Яңалыклар

Гаилә, мәхәббәт һәм тугрылык көне белән!

Бүген Гаилә, мәхәббәт һәм тугрылык көне! Бу төшенчәләрне сатып алып булмый. Алар - югалтырга ярамый торган кыйммәтләр. Кеше тормышында гаиләдән дә мөһимрәк бернәрсә юк, шуны онытмагыз! Һәр гаиләне әлеге күркәм бәйрәм белән ихлас йөрәктән тәбрик итәбез! Гаиләләрегезгә тигезлек, тынычлык, сәламәтлек, бәхет һәм мәхәббәт телибез. Өйләрегездә һәрвакыт үзара аңлашу, иминлек хөкем сөрсен. Гаиләләрегез нык, бердәм булсын!

08.07.2022

«ТНВ» каналы яңа сериал төшерә башлады!

«ТНВ» каналы һәм «Ватан 21 гасыр» кинокомпаниясе үзенең тамашачылары өчен өр-яңа сериал төшерә башлады. Ул «Алмаш» дип исемләнәчәк. Әлеге проект Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Татнефть» хәйрия фонды белән берлектә тормышка ашырылды. Бүген исә Теләче районында тантаналы төстә төшерү процессы старт алды. Чараның мәртәбәле кунаклары арасында Теләче районы башлыгы Нәҗип Нәкыйп улы Хаҗипов, ТР Дәүләт Советы рәисе урынбасары, югарыда әйтеп узган ТР Президенты каршындагы комиссия рәисе Марат Готыф улы Әхмәтов бар иде. Эшкә керешер алдыннан һәрвакыт тәлинкә вату традициясе бар. Бу җаваплы миссияне «Яңа гасыр» телерадиокомпаниясе» АҖ генераль директоры Илшат Юныс улы Әминев үзе башкарды. «Алмаш» фильмын Алмаз Әкбәров һәм Альберт Шакиров сценарие буенча республиканың берничә районында төшерәчәкләр. Төп рольләр Татарстанның халык артистлары Фирая Әкбәрова, Әсхәт Хисмәт һәм Искәндәр Хәйруллинга бирелгән. Аның асылында авыл һәм шәһәр тормышы, мәхәббәт, замана проблемалары торачак. Зур мәхәббәт, ә иң мөһиме, Ватанга мәхәббәт турында сериал булачак. Тамашачылар аны «ТНВ-Татарстан» һәм «ТНВ-Планета» каналларында көзен карый алачак.

07.07.2022

Кояш сугудан сакланыгыз!

Ниһаять без көтеп алган чын эссе җәй хакимлек итә! Эсселәр сагындырган булса да, аның мәкерле икәнен дә онытмаска кирәк. Җәйге кояш рәхәт һәм шул ук вакытта бик куркыныч та. Үзебезне кояш нурларыннан, эссе сугудан ничек сакларга? Кайбер кагыйдәләр белән танышып китик! * Төш вакытында, аеруча сәгать 11:00дән 16:00га кадәр аралыкта кояш нурлары астында, урамда йөрмәү яхшы, чөнки бу кояшнын иң актив вакыты. * Урамда йөргәндә баш киемнәрен кияргә онытмагыз. Кепка, эшләпәләрегезне һәрвакыт үзегез белән йөртегез. * Өс киемнәрен сайлаганда ачык төсләргә һәм «сулый торган» тукымаларага өстенлек бирсәгез, яхшы булыр. * Кояш астында йокламагыз, күләгәле урын эзләгез. * Ачык кояш астында утырмаска, күләгәдә, я зонт астында утыру хәерлерәк. * Туклану рационында күбрәк җиңел ризыклар - салатлар, җиләк-җимешләр булдырыгыз. * Су күп эчегез. Кызу һава торышында ул көненә 2-3 литр сыеклыкны тәшкил итәргә тиеш. * Пешү куркынычы булганда, тәнегезгә кичекмәстән су сибеп, маңгаегызга юеш тастымал салырга ашыгыгыз.

07.07.2022

«ШАЯН пластилин» кара!

Вакытны ничек файдалы итеп үткәрергә белмисеңме? «ШАЯН пластилин» ярдәмгә килә! Бик күп мавыктыргыч, шул ук вакытта җайлы да булган кул эшләренә сез «ШАЯН пластилин» тапшыруын карап өйрәнә алырсыз! Дүшәмбедән алып, җомгага кадәр 10:30 һәм 15:35 сәгатьләрдә «ШАЯН ТВ» каналында карамый калма!

06.07.2022

«ШАЯН ТВ» каналында кара!

Ике шук аю баласы белән дуслашасыгыз киләме? Тучка белән Кешаның күңелле, маҗаралы тормышы «Аю-аюкайлар» мультсериалында! Дүшәмбедән җомгага кадәр 13:45 һәм 21:45 сәгатьләрдә «ШАЯН ТВ» каналында кара!

06.07.2022

Искиткеч яңалык!

Искиткеч яңалык! «ШАЯН ТВ» каналы тамашачыларына шәп бүләк әзерли! Без балалар җырларын популярлаштыру буенча үз эшебезне дәвам итәбез һәм татар дөньясына тагын биш хит бирәбез! «Балачак җыры» халыкара балалар җыры бәйгесендә җиңгән җырлар яздырыла башлады! Әлеге бәйге нигезендә «ШАЯН ТВ» каналы җиңүче дип табылган җырларга студиядә яңа, заманча аранжировка ясатып яздырырга һәм сыйфатлы клип төшерергә мөмкинлек бирде. Аларны «Сәйлән» телевизион фестивале җиңүчеләре башкарачак. Шулай итеп, җырлар киң мәйданга чыгачак, халыкка таралачак һәм популярлашачак. Бик тиздән без Сезне өр-яңа хитлар белән сөендерәчәкбез!

05.07.2022

ШАЯН фактлар!

Җиләк-җимеш һәм яшелчәләр сәламәт туклануның мөһим өлеше булып тора. Әмма без еш кына үзебезнең дөрес туклануыбыз турында уйламыйбыз. Әйдәгез, бергәләп әлеге файдалы ризыклар турында күбрәк белик һәм кызыклы фактлар белән танышып китик! * Банан - агач та, куак та түгел, ә 15 метр биеклектәге үлән. * Кәбестәдә – 90%, карбызда – 92%, кишердә 87% су бар. * Дөньяда барлыгы 7000нән артык төрле сорт алма үстерәләр. * Барлык әфлисуннар да кишер сары төстә түгел. Әгәр һава торышы тиешенчә салкын булмаса, әлеге җиләк-җимештәге хлорофилл җимерелми һәм ул яшел булып кала. * Кивида әфлисунга караганда С витамины күбрәк. * Бәрәңге – космоста үстереп каралган иң беренче яшелчә. * Бер алмагач елына 400гә кадәр алма бирә ала. * Бер уртача җиләк эчендә якынча 200 орлык бар. * Яшел борчак - консерв банкасына салынган беренче яшелчә. * Гранатта уртача 1000 төш бар.

04.07.2022

Cпорт журналистларын котлыйбыз!

Бүген Халыкара спорт журналисты көне билгеләп үтелә! Һәрбер теләгән кеше дә әлеге һөнәр иясе була алмый. Моның өчен яза белүдән тыш, әле спортны яратырга һәм аңларга да кирәк. Без, тамашачылар, төрле зур-зур ярышлардан, спорт уеннарыннан еракта калсак та, нәкъ менә спорт журналистлары ярдәмендә, аларны карап, тыңлап, язган материалларын укып, үзебез дә ярышта булган кебек булабыз. Барлык спорт темасына эшләүче массакүләм мәгълүмат чаралары вәкилләрен һөнәри бәйрәмнәре белән тәбриклибез! Спорт һәм сәламәт яшәү рәвешен үстерү һәм популярлаштыру өчен башкарган эшегез өчен рәхмәт белдерәбез! Яхшы яңалыклар, матур кичерешләр, яңа һөнәри җиңүләр телибез!

02.07.2022

1 ... 207 208 209 210 211 ... 387

Яңа сайт!