Комиссия утырышы мизгелләре!

«ШАЯН ТВ» каналы Татарстан Республикасы Президенты каршындагы Татар телен саклау һәм үстерү мәсьәләләре комиссиясе белән берлектә елдан ел матур яңа проектлар әзерли. Узган, 2021 ел, бәйге, фестивальләргә, премьераларга бай булды! Бу атнада узган Комиссия утырышы да моның ачык дәлиле. «ШАЯН ТВ» каналы Комиссия белән берлектә башкарган проектларның презентациясен үткәрде - күргәзмә оештырды. Биредә интерактив форматта «ШАЯН Әлифба» анимацион сериалы, «Балачак җыры» бәйгесенең клиплары һәм җыр җыентыклары, «Мин-татар баласы» республикакүләм рәсем һәм эшләнмәләр бәйгесе нәтиҗәләре тәкъдим ителде. Әйтергә кирәк, комиссия әгъзалары һәм килгән кунаклар «ШАЯН ТВ» эшчәнлегенә югары бәя бирде! Тулырак мәгълүмат һәм фотолар shayantv.ru сайтында һәм каналның рәсми аккаунтларында.   Телеграм, ВКонтакте

«ШАЯН ТВ» каналы – ТЕЛЕГРАМДА!

«ШАЯН ТВ» каналы – ТЕЛЕГРАМДА!  Биредә сезне нәрсә көтә? • «ШАЯН ТВ» яңалыклары; • Премьералар турында мәгълүмат; • Мультфильмнар һәм сериаллар анонслары;.  • Төшерү процессы серләре;. • Кызыклы уеннар һәм биремнәр.  Керегез, язылыгыз һәм «ШАЯН ТВ» белән элемтәдә булыгыз!

«Созвездие-Йолдызлык»та кунакта

Бүген «ШАЯН ТВ телеканалы Арчада узган «Созвездие-Йолдызлык-2022» фестиваленең зона этабында кунакта булып кайтты. Фестивальдә катнашу өчен бирегә 7 районнан: Арча, Әтнә, Балтач, Кукмара, Теләче, Биектау районнарыннан катнашучылар җыелды. Бүген Әтнә, Теләче һәм Арчадан килгән талантлы балалар чыгыш ясады. Барысы 120 йолдызчык сәхнә түрен балкытты. Иң яхшы номерлар жюри тарафыннан фестивальнең гала-концертына сайлап алынды. Катнашучыларның чыгышларын турыдан-туры эфирда http://yold.ru сайтында карарга мөмкин иде. Безнең Шаяныбызга да бик күңелле булды бүген. Ул балаларны каршы алды, алар белән уйнады, фотога төште, истәлекле бүләкләр белән сөендерде.

«Сәйлән» проекты яшь талантлар эзли!

«Сәйлән» проекты яшь талантлар эзли! Мөмкинлекне кулдан ычкындырма! Тизрәк безнең сайтка кер, анкетаны тутыр һәм бик тиздән, бәлки, нәкъ синең чыгышың "ШАЯН ТВ" каналында булыр! Бәйгенең нигезләмәсе һәм катнашучы гаризасы

15 март - Халыкара Игелекле эшләр көне

Нәрсә соң ул игелек? Игелек – ул яхшылык, изгелек, нәрсәдер өмет итмичә дә эшләнгән матур гамәл. Кеше үзенеӊ эчке халәте белән һәрвакыт нәрсәгәдер мохтаҗ - җылы сүзгә, назга, якын карашка, кайгы-хәсрәтне уртаклашуга яки шатлыкны бүлешүгә... 15 мартта ел саен Халыкара игелекле эшләр көне билгеләп үтелә. Игелек кылу һич кенә дә авыр түгел, без аны көн саен, даими эшләп торабыз. Таныш булмаган кешегә елмаю, ярдәм итү, йортсыз эт яки мәчене ашату, кошларга җимлекләр кую - барысы да игелек кылуга керәләр. Изгелек җыярга телибез икән, ясалма булмаган, чын күӊелдән игелек кылырга тиешбез дип уйлыйм. Шунлыктан, якыннарыбыздан башлап, һәрбер кешегә булган карашларыбызны яхшыга үзгәртеп, һәркемгә ихтирам белән карасак иде. Шуны истә тотыгыз: игелек кылу – көчсезлек билгесе түгел, дөньяны яхшы якка үзгәртүче кешелек сыйфаты. Юкка гына борынгылар изгелек ит тә суга сал: балык белер, балык белмәсә халык белер димәгәннәр! Игелекле булыйк, дуслар!

ПРЕМЬЕРАЛАР!

Галимҗан Ибраһимовның тууына 135 ел

12 март көнне татар әдәбиятының күренекле классигы, публицист һәм җәмәгать эшлеклесе, энциклопедист галим Галимҗан Ибраһимовның тууына 135 ел булды. Ул - әдәбиятыбызга үзенең беренче хикәяләре белән килеп кереп, шактый зур әдәби мирас калдырган язучыларыбызның берсе. Күп санлы хикәяләр, зур күләмле проза әсәрләре, шулай ук әдәбиятка, театрга, тарихка кагылышлы хезмәтләр яза. Без аның «Алмачуар», «Яз башы», «Кызыл чәчәкләр», «Табигать балалары» әсәрләрен яратып укыйбыз. Шул уңайдан республикабызда язучының юбилеена багышланган төрле чаралар үтә. Музейларда, китапханәләрдә,  мәктәпләрдә Г. Ибраһимов истәлегенә багышланган конференцияләр һәм түгәрәк өстәлләр үтә; әдәби сәгатьләр, китаплар күргәзмәсе оештырыла. «Әкият» татар дәүләт курчак театры Галимҗан Ибраһимовның тууына 135 ел тулу уңаеннан тамашачыны «Адәмнәр» спектакле белән сөендерде. Габдулла Кариев исемендәге Казан татар дәүләт яшь тамашачы театры исә бөек язучының “Алмачуар” спектаклен даими сәхнәләштереп килә. Г. Ибраһимов – күпкырлы талант иясе. Аның исеме, бай әдәби мирасы халкыбыз күңелендә яши.

8 мартка бүләк әзерлибез