Яңалыклар

«ШАЯН ТВ» алып баручылары ветераннарны котлады!

«ШАЯН ТВ» алып баручылары ветераннарны котлады!

Бүген «ШАЯН ТВ» каналының нәни алып баручылары журналистика өлкәсендә хезмәт куйган ветераннарны өлкәннәр көне белән котлап кайтты. Иң изге теләкләрен җиткереп, фидакарь хезмәтләре өчен рәхмәт сүзләре әйттеләр, бүләкләр тапшырдылар. Ә өлкәннәребезнең исә, яшь буынның үзләрен шулай хөрмәтләүләрен күреп, күңелләре тулды. Үзләренең алыштыргысыз тәҗрибәләре белән дә уртаклашырга өлгерделәр. Яшьтән үк олы буынны ихтирам итеп, шәфкатьлелек орлыклары салып үстерү – безнең иң мөһим бурычыбыз булып тора.

06.10.2022
«ШАЯН»лылар ветераннарга багышланган концертта!

«ШАЯН»лылар ветераннарга багышланган концертта!

Бүген Журналистлар союзында журналистика ветераннарына багышланган зур концерт узды. Анда «ШАЯН ТВ» каналы балалары да бик теләп катнашты. Алып баручыларыбыз Ислам Хәбибуллин, Асилә Кашапова, Әминә Нуретдинова җырладылар, шигырьләр сөйләделәр. Ә «Сәйлән» балалар телевизион җыр фестивале җиңүчеләре Наилә Славина «Дәү әни» җырын, Сәидә Абдуллина, Милина Хәйруллина, Әминә Гыйльманова исә «Композитор чыпчыклар»ны башкарып, бәйрәмгә килгән тамашачыларның күңелләрен күтәрделәр. Чыннан да, концерт җылы рухта узды! Нәни йолдызчыкларыбызны кайнар алкышларга күмделәр!

05.10.2022
Дөнья буйлап...

Дөнья буйлап...

Тавык календаре Бөекбританиядә тавыклар өчен махсус календарь чыгарылган. Анда 100дән артык кош арасыннан сайлап алынган иң матур 12 әтәч сурәтләнгән. Кошчылык фермасы хезмәткәрләре әйтүенчә, тавыклар, үзләренә матур әтәч карап торса (хәтта фотосурәттән генә булса да), күбрәк йомырка сала икән. Балык тавышы комачаулый Англия һәм АКШның кайбер төбәкләрендә халык кич саен кабатлана торган бертөрле тавыштан зарлана. Ул кичке сәгать 8ләрдә ишетелә башлый һәм төн буе дәвам итә, йокларга комачаулый. Галимнәр әлеге тавышның серен ачыклаганнар. Аны гөберле бака сыман балыклар чыгара икән. Бу тавыш ишетелгән шәһәрләр елга дельтасында урнашкан. Әлеге балыклар бер сәгать буе туктамый шаулый ала. Алар бу тавышны ике махсус мускулы һәм йөзү куыгы ярдәмендә чыгара. Үзен чукраклатмас өчен, шушы тавышка сизгерлеген киметү сәләтенә дә ия икән. Маймыл-официантлар Токиодагы «Каябуки» ресторанында Ят-чан һәм Фуку-чан кушаматлы ике маймыл официант булып эшли. Алар кунакларга кул сөртергә сөлге бирә, поднос белән эчемлекләр тарата. Кунакларны җәлеп итәр өчен, маймылларга парик һәм кием киертәләр.    

05.10.2022
Бүген Бөтендөнья тапкырлау таблицасы көне икәнлеген белә идегезме?

Бүген Бөтендөнья тапкырлау таблицасы көне икәнлеген белә идегезме?

Ә сез 4 октябрь - Бөтендөнья тапкырлау таблицасы көне икәнлеген белә идегезме? Тапкырлауның иң борынгы танылган таблицасы Борынгы Вавилонда табылган һәм аңа якынча 4 000 яшь икән. Ул алтмышарлы исәпләү системасына нигезләнгән. Халыкта тапкырлау таблицасын Пифагор уйлап тапкан диләр. Аның хөрмәтенә ул төрле телләрдә әлеге галимнең исеме белән аталган. Тапкырлау таблицасын ятлау ысуллары бик күп, ләкин ни генә дисәгез дә, алар арасында иң лидеры – ул ятлау! Математика бик кирәк, Ул бит фәннәр патшасы, Нигезендә ята аның Тапкырлау таблицасы.   Аннан башка тормыш бармый, Тугачтан да башлана, Аның буе, авырлыгы, Йөртелә бит саннарда.   Бар кеше тиеш белергә Тапкырлау таблицасын, Телдән исәпләп булмый бит, Шуңа күрә ятласын!   Төгәллек таләп итә ул Бел математиканы, Кирәк ул бар кешегә дә Яттан бел таблицаны!             Фәймә Зәйнуллина

04.10.2022
«ШАЯН ТВ» ветераннарга бүләкләр әзерләде!

«ШАЯН ТВ» ветераннарга бүләкләр әзерләде!

Бүген «Яңа Гасыр» телерадиокомпаниясенең генераль директоры Илшат Юныс улы Әминев җитәкчелегендә «ШАЯН ТВ» каналы хезмәткәрләре һәм алып баручылары юбиляр ветераннарга бүләкләр әзерләде. «Бик талантлы безнең «ШАЯН ТВ» балалары. Алар бу эшкә үзләре теләп, рәхәтләнеп кушылдылар. Һәрберебез кайчан да булса өлкән кеше булачак. Яшьтән үк зурларны хөрмәт итеп, аларга игътибар күрсәтеп яшәргә кирәк. Моннан башка булмый, чөнки без – бер гаилә. Ә гаиләдә бер-беребезгә булышырга, бер-беребезне хөрмәт итәргә кирәк. Шул максат белән җыелдык та. Матур итеп, 20 минутта 100 набор бүләкне җыйдык та куйдык. Безнең ихтирамны ветераннарыбыз да сизсеннәр», - дип үз фикерен җиткерде Илшат Юныс улы. Чыннан да, мондый чаралар берләштерә. Олы буынга мәрхәмәтле булып, хөрмәт һәм ихтирам күрсәтеп яшәргә өйрәтә. Беркем дә, бернәрсә дә онытылырга тиеш түгел, бу - безнең бурыч. Җыйган бүләкләр исә, бәйрәм уңаеннан, ветераннарга, Журналистлар союзындагы юбилярларга, һәм «ТНВ» ветераннарына барып ирешәчәк.    

04.10.2022
«Манзара» тапшыруында!

«Манзара» тапшыруында!

«ТАТАР СҮЗЕ» бәйгесенең оештыру комитеты әгъзасы, «Болгар радиосы» алып баручысы Эльвира Вильданова «Татарстан-Яңа Гасыр» каналында, «Манзара» тапшыруында кунакта булып кайтты. Әңгәмә «ТАТАР СҮЗЕ» өченче Халыкара нәфис сүз телевизион бәйгесе хакында булды. «ТАТАР СҮЗЕ» бәйгесенә гаризалар кабул итү дәвам итә! Премиаль фонд бик зур! 1000 000 сум. Чыгышлар 2 номинациядә - проза һәм шигърият номинацияләрендә бәяләнә. Гаризалар 2022 елның 31 октябренә кадәр кабул ителә. Әле сез катнашырга өлгерәсез. Үзегезнең видеогызны һәм тутырылган анкетагызны [email protected] почтасына җибәрегез. Сораулар буенча 8(917)391-07-87 WhatsApp номерына яза аласыз. Тулырак мәгълүмат shayantv.ru һәм tnv.ru сайтларында.  

04.10.2022
Prev. 1 ... 180 181 182 183 184 ... 376 Next
Главная Программа Видео Шортс Поиск