчерә.  Нәтиҗәдә вакыт исәбе 13 көнгә алга сикереш ясый. Шулай итеп Яңа ел көне дә яңа стиль белән 14 гыйнварга күчә. Билгеле, рәсми рәвештә Иске Яңа ел бәйрәм ителми. Әмма бүгенге көнгә кадәр төрле илләрдә халык бу бәйрәмне яратып кабул итә.

13.01.2022
Россия матбугаты көне!

Россия матбугаты көне!

Бүген, 13 гыйнвар көнне, матбугат чаралары хезмәткәрләренең һөнәри бәйрәме - Россия матбугаты көне билгеләп үтелә. Нәкъ шушы көнне 1703 елда беренче тапкыр «Ведомости» газетасы дөнья күрә. «ШАЯН ТВ» балалар каналы командасы барлык хезмәттәшләрен котлый! 

13.01.2022
Prev. 1 ... 208 209 210 211 212 ... 376 Next
Главная Программа Видео Шортс Поиск