Бәйге!

5 октябрь укытучылар көне уңаеннан, «ШАЯН ТВ» бәйге игълан итә. 1. Инстаграмда @shaiantv сәхифәсенә языл. 2. Яраткан укытучың белән фотога төшеп, инстаграм челтәреңә #укытучым2019 хештегы белән урнаштыр. 3. Фотода @shaiantvны билгелә. 4. Фото астына укытучыңа багышлап котлау яз. Иң күп лайк җыйган язма авторын «ШАЯН ТВ» каналыннан истәлекле бүләкләр көтә!

«Манзара» - «Здравствуйте»

Бүгенге иртәбез «ТНВ» студиясендә «Здраствуйте» тапшыруында башланды. «Здравствуйте»! - эфирга иртән чыга торган мәгълүмати-танып белү тапшыруы. Биредә психология, сәламәтлек, мода, карьера, әйләнә-тирә, мәдәният, туризм һәм күңел ачу темалары күтәрелә. Һәр эш көннәрендә алып баручылар иртәнге якта яхшы кәеф тели. Бүгенге чыгарылышта «Сәйлән» бәйгесенең музыкаль продюсеры Наилә Закирова бәйгенең икенче этабы белән таныштырып үтте!   Бу чыгарылышны карарга җитешмәгән булсагыз, дүшәмбе көнне иртәнге 6:00да «ТНВ» каналы «Манзара» тапшыруында Габдрахманова Зөһрә, проектта катнашучы Шамил Саврилов белән булган әңгәмәне карый аласыз!

Туган көнең белән, смайлик!

Барыбыз да язма сөйләмдә яратып куллана торган смайликның туган көне бүген! Ул шул дәрәҗәдә безнең тормышка үтеп керде, ансыз берәр хат-хәбәр юлласаң, әйтергә теләгән сүзне дөрес тә аңламаска мөмкиннәр! Яше дә бар икән үзенең! 37 яшьлегең котлы булсын, смайлик! Дөрестән дә, безнең аралашуны смайлларсыз күз алдына да китереп булмый. Күп очракта, ниндидер сүз урынына шуны гына куеп җавап җибәрү кулайрак та! Тиз, аңлаешлы, кызык та бит әле! Хис-кичерешләрне әлеге ысул ярдәмендә белгертү 1982 елда барлыкка килгән. Моның өчен смайллар профессор Скотт Фалманга рәхмәтле булырга тиеш. Язышып аралашу барышында елмаю яки моңсулануны күрсәткән смайлларны беренче булып ул куллана башлый. Университет хезмәткәрләре аралаша торган виртуаль тактага ике нокта, сызыкча һәм җәядән торган комбинация юллый. Менә шулай итеп смайликлар барлыкка килә.

«Сәйлән» проектының икенче этабы!

          «ШАЯН ТВ» каналында «Сәйлән» телевизион-музыкаль проект үз эшен дәвам итә. Сентябрьдә аның икенче этабы башланды.           «Сәйлән» проектының максаты: татар халык, классик, эстрада җырларын башкаручы балаларны барлау; алар өчен иҗади үсеш мөмкинлеге булдыру. Үзенчәлеге исә, катнашучылар бары тик татар телендә генә җырларга тиеш иде. Конкурска 6-15 яшьлек балалардан 1000гә якын гариза кабул ителде. Шулар арасыннан «ШАЯН ТВ»ның сәнгать советы әгъзалары һәм урта, югары музыкаль белем бирү йортларының вокал укытучылары 30 катнашучыны чираттагы этапка сайлап алды. Аларның матур чыгышларына берничә атна дәвамында «ШАЯН ТВ» каналы сайтында тамашачылар тавыш бирде. Иң күп тавыш җыйган 16 баланы инде бүгеннән үк проектның җиңүчеләре дип атарга мөмкин, чөнки алар – телевизион этапка чыгучылар!           Катнашучылар үз осталыкларын төрле жанрдагы җырлар башкарып күрсәтәчәк.           Конкурста катнашучылар белән төрле остаханәләр уздыру да планлаштырыла. Алар вокал, бию, актерлык осталыгы, сәхнәдә үз-үзеңне тоту буенча мастер-классларда катнашачак, стилистлар белән очрашулар булачак. Бу проект яшь йолдызларга тагын да яктырак балкырга, гомумән, татар халкының моңлы киләчәген үстерергә ярдәм итәчәк.           Проектның ярымфиналында яшь җырчыларны мәртәбәле жюри сәйләннәр белән бәяләячәк. Шулай ук «ШАЯН ТВ» сайтындагы тавыш бирүгә нигезләнеп, тамашачы фикере дә исәпкә алыначак. Сәйләннәре күбрәк булган яшь җырчы проектның җиңүчесе дәрәҗәсенә ирешәчәк.           17-18 сентябрь көннәрендә проектның чираттагы сайлап алу туры узды. Яшь җырчыларның матур, дәртле чыгышларын, кемнәрнең алдагы турга узганын 6 октябрь көнне «ШАЯН ТВ» каналында карап белә алырсыз.

Чыршы, чыршы без сине...

...сагынып көттек ел буе, дип Яңа елда җырларбыз. Әлегә урамда – алтын көз! Агачлар сарылы-кызыллы күлмәкләрен киде, ә чыршы һәм наратлар, читтән көнләшеп кенә күзәтеп торгандай, яшел килеш кала бирә. Ә сез чыршының ни өчен һәрвакыт яшел икәнен беләсезме соң? Башка агачлардан аермалы буларак, чыршыны яфраклар урынына энәләр бизәп тора. Энәләр дә саргая һәм берәм-берәм генә коела икән. Яфраклар шикелле берьюлы түгел, ә акрынлап, сизелми генә, өч-дүрт ел эчендә чыршы барлык энәләрен алыштыра. Ләкин чыршыда энәләр бик күп, башка бер генә агачта да ул кадәр яфрак юк. Ылыслар дымны күп бүлеп чыгармый, шунлыктан кышкы салкыннарга да түзә. Өстәвенә, яуган карны тотып тора алуы ботакларының ныклыгын дәлилли. Бу агач та ашка үсемлекләр кебек үк үк йоклый икән, әмма кышын түгел, ә вакыт-вакыт кына. Яңа ел бәйрәмнәрендә чыршы безнең өйләрне бизәсә, урманны ул үзенең ел дәвапмында яшел торуы белән тагын да могҗизалы итә.

Жюри киңәшләре!

“Сәйлән” проектының икенче этабы башлана!

Бүген “ШАЯН ТВ” каналында “Сәйлән” проектының икенче этабы башлана! Киләсе этапка жюри кемнәрне сайлап алыр? Әлеге сорауга җавапны тиздән белерсез! Жюри әгъзалары: 1. Зәйнәб Фәрхетдинова 2. Илгиз Шәйхразиев 3. Иван Остроумов.

Карарга онытма!

Посмотреть эту публикацию в Instagram ⠀ ⭐️Дүрт кисәккә аерылып китә торган кубик-рубикмы?